آرتين لتعليم اللغات
https://forum.art-en.com/

اتكيت الخطبة (شي بجنن ؟)مارح تندم اذا دخلت
https://forum.art-en.com/viewtopic.php?t=23682		 صفحة 1 من 2
الكاتب:  بسمة عمر [ الأحد يناير 23, 2011 7:57 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
إذا قرائها الشباب بكون مشان ينصحو

ويخبرو أخواتن البنات؟؟؟؟؟؟؟

و بسم الله الرحمن الرحيم


آنستي العزيزة..

لو ربنا فك عقدتك وانخطبتي.. فإليك نصائحي حتى تأخذي بخطيبك من مركب الخطوبة إلِى مثوااااه الأخير في قفص الزوجية السعيد..


أجمل ما في الخطوبة العزايم الرومانسية :wink: :lol: على أحلى محلات أكل في البلد واللي عمرك ماراح تشوفيها بعد الزواج.. المهم نصائحي لك عند أي عزيمة مع خطيبك



1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز
متل الخنجر ولا من فوق طبعًااا



2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي..
الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور
قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِشّي متل ما بدك....

3. الشوووربة (أبوس كعب رجلك) :wink: .. بند الشوربة مهم جدًاااا..
الشوربة بتنشرب من غير صوت أبداً.. ومن غير ماتقعدي تنفخي فيها..
متل صبي النارة تبع الأركيلة اللي بينفخ في الفحم للزبون.. وطبعًاااااا
بدي ياكي تنسى تمامًا الطاسة اللي بتحطيها على تمك في البيت وتشرشري على حالك..
بالمعلقه وبدون صوت.. سخنة .. نار ... كمان بدون صوت..
وبتتركي تلت الطبق ع الأقل.. مو تميليه.. منشان تلهطيها لآخر نقطة.....



4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبي... إوعي.. الرز بالشوكة..
وكأنك بتبوسيه .. مو بتاكليه..



5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك عالسكت..
مو تشفطي المعكرونة عود عود..



6. السمك مشكلة.. شوفي.. بتفصلي اللحم عن الشوك. شلوووون..؟؟
تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة..
بلا فضايح..
شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد..
نصيحة.. ما تاكلي السمك أبداً.. قولي مابحب السمك ونفدي حالك..



7. البطاطا سواء مسلوقة أو مقلية Potato Skin أوعي تهرسيها وترميها ع الرز ويللا.....
لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..



8. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرة
وبعدين في طفاية السجاير اللي على الطاولة..
أوعي ياحبيبتي من نظام التفتفة للبذر.. إنسي....



9. ولما تخلصي أكل .. بتحطي إيدك على بطنك
-اللي عصافيرها عمتزقزق من العيّنات والنماذج اللي أكلتيها-..
وتقولي له مو معقول.. أنا عمري ما انفجعت هيك.. أنا قدامي أسبوع.. ما راح آكل فيه.....



وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها..
قال يعني بتمسحي تمك..


وبعدين تستأذني منه لدخول التواليت لإصلاح ماكياجك وبتدخلي التواليت وبتطالعي من الشنطة تبعيتك..

وأهم شي بالموضوع *plz صندويشة الفلافل اللي جايبتيها معك وبالهنا والشفااااااااااااا
*1 *1 *1 *1 *1 *1 *1 *1 *1 *1 *1 *1 :lol:

*دبكة *دبكة - :mrgreen: :mrgreen: *1 *1 *1 :lol: -
الكاتب:  Mohammed [ الأحد يناير 23, 2011 8:49 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
ههههههههه
لذيذ هالموضوع !!
بيفتح الشهية :mrgreen:
الكاتب:  Portia [ الأحد يناير 23, 2011 9:15 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
السلام عليكم :

والله هالموضوع قريتو :)

ووقتا ضحكني :D وحطيت ببالي نزلو هون :roll:

بس في كم هم طغو شوي عليي :(

مشكورة بسمة عمر *1 :)
الكاتب:  فطوم [ الأحد يناير 23, 2011 9:58 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
ههههههههههههههههههه
والله ضحكتيني :lol: :lol:
حلوة كتير *ورود *ورود
الكاتب:  ديمة [ الأحد يناير 23, 2011 10:48 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
والله زرعتي البسمة العريضة بآخر الليل ............. :lol:

جد اسم على مسمى بسمة عمر ............................... :mrgreen:

شكرا الك موضوع كتيييييير مهضووووووووم ............................................ *ورود
الكاتب:  بسمة عمر [ الاثنين يناير 24, 2011 9:20 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
[align=center] Mohammed,
شو شتهيت الفلافل
Portia,
شو سبقتك :wink: :wink: يعني على كلن المهم انو نزل
انا وصلني عالاميل فحبيت نزلو :roll:
فطوم,
ديمة,
انشالله الضحكة ما تفارقكن ابدا :mrgreen: :mrgreen: :lol: :lol: :P
وشكر الكم كتير على التعليق عالموضوع [/align]
الكاتب:  rehab [ الاثنين يناير 24, 2011 10:22 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
بسمة عمر

الموضوع كتير حلو فعلاً ضحكت من كل قلبي
أسعدك الله

بس سؤال لما الأنثى بتكون بالحقيقة بتتصرف التحذيرات كيف بيكون شكلا :shock:
طبعاً في منون عادي بس في منون مستحيل
وأكتر شي حلوة هي كأنك عم تبوسيها
الكاتب:  Mohammed [ الاثنين يناير 24, 2011 10:55 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
اقتباس:
شو شتهيت الفلافل

طبعاً الفلافل .... لكن الخطبة!! :mrgreen:
الكاتب:  bestman [ الاثنين يناير 24, 2011 11:14 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
شــــــــــــــــــو هــــــــــــــي هــــــــيـــــــــــــك


موضوع حلو كتييييييييييير


بكر قبل ما اخطب رح خلي فارسة الاحلام تقرا هالموضوع وبتمعن
شكرا الك اختي الكريمة على النقل *1 *1 *1 *1 *1 *1
الكاتب:  باسل العمروش [ الثلاثاء يناير 25, 2011 10:34 pm ]
عنوان المشاركة:  اتكيت الخطبة (شي بجنن ؟)مارح تندم اذا دخلت
هههههه
مهضووووم كتير, bestman,
اقتباس:
بكر قبل ما اخطب رح خلي فارسة الاحلام تقرا هالموضوع وبتمعن
اهما شي التمععععععععععن *hh

عأية حال, البنات فطرياً هيك بصير معن :lol:
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/