| آرتين لتعليم اللغات https://forum.art-en.com/ |
|
| شروط الحصول على الجنسية الحمصية https://forum.art-en.com/viewtopic.php?t=23543 |
صفحة 1 من 1 |
| الكاتب: | محمد الاسمر [ الأربعاء يناير 05, 2011 8:11 pm ] |
| عنوان المشاركة: | شروط الحصول على الجنسية الحمصية |
[align=center]أول شي لازم تعرف أنو الجنسية الحمصية هبة من الله سبحانه ( و رفعنا بعضهم فوق بعض درجات ) - لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل. - أن تكون مستعدا لأن تعيد يوم الأربعاء ، يعني تصيف عالأخير تمشي بعكس السير مثلا ، تلعب بالطابة بالشارع ،، تسبح عالشاطئ ، مع إنو ما في شاطئ عنا بحمص ، بس بدك تدبر راسك ، يعني : تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء . - لازم تكون من العالم اللي بحبو أكلة المجدرة . مع البصل طبعا . فإذا ماكنت هيك روح دور على غيرنا - بدك تكون ظريف كتير مع الموظفين ، لأنو عنا الموظفين بحمص الموظفين حساسين كتير و بيزعلو أوام ، يعني بدك تراجعهم بذوء وهدوء بدون ما تجرح مشاعرهم ، ولا تنسى .. المعلوم !! اي اي هه المعلوم لأنو بلاه ما في شي بيمشي . - لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو عنا بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد - لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك عنا بتمرض بعدين بأمراض مزمنة . لأنو عنا كل أنواع التلوث .. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف . - لازم تحكي عالعريض ، أما شو يعني عالعريض ، فلازم تسأل مهران يوسف تبع برنامج سؤال عالماشي ، وإذا حزرت إنت وعشرة كمان فراح يقسم الجائزة بيناتكم ، وغالبا راح يحجبها عنكم - ولا ننسى الأركيلة .. لازم يكون عندك نفس ماكن يعني شفيط نمرة ون . - ممكن تحصل على مرتبة الشرف إذا قتلت تنين حموية .. - أكيد بدك تحفظ شعار الحماصنة .. وهوي الحماصني الصقور الحرة .. نظرتهم حادة ومرة .. واللي بيحبهم مرة بيحبوه ألف مرة ومرة .. وأخيرا وليس آخرا : إذا وجدت هذه الشروط منطبقة عليك أو بإمكانك الوفاء بها ، فلحق حالك ها لأربعاء لسا قدامك كم ساعةلأنو كل أربعاء الشروط بتتغير[/align] |
|
| الكاتب: | عصام [ الأربعاء يناير 05, 2011 8:30 pm ] |
| عنوان المشاركة: | شروط الحصول على الجنسية الحمصية |
اقتباس:
لازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك ..يعني مايكون إلك كلمة بالبيت .
وشغلة التلطيش كمان مانزلتلي لا بقبان ولا بميزان لتحصل على جنسية حمصية  للحمصنة معايير عكل حال ويبدو هي وجهة نظر ضيقة للي مألف هالموضوع وبالاخير ولا ممكن كائن بالكرة الارضية كلها يكون حمصي اذا ما انولد ضمن حدودها |
|
| الكاتب: | محمد الاسمر [ الأربعاء يناير 05, 2011 8:41 pm ] |
| عنوان المشاركة: | شروط الحصول على الجنسية الحمصية |
عصام, شكرا كتير لمرورك اخي عصام كلامك سليم انا الموضوع نقلتوا للطرافة فقط وبعتذر اذا بدو يسبب زعل لاي عضو وبضل الموضوع عبارة عن مزحة وبعبر عن راي الكاتب الحقيقي مو رأي |
|
| الكاتب: | العربية [ الخميس يناير 06, 2011 6:46 pm ] |
| عنوان المشاركة: | شروط الحصول على الجنسية الحمصية |
محمد الاسمر, كتير حبيتو لهالموضوع  بدي صير حمصي  اقتباس:
ياخد منك 50 ليرة لذلك فزكرو منشان يشغل العداد
قصدو بياخد 100 ليرة لأنو أقلا تكسي بياخد60 اقتباس:
ممكن تحصل على مرتبة الشرف إذا قتلت تنين حموية ..
 هي جديدة العفا ليش شو عامليلكن ظريف هالموضوع يسلموا كتير. عصام, اقتباس:
اقتباس:
طيب بركي اللي كاتب الموضوع هو هيك تشتوش ومفكر كل الناس متلو لازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك ..يعني مايكون إلك كلمة بالبيت . وشغلة التلطيش كمان مانزلتلي لا بقبان ولا بميزان لتحصل على جنسية حمصية للحمصنة معايير عكل حال ويبدو هي وجهة نظر ضيقة للي مألف هالموضوع خلص أخي محمد الأسمر احذفلنا ياهن هالفقرتين اللي غلط ومدري شلون ولتحيا الحمصنة الحقيقية 
|
|
| الكاتب: | عصام [ الخميس يناير 06, 2011 6:54 pm ] |
| عنوان المشاركة: | شروط الحصول على الجنسية الحمصية |
محمد الاسمر, عرفان انو مو رايك والا كانت اختلفت صيغة الرد وكان كلام مباشر وانو مافي داعي للاعتذار لانو موضوع متل ماقالت العربية من واحد تشتوش |
|
| الكاتب: | محمد الاسمر [ الخميس يناير 06, 2011 8:52 pm ] |
| عنوان المشاركة: | شروط الحصول على الجنسية الحمصية |
العربية, شكرا لمرورك الجميل وقد قمت بحذف المطلوب مشان ماحدة يزعل اخي عصام شكرا لتفهمك واهلا بك مرة اخرى |
|
| الكاتب: | بسمة عمر [ السبت يناير 22, 2011 3:16 pm ] |
| عنوان المشاركة: | شروط الحصول على الجنسية الحمصية |
[align=center]حبيت الموضوع كتير حلو بس الي بكون حمصصي بالأساس فيو يغير جنسيتو مع اني ما مستعدة غير ها بس بركي شيء واحد حمصي حب يغير شو لازم يعمل  [/align] |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|