تفاجئ طلاب السنة الرابعه من قسم اللغة الانجليزية اليوم ‏19/1/2011
بصعوبة امتحان مادة النثر الحديث للدكتور مزعل ...مما أدى إلى انسحاب عدد كبير من الطلاب من قاعة الامتحان ...كان السؤال الاول عبارة عن اسئلة نكشات ولم يتوقع الطلاب مثل هذه النكشات التي أظن ان حتى كاتب الرواية جوزيف كونراد نفسه لا يستطيع حلها...وبالنسبه للسؤال الثاني كان عبارة عن اكتب مقال من بين ثلاثه من خلال فهمك لاحد المقاطع الثلاثه المذكورة في ورقة الامتحان...

طيب يا جماعة يا عالم ياهو بس فهمونا نحنا لما نتخرج هي إذا تخرجنا وإجينا بدنا نقدم عشي وظيفه ...رح يسألونا شو كانت جنسية السفينة البخارية اللي ركبها مارلو؟او رح يسألونا عن اللي قال الجمله الفلانية برواية كذا؟؟

منرجع و نقول : ليش عحظنا هالسنة لغوا الأتمته؟؟؟ !!! بدن الطالب ينشف دمه ليتخرج ولا لازم ياخد الشهادة وهو عمره فوق 30سنة؟؟؟

...إرحموا من في الأرض يرحمكم من في السماء...

و نأسف على الإطالة بس هي رح سميها فشة خلق... ‏ ]

والله الله يعيننا ع هالسنة ..... كل ما عم نقدم امتحان عم نخبص و بنقول يالله هي هالمادة .... بس شكلها كل موادنا رح تتأجل للدورة التكميلية ......
انا عندي التلاتاء مادة النثر الله يستر من يلي جاية .......
وان شاء الله بتنجحو هالمادة

والله معناتو نحن الله بعيننا عالنثر الحديث الفصل الجاي
شباب فيكن تحطو الأساله؟
شو أجاكن

من بعد اذنك ممكن اسألك ع اسلوب اسئلة الدكتور مزعل ؟
يعني السؤال الاول كان اسئلة اختياري ولا كيف ؟ وكم علامة كان عليه؟ كم سؤال كان جايب ؟
والسؤال التاني كان مقطع ولازم نعلق عليه ولا مقطع ولازم نعرف شو هي الفكرة الرئيسية للمقطع و نكتب عليه مقال ؟ وكم علامة كمان ع هاد السؤال ؟
ما كان في مواضيع دمج ؟
ياريت تساعدنا لنعرف كيف ندرس هالمادة وشكرا كتير الك

just me,
أخي الكريم إذا كان في حكي إيجابي ونقاش بالأسئلة فالكل برحب بهالشي
أما إذا كان الموضوع لمجرد النقد ف ياريت نبتعد عن هالشي, ولو إنو بعرف إنو الموضوع فشة خلق, بس ما هيك بتصير
انشالله الله بوفق الجميع بالدورة الجاي, وللأمانة فقط الدكتور قال وحكى إنو نموذج الأسئلة ممكن يكون هيك, يعني من ناحية النموذج ما كان في مفاجأة لأنو متوقع.
الله يوفق الجميع

صحيح انو في صعوبة بالأسئلة القصيرة بس هاد الشي عادي يعني مافينو الواحد يحصل على شي إذا ما عانى ... بتمنى من الدكتور مزعل أنو يساعدنا شوي وقت يصحح وخاصة بالمقالة ممكن يا ريت

هلأ بالنسبه للدكتور محمد تطمنوا بنجح ومابضلم
أنا هلأ قدمتلو شعر حديث بتمنى أن أنجح فيا أزا ساعدني بالموضوع لأن السؤال الأول شوي صعب
والترجمة6 نص الفوتونات والالكترونات ترجمتو منيح حتى نص الخفايا
وبالتوفيق

زميلة مرمورة السؤال الاول كان عبارة عن 7 جمل نكشات جاوب على 6 وكان عليه 42علامة
وبالنسبه للسؤال التاني كان عبارة عن 3 مقاطع اكتب مقال دمج على واحد منهم

لو سمحت فيك بس تنزل الاسالة هون بالمنتدى؟
وشكراً سلفاً

شكرا كتير لإلك وان شاء الله بتنجح المادة يارب .....
ادعيلنا يجبلنا الاسئلة سهلة
وشكرا كتير مرة تانية
موفق