آرتين لتعليم اللغات :: خبرنا شو بتتمنى بالسنة الجديدة و شو ناطر!

آرتين لتعليم اللغات https://forum.art-en.com/

خبرنا شو بتتمنى بالسنة الجديدة و شو ناطر! https://forum.art-en.com/viewtopic.php?t=23348	صفحة 1 من 2

الكاتب:	l'entrantaumure [ الخميس ديسمبر 23, 2010 4:50 pm ]
عنوان المشاركة:	خبرنا شو بتتمنى بالسنة الجديدة و شو ناطر!
[align=center]كم يوم و منسكر الباب على سنة مرت ومنفتحوا للسنة اللي جاية اكيد كل واحد منا عاش تجارب بهالسنة بيتمنى شي يبقى و ينعاد و اشياء تانية بيتمناها تروح لغير رجعة كان بدي اسألكم عن اللي ساويتوه و اللي ما ساويتوه ... بس لأ ... خلينا هالمرة ندير ضهرنا للي راح و نهتم باللي جاي السنة الجديدة ... شو انطباعك و شعورك عنها قبل ما تجي؟ شو بتتمنى فيها؟ لوين حابب توصل؟ شو اللي بتتمنى تحققو لذاتك و للي حواليك؟ و شو اللي بتحسو ناقصك لتحقق اللي بدك اياه.. باتمنى من الجميع يشاركوا و نتبادل الفوائد و الاماني و مني لألكم اطيب الاماني بالسنة الجديدة و الله يوفقنا و يقوينا لنحقق سعادتنا و نزيد بعمران بلدنا [/align]

الكاتب:	أندلسية [ الخميس ديسمبر 23, 2010 5:19 pm ]
عنوان المشاركة:	خبرنا شو بتتمنى بالسنة الجديدة و شو ناطر!
اقتباس: شو انطباعك و شعورك عنها قبل ما تجي؟ شو بتتمنى فيها؟ لوين حابب توصل؟ شو اللي بتتمنى تحققو لذاتك و للي حواليك؟ و شو اللي بتحسو ناقصك لتحقق اللي بدك اياه.. امممممم عام 2011 حاسستها حتكون مفصلية إلي .. يعني يمكن تكون الأولى للإلي بطريق جديد و بمرحلة حياة تانية ..يعني بعد الجامعة بيبدا هم البحث عن شغل ..و أنا متمنية كتير تكون هالسنة أول سنة عمل إلي بعد هالعطالة يلي عشناها بال2010 من جهة تانية حابة كتير إني كون أقرب لله من هالسنة و إن شاء الله ع طول ..بس أنو حابة هيك أعمل كم عمل خير .. حافظ أكتر ع فروضي و وواجباتي ..بتعرفو يعني "وَمَن يَتَّقِ اللَّهَ يَجْعَل لَّهُ مَخْرَجًا . وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا " ... و وقت احييي الحس الديني عندي أكيد ح تتحسّن نفسيتي .. كون أقوى بالحياة وأكتر ثقة .. وأكيد كمان هالشي ح يعيني حقق الشغلات التانية العملية يلي بتمناها ..أو ع الاقل بخليني أتحمل عدم تحقيقها بالشكل او الوقت الي بتمناه بصدر رحب ..أحسن مايصير معي متلا شي اكتئاب أو ردة فعل سلبية ع حالي و علي حوالي بكرة لمن هيك انصدملي شوي بهالنمازج المحبطة بحياتنا العملية و شو اللي بتحسو ناقصك لتحقق اللي بدك اياه.. ناقصني كتير ... أهم شي تنظيم الوقت و الإرادة أحياناً

الكاتب:	Portia [ الخميس ديسمبر 23, 2010 5:33 pm ]
عنوان المشاركة:	خبرنا شو بتتمنى بالسنة الجديدة و شو ناطر!
السلام عليكم : اول شي لفتة حلوة هالموضوع اللي بفضل انو ينتقل عقسم ( وجهة نظر ) اقتباس: كان بدي اسألكم عن اللي ساويتوه و اللي ما ساويتوه ... بس لأ ... خلينا هالمرة ندير ضهرنا للي راح و نهتم باللي جاي أؤيدك اقتباس: شو انطباعك و شعورك عنها قبل ما تجي؟ شو بتتمنى فيها؟ لوين حابب توصل؟ الله يجعلها سنة خير علينا جميعاً اما شو بتمنى فبتمنى كتير ربي ييسر ممكن ارجع كفي ....شو بدي من السنة الجاية Thanx

الكاتب:	فراس دلله [ الخميس ديسمبر 23, 2010 8:34 pm ]
عنوان المشاركة:	خبرنا شو بتتمنى بالسنة الجديدة و شو ناطر!
أول شي لما بتجي السنة الجديدة بالنسبة الي بحزن لأنو راحت سنة من عمري الناس بتفرح بس مو حاسة انو راح سنة منون بتمنى يعم الخير عالجميع وعلى الصعيد الشخصي بتمنى الله يوفقني بالسنة التالتة وييسر لي أمري بالسفر الى الإمارات الشقيقة بعد انتهاء الفصل الأول وبتمنى تنعاد علينا وعلى كل الأمة الإسلامية بالصحة والعافية

الكاتب:	l'entrantaumure [ الجمعة ديسمبر 24, 2010 1:07 am ]
عنوان المشاركة:	خبرنا شو بتتمنى بالسنة الجديدة و شو ناطر!
الحقيقة اسعدتوني بردودكم الاحلوة اندلسية Portia فراس انشالله السنة و كل سنة تكون خير عليكم والله يوفقكم و يوفقني وتتحقق امانينا و آمالنا و ما يضيع تعبنا عالفاضي (متل ما صار معي بالسنتين اللي مضوا)

الكاتب:	Marc [ الخميس ديسمبر 30, 2010 1:28 pm ]
عنوان المشاركة:	خبرنا شو بتتمنى بالسنة الجديدة و شو ناطر!
تحياتي اخترت أن أشارك بموضوعك من خلال هذه المقالة النثرية البسيطة التي كتبتها بهذه المناسبة على الرابط التالي : مع رحيل عام وولادة عام آخر ولا شك أنني وفي هذه المناسبة السنة الجديدة ، أتمنى لك كل الخير والسعادة والنجاح وأن يمشي الحال معك وتحقق كل شي ببالك وصدقني نتيجة التعب لا تضيع أبداً فإن لم نجدها اليوم فأكيد سنلاقيها ذات يوم على مفرق درب ما من دروب حياتنا أو في مكان ربما لم نكن نتوقعه ، ولكن المهم سنجدها برغم كل شيء ، مهما اختلفت الصورة والشكل والأسلوب المهم سنجد تلك النتيجة ، وعلى قولة فيروز : "في أمل ... إيه في أمل ".

الكاتب:	Habooosh [ الخميس ديسمبر 30, 2010 1:50 pm ]
عنوان المشاركة:	خبرنا شو بتتمنى بالسنة الجديدة و شو ناطر!
مساكن بنفسج اشتقتلكن كتير زمان ما حطيت رد,,, بتمنى تكون ايامكن كلها خير وحب وسعاده وفرح وينعاد عليكن كل سنة بالخير و الصحة والسلامة و الاحداث الحلوة دووم انا فايتة بطريق جديد بحياتي بتمنى من رب االعالمين واللي بحبوني يدعولي ويتمنولي الخير ويكمل معي ع اكمل وجه متل ما انا بحبن وبتمنى الخير للكل

الكاتب:	Quiet Rose [ الخميس ديسمبر 30, 2010 1:59 pm ]
عنوان المشاركة:	خبرنا شو بتتمنى بالسنة الجديدة و شو ناطر!
أكيد الواحد بيزعل إنو راحت سنة من عمرو بس هاد الواقع ولازم نتطلع لقدام ونحاول نتعلم من أخطائنا لأنو الحياة قصيرة ومافي وقت للأخطاء والهفوات , وأنا بقول دايما لاحياة مع اليأس ولا يأس مع الحياة وبتمنى تكون سنة خير عالجميع وكلكن تحققوا اللي ببالكن أما على الصعيد الشخصي بتمنى إني اتخرج السنة إن شاالله موفقين جميعا

الكاتب:	nouar86 [ الخميس ديسمبر 30, 2010 5:21 pm ]
عنوان المشاركة:	خبرنا شو بتتمنى بالسنة الجديدة و شو ناطر!
و الله بتمنى أني اخلص من هالجامعة و بــــــــــــــــــــــــــــــــــــــــــــــــــــــــــــــــــــــــــس

الكاتب:	حلواني [ الخميس ديسمبر 30, 2010 8:30 pm ]
عنوان المشاركة:	خبرنا شو بتتمنى بالسنة الجديدة و شو ناطر!
السلام عليكم ورحمة الله وبركاته بداية أكتر شي بتمناه أنو يعم السلام والصدق والحب والسلام في قلوب البشر لان والله انتزع وصرنا نفتقد لهالميزات .. وزمن الصدق وزمن الطيبة عدا وولا.. وصار الصادق والصريح بهلزمان مانو منيح وهو الغلطان... بالنسبة إلي بتمنى انو مرة وحدة تصدق بنت معي بمشاعرها وماتخذلني ولا تجرحني , وتكون بوجه واحد مو اكتر من وجه وتعرف أنو الصدق منجاة والله

صفحة 1 من 2	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/