مساء الخير دكتور محمد
بعد التحية و الشكر لجهودك بدي اطلب منك طلب انك تساعدنا و تحكيلنا على موقع آرتين كيف نقدر ندرس مادة النقد .
أنا متأكدة انك ما قصرت بالمحاضرات و عطيت من ألبك بس بضل في طلاب ما قدروا يحضروا محاضراتك بسبب ظروفهم و ناطرين مساعدتك.
دكتور انا بتمنى انك تساعدنا ... نحن ما قصرنا بدراستنا بس بدنا شوي توجيه و كل الطلاب الي ما حضروا محاضراتك هاد ما بيعني انهم ما عم يحضروا عن كسل او إهمال بس اكيد في ظروف منعتهم من انهم يحضروا متل باقي زملائنا وانا برأي نحن لازم تقدروا تمسكنا بتعليمنا رغم انشغالنا بالحياة وظروفنا بس مع هيك حبينا نكمل تعليمنا.
دكتور اكيد في طلاب متلي ما عم يلاقوا حدا يدلهم ع طريقة الدراسة لهي المادة وباقي المواد واذا سألنا بالجامعة كل طالب بيحكي ع كيفه و نحن بتتشربك الافكار براسنا وانا بالصدفة هلأ عالموقع قريت مشاركاتك وردودك عالطلاب لهيك تشجعت و كتبتلك هالطلب وكلي أمل انك ترد علي وتفيدني .
انا بدي اسئل عن كيفية الأسئلة لاعرف ادرس المادة , حضرتك طلبت كتابين ... ع اي كتاب لازم نركز أكتر , و من وين رح يكون السؤال البديل عن حلقة البحث ؟
و كيف ندرس القصايد الموجودة بالكتاب ...... رح تجبلنا منها أسئلة ؟
انا عندي ثقة كبيرة بإعطائك لأن مادة النقد بالسنة الثالثة طالعتها و نجحتها من أول مرة وبتمنى هي المادة كمان تطلع من أول مرة بس طبعاً بعد مساعدتك .
وانا بشكرك من كل البي على الجهد الكبير الي عم تبذلوا معنا والله يعطيك العافية والصحة يارب .