"التربية الحديثة" و " أصول التربية الحديثة "مصطلحان بات استعمالهما شائعاً و بكثرة هذه الأيام , و لا سيما في المواقف التي تتطلب من الأهل اتباع الوسيلة المناسبة في التربية و تقويم السلوك .
البعض يرى أن النظرة العابسة قد تجدي نفعاً و قد تكون السبب في ردع الأولاد و تقويم سلوكهم .
و البعض يجد في التوبيخ الوسيلة الأكثر فاعلية من سابقتها .
و ثمة من يميل إلى الضرب لأنه باعتقادهم الوسيلة الأفضل على الإطلاق في تربية الأولاد .
و يبقى للغة الحوار و بيان الخطأ للعمل على تجنبه في المستقبل نصيب في آراء و أفكار البعض .

و الملفت أنه قد تجدي إحدى هذه الوسائل نفعاً لدى شريحة معينة من الأبناء , لكنها قد تعود سلباً على البعض الآخر .

على ضوء ما تم ذكره نسأل التالي :

- ما المقصود بمصطلح " التربية الحديثة " ؟؟
-هل أنتم مع الربط ما بين السلوك و نوع العقوبة ؟؟ ( بمعنى اتباع وسيلة معينة للعقاب تتناسب و طبيعة الموقف )
-هل يجدي الحوار نفعاً في تقويم سلوك الأبناء في جميع المواقف ؟؟

سيرين,
موضوع مهم
إذا بدي قارن بين التربية القديمة والحديثة ..
فالتربية الحديثة ع الأقل هي ما العنف بمعاقبة الطفل على أقل خطأ، ومحاورة الطفل ومعاملتو كأنو كبير وإقناعو ببعض المواقف بطبيعة تصرفو نتائجو. طبعاً ..
متل ما عنا مستويين بالتربية ترغيب وترهيب، فلازم يكون لكل مستوى مستويات تاني ..
يعني الكذب عقوبتو بتختلف عن علامة سيئة .... الخ. لأنو غير هيك رح تستوي الأخطاء وتستوي العقوبة وما تاخد أي مفعول ع الطفل فيما بعد، وهاد الشي المفروض ما نوصل لإلو نهائياً جداً .. وخاصة لو بدأنا فيه منذ الصغر، وهيك ما بيكبر راس الطفل وبيجي بالمسايرة.
بس طبعاً في مواقف بتحتاج للأمر دون النقاش، يعني لازم نكون معودين الطفل ع كذا طريقة بين أمر ونقاش لحتى ما يتمادى بطلب أسباب.

هلأ في ناس خلونا فعلاً نزعج من مصطلح التربية الحديثة، بسبب أنن رخو الحبل لأولادن كتيير، وصارت قلة الاحترام نتيجة من نتائج التربية الحديثة ..
ولما بيكبرو، النتائج السيئة بتتضّح أكتر وبصير من الصعب أنو نروض الطفل بعد ما تعوّد ع طريقة معينة من التربية وصار يحرج أهلو قدام العالم.
ووقتا منقول الله يرحم ايام جدنا وستنا
لذلك أنو نمسك العصا من النص أهم وسيلة للتربية بغض النظر عن جميع المصطلحات .

عاشقة العربية,

حبيت أني بلش تعليقي من نقطة كتير مهمة ذكرتيها خلال تعليقك و هي :



فعلاً هاد الشي لمستو أكتر من مرة و بأكتر من موقف ...
و فينا ننعم هاد الشي على الأولاد خلال وجودن بمدارسن ... لأنو الغالبية العظمى من الطلاب صاروا فعلاً يتمادوا و يبتعدوا عن السلوك السليم وقت يشوفوا أنو المدرّس أو المدرّسة عم يتعاملوا معن بطريقة محترمة بعيدة عن العنف و سواه .



كلام سليم ....
بس بحب ضيف شغلة ... ممكن أنو الحوار و النقاش يكون ألن تأثير كتير كبير على نوع محدد من الأولاد ... و في حال أردنا أنو نتعامل مع جميع الأولاد بنفس الطريقة , برأيي أنو ما رح يمشي الحال ... متل ما في ناس ممكن أنو يردعها الضرب , بالمقابل في ناس ماممكن أنو يردعها و قس على ذلك



أشكركِ على ما تفضلتَ به من آراء و وجهات نظر
سررت بمرورك الكريم

ديمة,



لفت انتبهاهي ربطك ما بين التربية و متطلبات العصر الحالي .. بس بيبقى أنو نكون حريصين على أنو هالمتطلبات ما تكون خارج نطاق اهتماماتنا و تربيتنا

في الحقيقة ... سررت كثيرا بقراءة ما تفضلتِ بذكره في هذه الصفحة ... و خاصة أنك تحدثت عن المشكلة من خلال تجربتك الشخصية كأم

أدامكِ الله لأولادك و أسأل العلي القدير أن يجعلهم قرة عين لك و لأبيهم

هلا أنا مابعرف ليش منطلق عليها اسم حديثة و مستعملة و قديمة.
الترباية ترباية وحدة بكافة العصور و الأزمان.
صح

والله انا براي الطفل ما لازم ينضرب ابدا انا من جهتي ما بحب الضرب ممكن تصرخ علي بس ما تضربو