السلام عليكم:

أنا موبايلي نوكيا 6120 وخطي سيرياتيل
عندي مشكلة بإعدادات الانترنت بالموبايل.. بعتت رسالة فيها حرف ج لل 1211 وبعتولي رسالة بس ما فتحا الموبايل (صيغة غير مدعومة) وبعدين اتصلت بالشركة رجعو بعتولي نفس الرسالة يلي ما بتنفتح... الرسالة طلعت عندي باسم (1211) مع انو لازم تطلع باسم (رسالة تكوين) لهيك الخطأ أكيد من الشركة..
في شي طريقة لضبط الاعدادات غير الشركة؟؟ لأنو مليت من كتر ما بعتت رسائل واتصلت وكلو عالفاضي؟؟
يرجى المساعدة... وشكراً

بنصحك أن تروحي عالشركة أحسن هني بضبطو الاعدادات

Nastia,

وصلتي، 100 أهلا وسهلا

طريقة تثبت الإعدادات لخطوط سيريتل على الشكل التالي:

من قائمة الجهاز - الضبط - الإتصالات - نقاط الوصول - نقطة وصول جديدة إتبعي الخطوات التالية:

إسم نقطة الوصول: DATA-GPRS
حامل البيانات: حزم بيانات.
نقطة الوصول: net.syriatel.com
إسم المستخدم: بلا
كلمة المرور: بلا
التحقق: عادي
الصفحة الرئيسية: ما بتفرق Google.com مثلا.



بعدين منروح على متصفح الانترنت الخاص بالموبايل.

منفوت على الضبط - عام - نقطة الوصول منحطها DATA-GPRS يلي عملاناها بالضبط.

وهيك إنشاء الله بيمشي الحال .، وشو بيصير معك خبرينا


تقبلي تحياتي وكل عام وأنتٍ بخير

NOOR TALEB,

شكرا على الرد.....

بس للأسف ما مشي الحال

Nastia,

أهلا وسهلا بكي أختي الكريمة.

بس لو سمحتي ممكن تقليلي وين المشكلة يلي عمتصير معك عالضبط؟


تقبلي تحياتي

NOOR TALEB,

عملت متل ما شرحتلي بالضبط وفتحت الويب بس طلع (الاتصال غير متوفر) أو هيك شي..
والغريب انو اليوم بعتت رسالة لل 1211 وصل الرد انو اعدادات جهازي غير متوفرة!!! مع انو قبل كم يوم كنت عم شغل النت من الموبايل كالعادة بس فرمتت الجهاز لهيك احتجت للإعدادات مرة تانية...
ممكن يكون في خطأ من الشركة؟

Nastia,

أيووا ،

معناها الشبكة فايتة بالحيط ، على كل حال ، انتي حاولي تمسحي الإعدادات وترجعي تحطين من جديد ، وبعدين عيدي إقلاع موبايلك ، وإنشاء الله بيمشي الحال..

تقبلي تحياتي

أحسن شي ترجعي تتصلي بالشركة لأنو أنا صارت معي كذا مرة و لما اتصلت بالشركة حلولي الأمر .
موفقة انشاء الله

ما في فائدة اكتشفت انو المشكلة من موبايلي لأنو حطيت فيه بطاقة ام تي ان وضل نفس الشي؛ يعني ظلمناها لشركة السيرياتيل
يمكن بدو سوفت وير لحتا يمشي الحال لأنو أنا فرمتو فرمتة وبعد هالشي صارت المشكلة...
شكرا لمروركم

له ولا يهمك بدنا خدمة تحرز.