آرتين لتعليم اللغات
https://forum.art-en.com/

((الــتــربــيــة الــحــديــثــة))
https://forum.art-en.com/viewtopic.php?t=22991		 صفحة 1 من 1
الكاتب:  سيرين [ السبت نوفمبر 13, 2010 8:55 pm ]
عنوان المشاركة:  ((الــتــربــيــة الــحــديــثــة))
"التربية الحديثة" و " أصول التربية الحديثة "مصطلحان بات استعمالهما شائعاً و بكثرة هذه الأيام , و لا سيما في المواقف التي تتطلب من الأهل اتباع الوسيلة المناسبة في التربية و تقويم السلوك .
البعض يرى أن النظرة العابسة قد تجدي نفعاً و قد تكون السبب في ردع الأولاد و تقويم سلوكهم .
و البعض يجد في التوبيخ الوسيلة الأكثر فاعلية من سابقتها .
و ثمة من يميل إلى الضرب لأنه باعتقادهم الوسيلة الأفضل على الإطلاق في تربية الأولاد .
و يبقى للغة الحوار و بيان الخطأ للعمل على تجنبه في المستقبل نصيب في آراء و أفكار البعض .

و الملفت أنه قد تجدي إحدى هذه الوسائل نفعاً لدى شريحة معينة من الأبناء , لكنها قد تعود سلباً على البعض الآخر .

على ضوء ما تم ذكره نسأل التالي :

- ما المقصود بمصطلح " التربية الحديثة " ؟؟
-هل أنتم مع الربط ما بين السلوك و نوع العقوبة ؟؟ ( بمعنى اتباع وسيلة معينة للعقاب تتناسب و طبيعة الموقف )
-هل يجدي الحوار نفعاً في تقويم سلوك الأبناء في جميع المواقف ؟؟
الكاتب:  عاشقة العربية [ الثلاثاء نوفمبر 16, 2010 2:32 am ]
عنوان المشاركة:  ((الــتــربــيــة الــحــديــثــة))
سيرين,
موضوع مهم *1
اقتباس:
ما المقصود بمصطلح " التربية الحديثة " ؟؟
إذا بدي قارن بين التربية القديمة والحديثة ..
فالتربية الحديثة ع الأقل هي ما العنف بمعاقبة الطفل على أقل خطأ، ومحاورة الطفل ومعاملتو كأنو كبير وإقناعو ببعض المواقف بطبيعة تصرفو نتائجو.
اقتباس:
هل أنتم مع الربط ما بين السلوك و نوع العقوبة ؟؟ ( بمعنى اتباع وسيلة معينة للعقاب تتناسب و طبيعة الموقف )
طبعاً ..
متل ما عنا مستويين بالتربية ترغيب وترهيب، فلازم يكون لكل مستوى مستويات تاني ..
يعني الكذب عقوبتو بتختلف عن علامة سيئة .... الخ. لأنو غير هيك رح تستوي الأخطاء وتستوي العقوبة وما تاخد أي مفعول ع الطفل فيما بعد، وهاد الشي المفروض ما نوصل لإلو نهائياً :arrow:
اقتباس:
-هل يجدي الحوار نفعاً في تقويم سلوك الأبناء في جميع المواقف ؟؟
جداً .. وخاصة لو بدأنا فيه منذ الصغر، وهيك ما بيكبر راس الطفل وبيجي بالمسايرة.
بس طبعاً في مواقف بتحتاج للأمر دون النقاش، يعني لازم نكون معودين الطفل ع كذا طريقة بين أمر ونقاش لحتى ما يتمادى بطلب أسباب.

هلأ في ناس خلونا فعلاً نزعج من مصطلح التربية الحديثة، بسبب أنن رخو الحبل لأولادن كتيير، وصارت قلة الاحترام نتيجة من نتائج التربية الحديثة ..
ولما بيكبرو، النتائج السيئة بتتضّح أكتر وبصير من الصعب أنو نروض الطفل بعد ما تعوّد ع طريقة معينة من التربية وصار يحرج أهلو قدام العالم.
ووقتا منقول الله يرحم ايام جدنا وستنا :idea:
لذلك أنو نمسك العصا من النص أهم وسيلة للتربية بغض النظر عن جميع المصطلحات .
الكاتب:  ديمة [ الأربعاء نوفمبر 17, 2010 12:44 am ]
عنوان المشاركة:  ((الــتــربــيــة الــحــديــثــة))

بداية أختي الكريمة شكرا لطرحك هذا الموضوع الدقيق والحساس ........ *1

[quote]
ما المقصود بمصطلح " التربية الحديثة " ؟؟
[/quote]

المقصود برأي المتواضع هو :مجموعة نظم ومفاهيم جديدة متناسبة مع متطلبات العصر الحالي.......... وطريقة تعامل تميل للسهولة أكثر من الماضي ...... والسعي بشكل أكبر لتحقيق طموحات الأبناء.......... *1

[quote]
هل أنتم مع الربط ما بين السلوك و نوع العقوبة ؟؟
[/quote]

من صميم تجربتي الخاصة أختي أقول ما يلي باختصار :oops:

بالتأكيد يجب أن يكون هناك تناسب بين نوع السلوك المؤدى ، وردة الفعل من قبل الأهل أي العقوبة ........ يجب أن تتاسب ،بحيث تعيد الوضع إلى نصابه السليم ........ سواء كان يكتفي بالنظرة، أو الازدراء ،أو التوبيخ ،ومدى القسوة بالكلمات ، إلى حرمانه من شيئ مفضل لدى الطفل، وصولا لآخر مرحلة وهي الضرب ،وأقول الضرب نعم الضرب .......ولا يعني هذا أني أم قاسية ، لا والله أبدا، ولكن الموقف يتطلب أحيانا بعض الحزم ، وما أقوله بناء على واقع أعيشه ..... *---

[quote]
-هل يجدي الحوار نفعاً في تقويم سلوك الأبناء في جميع المواقف ؟؟
[/quote]


مؤكد أنه أفضل الطرق والوسائل ، و أنا شخصيا كثيرا ما ألجأ إليه ..... إنه سهل ،ويسير ،ومفيدللطفل في مناقشته، وردعه عن تصرف ما بطريقة منطقية يكون كلانا راض بالنتيجة ، الطفل اقتنع وعاد لصوابه ،والأم تسعد بتفهم طفلها ما تريد ......... ولكن لا يعني هذا أنه دائما المفيد *hh فأحيانا يرفض الطفل الإصغاء ، وتنفيذ أي اقتراح مفيد وصائب من الأهل .... بالتالي ألجأ لطريقة أخرى لدفع الضرر والأذى الذي لا يقدره الطفل عند إصراره على القيام بما يريد ....... هو من يضطرني لاتباع أسلوب آخر :evil:

آسفة أختي إن أسهبت بالحديث ..... ولكن موضوعك لامس واقع أعيشه شخصيا بشكل يومي ....... *sla

شكرا جزيلا لك ............ *1
الكاتب:  سيرين [ الثلاثاء نوفمبر 23, 2010 4:28 pm ]
عنوان المشاركة:  ((الــتــربــيــة الــحــديــثــة))
عاشقة العربية,

حبيت أني بلش تعليقي من نقطة كتير مهمة ذكرتيها خلال تعليقك و هي :

هلأ في ناس خلونا فعلاً نزعج من مصطلح التربية الحديثة، بسبب أنن رخو الحبل لأولادن كتيير، وصارت قلة الاحترام نتيجة من نتائج التربية الحديثة ..


فعلاً هاد الشي لمستو أكتر من مرة و بأكتر من موقف ...
و فينا ننعم هاد الشي على الأولاد خلال وجودن بمدارسن ... لأنو الغالبية العظمى من الطلاب صاروا فعلاً يتمادوا و يبتعدوا عن السلوك السليم وقت يشوفوا أنو المدرّس أو المدرّسة عم يتعاملوا معن بطريقة محترمة بعيدة عن العنف و سواه . :arrow:

جداً .. وخاصة لو بدأنا فيه منذ الصغر، وهيك ما بيكبر راس الطفل وبيجي بالمسايرة.
بس طبعاً في مواقف بتحتاج للأمر دون النقاش، يعني لازم نكون معودين الطفل ع كذا طريقة بين أمر ونقاش لحتى ما يتمادى بطلب أسباب.


كلام سليم ....
بس بحب ضيف شغلة ... ممكن أنو الحوار و النقاش يكون ألن تأثير كتير كبير على نوع محدد من الأولاد ... و في حال أردنا أنو نتعامل مع جميع الأولاد بنفس الطريقة , برأيي أنو ما رح يمشي الحال ... متل ما في ناس ممكن أنو يردعها الضرب , بالمقابل في ناس ماممكن أنو يردعها و قس على ذلك :arrow:

لذلك أنو نمسك العصا من النص أهم وسيلة للتربية بغض النظر عن جميع المصطلحات .


أشكركِ على ما تفضلتَ به من آراء و وجهات نظر :wink:
سررت بمرورك الكريم *1 *ورود

ديمة,

المقصود برأي المتواضع هو :مجموعة نظم ومفاهيم جديدة متناسبة مع متطلبات العصر الحالي.......... وطريقة تعامل تميل للسهولة أكثر من الماضي ...... والسعي بشكل أكبر لتحقيق طموحات الأبناء


لفت انتبهاهي ربطك ما بين التربية و متطلبات العصر الحالي .. بس بيبقى أنو نكون حريصين على أنو هالمتطلبات ما تكون خارج نطاق اهتماماتنا و تربيتنا :arrow:

في الحقيقة ... سررت كثيرا بقراءة ما تفضلتِ بذكره في هذه الصفحة ... و خاصة أنك تحدثت عن المشكلة من خلال تجربتك الشخصية كأم :wink:

أدامكِ الله لأولادك و أسأل العلي القدير أن يجعلهم قرة عين لك و لأبيهم *1 *ورود
الكاتب:  rehab [ الخميس نوفمبر 25, 2010 12:44 am ]
عنوان المشاركة:  ((الــتــربــيــة الــحــديــثــة))
السلام عليكم

سيرين ما كتير بدي احكي بتعريف التربية الحديثة لأن انحكى مافيه الكفاية منك ومن الزميلات *ورود

من خلال تجربتي أنا كمان فيني قول اني ضد الضرب تماماً لأن الحوار أكيد بيجيب نتيجة بس مع انو الطفل لازم يضل خايف من العصا بس ما يجربها ,وأساليب العقوبة كتيرة كتير وكل طفل الو اسلوب و بظن الأطفال بيختلفو عن بعض حسب االوالدين والجو المحيط وانو الطفل الكبير أو غيرو وأهم شي انو اذا بنات أو اولاد على كل الأحوال بظن انو الضرب الو أثار جداً سلبية على الطفل واذا كان متكرر أعتقد انو رح يوصل الطفل لدرجة ما عاد يتألم , هاد رأيي عاد ما بعرف

أنا مع اشراك الطفل بوضع البيت بمناسباتو وأفراحوا وأحزانو حتى يشعر بالمسؤولية طبعاً بحدود وهيك بيشعر بشكل او بآخر انو فيه عندو جانب من الوعي وبحاول يثبتو

ضروري انو الوالدين دائماً يزرعوا بعقل الطفل الاواعي انو هو مختلف ومؤدب وصادق وووووووو وبهيك هو رح يحاول يثبت هالشي دائماً وخصوصاً الطفل الأول حتى الطفل التاني رح يكون مقلد للاول ورح يتعلم منو وهيك بيخف الحمل عن الاهل


ونقطة مهمة كتير كتير لازم يتبع الأب و الام نفس الأسلوب وتكون كلمتهم وحدة بتربية الطفل وما الام تحكي كلمة وتاني يوم الأب يحكي العكس وهيك الطفل بيضيع بين التنين وما بيكون في قانون بالبيت ولازم الأب والام يكونوا مثال حي للطفل لأن هو كمان بدو يقلدهم حتى باصغر الامور .


كلمة أخيرة : أطفال اليوم أوعى من أطفال زمان ومختلفين بحكم التكنولوجية وغيرها وأكيد أسلوب التعامل معه رح يكون ولازم يكون مختلف


شكراً سيرين ومتل ما تعودنا منك مواضيع مهمة *1 *1

أسفة للاطالة
الكاتب:  nouar86 [ الخميس نوفمبر 25, 2010 3:01 am ]
عنوان المشاركة:  ((الــتــربــيــة الــحــديــثــة))
هلا أنا مابعرف ليش منطلق عليها اسم حديثة و مستعملة و قديمة.
الترباية ترباية وحدة بكافة العصور و الأزمان.
صح :surprised:
الكاتب:  dream [ الخميس نوفمبر 25, 2010 7:04 pm ]
عنوان المشاركة:  ((الــتــربــيــة الــحــديــثــة))
والله انا براي الطفل ما لازم ينضرب ابدا انا من جهتي ما بحب الضرب ممكن تصرخ علي بس ما تضربو
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/