[align=center]أكيد في ظلم بالجامعة مو كلا محدا بقول لا وأحيانا الفزلكة بالأسئلة
بس متل هيك لسا ما طلع بس لا تخافو إلا ماتخطر ع بال شي دكتور لأن قبل ما يعطوه الدكتوراه بيعمل دورة في التفنن بالأسئلة و اكل العلامات كانو لما بيعطي العلامة للطالب عم يدفع حقها من جيبو مابعرف هيك بحس بعض الدكاترة او كتير
في طالب في الجامعة كان عنده مادة من المواد اللي بيدرسا مختصة بعالم الطيور ..ولما قرب امتحان المادة آخر السنة .. الطالب راجع وراجع لحد ما شقف حالو من الدراسة.
المهم.. دخل الامتحان وهو واثق مليون في الميه إنه جاهز ورح ينجح وبتفوق كمان..
المفاجأة انو الأستاذ جبلون سؤال واحد بس..
السؤال كان عبارة عن صور لرجلين بعض الطيور..
والمطلوب معرفة أسماء الطيور من شكل رجليها بس!!
صاحبنا عصب وضرب راسو وما عرف يحل السؤال.. قام من الكرسي وراح لعند الأستاذ وسلم ورقته فاضية وقلو: تضرب انـت ومادتك.. ..
رد عليه الإستاذ ببرود وقلو: اعتبر نفسك رسبان بالمادة يا حبيب..
بعد شوي.. لاحظ الأستاذ أنو الطالب ما كتب اسمه على ورقة الإجابة..
قلو بنرفزة : وين اسمك على الورقة يا ولد ؟
قام الطالب رفع بنطلونه لفوق لعند ركبته وقلو
بحياة أمك بتقدر تعرف اسمي من شكل رجليي
[/align]
