آرتين لتعليم اللغات https://forum.art-en.com/
لحظة شوي قبل ماتشرب https://forum.art-en.com/viewtopic.php?t=22744	صفحة 1 من 1

---

الكاتب:	hope is always there [ الخميس أكتوبر 21, 2010 3:48 pm ]
عنوان المشاركة:	لحظة شوي قبل ماتشرب
لحظة شوي قبل ماتشرب: بتعرفو إنو المي يلي عمنشربا بتحتوي نسبة مخيفة من الأشنيات والطحالب ونسبة هائلة من الكلس والأتربة والجراثيم وغيرا وبلاوي كتير وهادا الشي مانو مخفي حتى إذا بدكون جربو غلو مي وبردوا وإنتبهوا للطبقة الموجودة فوق المي هادا هوي الكلس ياشباب ويا بنات وتأكيد أكتر جيبو أي شركة من الشركات يلي بتقوم بتركيب فلاتر للبيوت لتكشفلن شو عمتشربو أكيد هادا الشي بينطبق على مياه محافظة حمص لأني بصراحة مابعرف شي عن مياه المحافظات الباقي بس أكيد أحسن من ميتنا خلونا نفكر شوي بلفترة الأخيرة تزايدت اعداد المصابين بأمراض الكلى ويلي معن بعانو من مرض الرمل وامراض كتيرة شو السبب .خلوني جاوب عنكن السبب هوي المي نصيحة : بعدوا عن مية الحنفيات وخلوا بس للإستحمام وللجلي وللأعمال المنزلية وبلشوا عادة جديدة وهي الشرب من الأناني .ياشباب أنا ماني مندوب لشركة بقين أو دريكيش بس مافي عيلة ماعانت من أمراض سببا المي والسلام

---

الكاتب:	Nastia [ الخميس أكتوبر 21, 2010 4:54 pm ]
عنوان المشاركة:	لحظة شوي قبل ماتشرب
hope is always there, شكراً عالمعلومة.... نحنا بالبيت مركبين جهاز فلتر للمي وفعلا فرقت كتير... بس بالنسبة لمية القناني... للأسف كتير في تحذيرات منا لأنو عم تنحفظ بالبلاستيك لفترة طويلة.... وهالشي بخلي المي تكتسب شي من البلاستيك... وحتى انو ما فينا نستخدم القنينة نفسا لأكتر من خمس أو ست مرات (حسب شو مكتوب بسفل القنينة) لهيك برأيي أحسن شي هوي الفلتر .. حتى لو كلف مصاري بس الصحة أهم

---

الكاتب:	Portia [ الخميس أكتوبر 21, 2010 5:22 pm ]
عنوان المشاركة:	لحظة شوي قبل ماتشرب
السلام عليكم : Nastia : سبقتيني بالرد و كلامك قريب ل يلي كتبتو : hope is always there: والله كلامك صحيح مية بالمية و فعلاً ميتنا صايرة شي بس انو اذا جببا فلتر مرتب مو احسن من كراتين المي الصحية لأن هيك شو بدو يلحق الواحد ل يلحق و بتعرف مو عنا متل السعودية بدونات كبيرة برأي فلاتر مي قد تفي بالغرض ولا شو رأيكم ؟ حبذا اذا رأي مختص شكراً عالموضوع الهام ....................................... معناها في شبه اتفاق على فلتر المي الصحي كحل شو رأيكم ؟

---

الكاتب:	Nastia [ الخميس أكتوبر 21, 2010 9:52 pm ]
عنوان المشاركة:	لحظة شوي قبل ماتشرب
Portia, كلامك مظبوط.. لأنو اذا حسبناها اقتصاديا بيطلع حق قناني المي يلي رح نشتريا خلال حياتنا قد حق فلتر المي وأكتر... والفلتر صحي وبضل مدى الحياة

---

الكاتب:	مرح [ الخميس أكتوبر 21, 2010 10:04 pm ]
عنوان المشاركة:	لحظة شوي قبل ماتشرب
انا كنت اقرف اشرب المي بس الحمد الله ركبنا فلتر والله فرقت بالله عم تحكوا على الفلاتر!اكيدوا هي شركة الفلاتر عاطيتكن نسبة

---

الكاتب:	hope is always there [ الخميس أكتوبر 21, 2010 11:15 pm ]
عنوان المشاركة:	لحظة شوي قبل ماتشرب
يا شباب بصراحة بهل الأيام الشركات التجارية عمتلعب بكل شي يعني مو كل مم ركب فلتر معناتا إرتاح ب70 بلمية من هلفلاتر ماعمتحقق الفايدة المرجوة بس يالله الكحل أحسن من العمى يعني الواحد ماضروري يشرب المي نضيفة مية بلمية 70 بلمية ماشي الحال

---

الكاتب:	بسمة عمر [ الأربعاء نوفمبر 24, 2010 6:53 pm ]
عنوان المشاركة:	لحظة شوي قبل ماتشرب
حتى بهاي ماشي الحال شو عم نستنى حتى مانقبل بس أقل شي يكون 90أو95بالمية اما كيف بدنا نعيش مابعرف شكرا على طرح الموضوع

---

الكاتب:	nouar86 [ الأربعاء نوفمبر 24, 2010 9:00 pm ]
عنوان المشاركة:	لحظة شوي قبل ماتشرب
والله يا جماعة صدقو انو الفلتر ما بسوي شي. بعدين أحسن للماوح بربي شوية طحالب بطنو

---

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/