آرتين لتعليم اللغات
https://forum.art-en.com/

بسرعة دخلو شوفي قصتي بجامعة البعث
https://forum.art-en.com/viewtopic.php?t=22684		 صفحة 1 من 1
الكاتب:  فراس دلله [ الجمعة أكتوبر 15, 2010 2:33 am ]
عنوان المشاركة:  بسرعة دخلو شوفي قصتي بجامعة البعث
دخلت يوم الأحد على موقع الجامعة وشفت علامت الأدب الاسلامي 58 ( 42 نظري و 16 حلقة بحث ) ويوم الاربعاء دخلت لشوف اذا في نتائج نازلة واذ صايرة علامتي 49 علما انو طالعت مواد زميلاتي ومو متغيرة الا علامتي موحرام هالشي يعني انا ترفعي واقف على هالمادة وذا ماترفعت رح استنفذ لاني رسبت سنة بالأولى وسنة بالثانية موحرام يضيع مستقبلي بعد ما شفت النتيجة ناجحة برجع بلاقيها راسبة فشو رأيكم بهالشي كأنو دخل هكر عالنت وسرق العلامات والله أعصابي تلفت
الكاتب:  ثـــائـــر [ الجمعة أكتوبر 15, 2010 4:55 pm ]
عنوان المشاركة:  بسرعة دخلو شوفي قصتي بجامعة البعث
فراس دلله,

طول بالك أخي ... ما بصير غير يلي ربك كاتبو ...

هالشي يلي صار بصير كتير لذلك و إذا بدك تقطع الشك باليقين و تشوف علامتك الحقيقية .. بتنزل عالجامعة و بتشوفها بعينك عالأوراق و هنيك بتكون علامتك الحقيقية و ان شاء الله تكون العلامة الاولى هي الصحيحة و تترفع ...

تبقى طمنا شو بصير معك *1
الكاتب:  العربية [ الجمعة أكتوبر 15, 2010 9:16 pm ]
عنوان المشاركة:  بسرعة دخلو شوفي قصتي بجامعة البعث
فراس دلله,
الله يعينك معلش أخي بدك اتطول بالك وتستهدي بالرحمن :?
إن شاء الله يكونو مخربطين معك فيا عالنت
وتنجح المادة وتترفع
صارت معي قصة مشابهه لقصتك وشكلتلي صدمة متلك :shock:
بس مارح احكيا هلأ لحتى ماخوفك
وبس اتطمنا شو صار معك بحيكيا
منتمنالك التوفيق والنجاح .
الكاتب:  masa30 [ الجمعة أكتوبر 15, 2010 9:23 pm ]
عنوان المشاركة:  بسرعة دخلو شوفي قصتي بجامعة البعث
الله يكون معك انشالله بتكون علامتك الحقيقيه58 وتترفع ياريت تتأكد و تخبرنا
الكاتب:  عاشقة العربية [ السبت أكتوبر 16, 2010 1:36 am ]
عنوان المشاركة:  بسرعة دخلو شوفي قصتي بجامعة البعث
فراس دلله,
قدّم طلب تأكد عن طريق رئيس شعبة الامتحانات وهيك بيشوفولك اياها بالامتحانات من جوا، لأنو لما بتتعدل ما بيعدّلوها ع الورق.
وانتبه لعلامة النظري وحلقة البحث.
وخبرنا شو بصير معك.
الكاتب:  فراس دلله [ الاثنين أكتوبر 18, 2010 8:31 pm ]
عنوان المشاركة:  بسرعة دخلو شوفي قصتي بجامعة البعث
الحمد لله طلعت النحو 4 وترفعت بس نتيجة الاسلامي قطعتلي أملي بس الحمد لله اترفعت بس النهفة انو والله فتحت على نتيجتي لقيت انو الأدب الاسلامي صايرة 39 والله كانت 58 وصارت 49 وهلق 38 والله شي بجنن بس الله يحرق اعصاب اللي حرقلي أعصابي
الف شكر لـ ثائر - العربية - عاشقة العربية -masea30
الكاتب:  فارس [ الثلاثاء أكتوبر 19, 2010 9:35 am ]
عنوان المشاركة:  بسرعة دخلو شوفي قصتي بجامعة البعث
فراس دلله,
الف مبروك الترفع *1 و مشان مادة الادب الاسلامي بنصحك بالآخر انو تسأل الامتحانات نفسهم عنها لأنو بالآخر النتيجة اللي عندهم هي المعتمدة ...

بالتوفيق *1
الكاتب:  فادي [ الثلاثاء أكتوبر 19, 2010 10:05 am ]
عنوان المشاركة:  بسرعة دخلو شوفي قصتي بجامعة البعث
اخي الحمد لله انو مرت القصة على خير

و انشا الله بتكون المادة مرفعة معك كمان

بس متل ما قالوا الشباب لازم تسأل بالامتحنات
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/