السلام عليكم :

أسماء المرشحين لاختبار المقابلة الشفهية لطلاب دبلوم وماجستير التأهيل والتخصص في المعهد العالي للغات في الاختصاصات التالية:

يقصد بالمجموعة الأولى : هي التي ستتم مقابلتهم يوم غد الأربعاء 29 أيلول 2010 ابتداء من الساعة التاسعة صباحاً

أما المجموعة الثانية : هي التي ستتم مقابلتهم يوم الخميس 30 أيلول ابتداء من الساعة التاسعة صباحاً

في المعهد العالي للغات


- اختصاص لغة عربية:

المجموعة الأولى :
http://www.albaath-univ.edu.sy/1/news2/n699/arabic1.pdf


المجموعة الثانية :
http://www.albaath-univ.edu.sy/1/news2/n699/arabic2.pdf

___________________________

- اختصاص لغة انكليزية:

المجموعة الأولى :
http://www.albaath-univ.edu.sy/1/news2/ ... glish1.pdf

المجموعة الثانية :
http://www.albaath-univ.edu.sy/1/news2/ ... glish2.pdf

______________________________

-اختصاص لغة فرنسية :
http://www.albaath-univ.edu.sy/1/news2/n699/french.pdf

من موقع جامعة البعث
http://www.albaath-univ.edu.sy/modules. ... le&sid=699



بالتوفيق للجميع



.....................................

ومبروك ل :

عصام

سيرين

و Portia

و عقبال القبول هون

أو بالدراسات العليا

مــــــــــــــــــــــبــــــــــــــــــــــــــر و ك
لكل الناجحين
وابقو طمنونا كيف كانت المقابلة اليوم


بالتوفيق للجميع
وطبعاً التحلاية شي مفروغ منه
شبعنا تحلايات هالسنة يخزي العين شو تحلينا

Mohammed, +

سألني الي .. قال تحلايات قال العالم قالبة على بخل يا رجل

مبروك لكل الي نجحو .. و بالتوفيق للي عندون مقابلة شفهية

اليوم زميلة راحت عالمقابلة الشفهية .. سألوها سؤالين .. بتحب يكون عرسك كبير ولا صغير قالتلون مالكون علاقة
و السؤال التاني قالولا شو بتشوفي بحالك صفات تخليكي مدرسة ناجحة ..
المقابلات ما عم تاخد اكتر من دقيقة او دقيقتين .. هيك وصلني الخبر

بالتوفيق للجميع

انا سألوني بمقابلة الماجستير ليش بدك تدرس ماستر قلتلون مشان اجل عن العسكرية وبس خلص سافر
و بمسابقة التربية عن تعدد الزوجات

مانيييييييي أنا ما نجحت
ليش مابحطوا العلامات
حاسة بالفشل والاحباط والزعل والحزن وكلشي مع انو بعرف اني حتى لو ناجحة مارح انقبل لان بدن عدد قليل مارح يقبلو كل هالعالم
وفوق هيك اكلت بهدلة من طيفور ماعرفت سو سببا

السلام عليكم :

Mohammed:
صدقني اذا بنجح و بيطلعلي ماستر او دبلوم ELT لحليك

ولو

اليوم كيف كان :

حلو و ظريف و النطرة و الدردشة اظرف

كيف طلعت ؟ مابعرف

شو انسألت : ايمت تخرجت ؟ وهل درّست ؟ و عأساس الجواب , تسلسلت الأسئلة : وكيف بتلائي اثر الاحسان على المجتمع ؟

وصار شوية لبكة بالاخير , بس ما بنعرف

اذا نجحنا خير ولح نفرح

واذا مو بنكون جربنا احساس ستار اكاديمي

وطبعاً الأسئلة تنوعت : من الطبخ للزواج و الجامعات وعدة مواضيع , واديه بتعتقدي السن المناسب للزواج للشب و البنت و...الخ

بس اكتر سؤال انسأل هوي عن التدريس , اذا سبق و درست , هون بدك تحكي عن تجربتك

و كنصيحة حضرو الجواب و التجربة اللي خضتوها طبعاً بشكل مقتضب

نصيحة تانية :

حاول يكون هندامك بعيد عن الصرعة و السلاسل و الجماجم و الشعر الواقف

خليك كول بشكل معقول , يعني كأن رايح اتدرس بمدرسة , اكيد حتكون مهندم و مرتب لا رسمي و لا صرعة

اممممممم وشوكماني

حاول تكون واثق من نفسك و ما تخاف و ما تتلبك

وبس .....

موفقين



ملاحظة :

حسب ما سمعنا النتائج الأحد الجاية

الله يسمعنا الخبريات الطيبة

السلام عليكم :

Ala Al-Ibrahim

مزبوط المقابلات ماعم طول كتير وفي منن انسئلوا سؤال واحد



________________________

بس مشان تنسوا : كلو بالانكليزي , اكيد بتعرفو
شذى:

ما بتعرفي وين الخير

والله يختار الخير للجميع

الله يستر والله خايفة ما اتوتر

سؤال
رح يعطونا شي علامة الامتحان لان عندي فضول كبير اعرف شاد اخدت بعد العجايب يلي شفتا؟

Portia, بزمانو وعدتينا بحفلة ازا بتتخرجي ... ما عد سدق حتى شوف بعيني
نفس الأسئلة تماماً الي بيسألوهن وسبق وذكرتن بموضوع سابق
بالاضافة الى :احكي عن تجربتك .. سلبيات ايجابيات .. شو بتحب تغير بنمط الترديس اللي مريت فيه وشو هدفك من متابعة الدراسة

.. انا بلشت الصيام مشان الحلوان هالمرة ممنوع التطنيش
وحاسس انو رح تكوني بين المقبولين انشالله طالما قريتي الكتاب الأزرق (صار مشهور بهالاسم )

مرح,
الناجحين بيحطو علاماتن كلها بأعلان المقبولين كتابي وشفهي ومعدل

موفقة .. ومافي شي بيلبك

شذى,
انشالله خير الك ..
د. طيفور الو بالعادة .. نحنا اللي بوجهو طول النهار ما مننفد منه

السلام عليكم :

Mohammed
معك حق , و لهلأ بتمنى اوفي بوعدي مشان الحفلة , بس مابعرف كيف بتنعمل و كيف لازم تكون

بل من قلبي بتمنى اعملا

و مشان الحلوان موبس حتشوف , حتشوف و حتدوء و حتلائيها طيبة كمان بإذن الله
و الصيام ما حيطول , و الاحد ببان ايمت حنفطر

مرح
بعتقد جاوبك محمد
و الأحد كما سمعنا بتنزل النتيجة النهائية

و مشان العجايب ,اية عجايب

امتحان ELT الكتابي بيعملو ستين كف لامتحان اللغة الخاص بالماستر اللي كان ب 23 آب الماضي من ناح السهولة

بيكفي انك عم تقري شي بنقرا , يعني عم تعرفي شو عم تقري , شي مارر عليكي , مو شي فضائي

حتى انو لئينا الأسئلة سهلة , بالاحرى معظم اللي قدموا امتحان اللغة لئوا امتحان ELT منطقي

موفقة