اكيد ممكن, ليش لاء
نسبة الرسوب عالية لانو في كتير طلاب مجاوبة على سؤال واحد, أو ما جاوبوا على أي سؤال, أو كانت الاجوبة مغايرة للسؤال.
رح اعطيك أمثلة, السؤال الاول أغلب الطلاب من الراسبين اختارو كل الجمل صح أو كله غلط, و من دون تفسير للجمل الغلط, و بسلم التصحيح الاساسي اللي بحط جملة غلط من دون تفسير ما بياخد علامة, و مع هيك عدلته و عطيت علامة للشخص اللي مختار جملة غلط من دون تفسير, يعني اذا شخص اختار اربع جمل غلط اخد اربع علامات.
السؤال التاني: كتير اشخاص مختارين سؤال من فئة A وسؤال من فئة B او دامجين السؤالين بجواب واحد و بعض الاجابات كانت للاسف مخجلة. في كتير طلاب بسؤال المقارنة كتبوا كل شي بيعرفوه عن Direct Method and Lexical Approach و نسيوا النقطة اللي طلبتا و هي كيفية تدريس vocabulary.
مثال تاني: سؤال
how is vocabulary organized in our mental lexicon
?
اشخاص كتير كتبوا عن اكتساب اللغة, أو عن طريقة تدريس vocabulary و في اجابات غريبة جدا يعني احد الاشخاص كاتب:
vocabulary is organized in our mental lexicon by a dictionary like Oxford
أو:
vocabulary is organized by the teacher in our brains(sic) ...etc
حوالي 80 بالمية من اللي جاوبوا عن Desuggestopedia كاتبين:
it is a funny and strange way of teaching..and it uses a classical music (also sic)
من وين جايبين انو funny?
يمكن قصدن fun
السؤال التالت: في طلاب و خاصة اللي دارسين بصم, ما تركوا شي بيعرفوه عن المادة الا كتبوه, مقطع عن تشومسكي, مقطع عن اكتساب اللغة الخ, و كاتبين صفحتين أو اكتر اعتقادا منن أنو كل ما كتروا كل ما بياخدوا علامة اكتر, نسيانيين انو الكترة ممكن تعني وجود اخطاء اكتر.
احد الاشخاص مجاوب عن السؤال بعشرين سطر, و فيه 39 خطأ قواعدي و املائي. و انا ما حسبت على كل خطأ 3 أو اربع علامات, و انما علامة واحدة فقط, طيب هيك شخص لو كنت انت مكاني كام علامة بتعطيه؟.
اللي فاجأني هو ضعف اللغة بشكل عام, يعني اخطاء قواعدية و املائية بشكل ما طبيعي, اول دفتر صلحته و أول جملة من السؤال التالت كانت:
childrens they is aqire langguag in thier prian
و تصحيح الجملة:
children acquire language (in their brain)
طبعا من ناحية المعنى الجملة ما زالت خطأ.
باختصار الرسوب كان اما بسبب ضعف اللغة و كترة الاخطاء, وجود نقص أو خطأ بالافكار لدرجة 50 بالمية من المطلوب, او اخطاء متل دمج الاسئلة مثلا بالاضافة لما ذكر
انا ما كنت متوقع النسبة و متوقع اكتر بكتير لانو قلتلكن كيف رح تجي الاسئلة باخر محاضرة, و خلال الفصل كله قلتلكن الاسئلة رح تجي تعتمد على الفهم و اللي رح يدرس بصم رح يتفاجأ, و حتى لو اشخاص دارسة المادة شهر, عدد الايام مانو مقياس, شو بهمني اذا دارسا عشر ايام و كتابته او اجاباته سيئة؟
انت ياهبة مقتنعة بسؤالك انو في صعوبة بصياغة الاسئلة لسنة رابعة؟ معقول سنة رابعة ما يعرفوا يقروا سؤال؟
الاسئلة كلا اجت من المحاضرات و الكتاب, و اللي رأيه غير هيك يجي لعندي و انا مستعد اعطيه الاجابات برقم الصفحات. و خلال الفصل و قت قول مين عنده سؤال ما كان اي شخص يرد, او يردوا و يعلقوا تعليقات سخيفة تهريجية إلا علاقة بكل شي الا المادة . في ناس اشتغلت و من اول الفصل بتجبلي تلخيص هني كاتبينه عن المحاضرات و يجيبولي لوائح اسئلة عن المادة, و نجحوا بعلامات عالية.
بالنسبة للناجحين, و حسب العلامة اللي أخدوا طبعا, قسم منن افكاره جيدة مع وجود بعض الاخطاء, قسم تاني افكاره مقبولة مع لغة جيدة, و قسم جمع اللغة الجيدة و الافكار الجيدة, متل اللي اخد فوق 75, و اللي اخد 85 ما كان عنده بكل الورقة الا خطأ أو اتنين فقط, و لو ما في نقص بأول سؤال كانت العلامة على الاقل 90. كنت بتمنى لاقي كتير هيك أوراق بنفس المستوى الممتاز بس للأسف ما في.
اسئلة التكميلية و متل ما ذكرت من قبل نفس النموذج, مع احتمال تغيير طفيف او عدمه, و تقريبا نفس المستوى.
و برد برجع بقول لا تحفظوا بصم, و اذا شي ما فهمانينه انا مستعد جاوبكن عنه لحتى تفهوه على الاخر, و بتمنى تنتبهوا لترقيم الاسئلة و اهم شي الكتابة, يعني الاخطاء القواعدية بلاها.
و ملاحظة اخيرة: تشومسكي بتنكتب:
Chomsky
و ليس:
Chomasky, Choomski, Choumasy
الخ
مبروك للناجحين و خاصة للي حصلوا على اعلى درجتين, و بالتوفيق للجميع بالتكميلية و انت هبة ان شاء الله بتكوني من المتخرجين قريبا و بشكرك على لباقتك بالسؤال على عكس ما كنت شوف من بعض الاشخاص بالموقع
Have a nice day
تسجيل الدخول
التسجيل
MOB
الأسئلة المتكررة
بحث
بس المادة كتير حلوة وسهلة وبظن الدكتور عطاني فيها أكتر مابستاهل
و الله يعوضن 
) بس الحمد الله اجا الفحص ومريت بتجربة قاسية ما قدرت ادرس المادة كما ينبغي بس يعني حاولت أد ما في وكنت بصراحة متأكدة بدرجة كبيرة ان رايحة للتكميلية
(بس علامة ما بترفع الراس)بالأول زعلت لان كنت مفكرة اني رح اعمل احسن بالتكميلية بعدين قلت الحمد الله لان هم التكميلية هم كتير كبير 
