السلام عليكم ورحمة الله وبركاته ،

كيفكون يا أعضاء آرتين المميزين ، وكيف رمضان معاكون !!

إن شاء الله سنة الجاية الكل بيكون متخرجين يارب ..

عندي استفسار بخصوص الأوراق المطلوبة مشان وثيقة التخرج ، يعني شو لازم يكون معي أوراق وقصص لما بدي قدم طلب عليها ، قالولي إنو التبرع بالدم ضروري كأنو ؟!! ما بعرف ..

بكل الأحوال ياريت يكون في حدا عندو الخبر الأكيد عن هالموضوع ، وكمان إمتى فيني قدم هالطلب وأديش الفترة لحتى إحصل عالوثيقة من بعد ما قدم الطلب ..

وكل الشكر سلفاً للكل عن جد ..

وكل عام وإنتو بألف خير وصحة وسلامة ..

x181141x,


ألف مبروك التخرج ، وإنشاء الله منباركلك بالدراسات العليا هون بآرتين.


على كل حال انا ما عندي خبرة عن إستفساراتك لأنو بعدني طالب ، بس حبيبت باركللك .


وكل عام وانت بألف خير

عندي سؤال تاني ..

ياترى لازم هي القصة تصير بشكل شخصي ؟!! يعني ما بيمشي الحال حدا غير صاحب العلاقة يمشي بالأوراق ويحصل على الوثيقة وبدون أي عوائق أو لأ لازم بشكل شخصي ؟!!

ياريت حدا بيعرف لأنو كتير ضروري ..