صيام مبارك و رمضان كريم على الجميع إن شاء الله
الكل بيحكي برمضان عن الأكل و شو لازم ناكل و شو ما لازم ناكل .....
بس ما حدا حكى كيف لازم ناكل....
المهم هلأ انو نعرف كيف ما نضر حالنا بالأكل شو ما كان نوعه و قد ما كانت كميته
من أحلى العادات يللي تعلمتها من أهل السعودية لما كنت بمكة انن برمضان ما بياكلو متلنا عالافطار!!!
يعني الافطار عندن على دفعات الدفعة الأولى لما بيأذن و بتتكون هالوجبة من تمر و لبن و سمبوسك و سلطة يعني يادوب ياكلو شي يعينن عالصلاة..
و بيروحو بيصللو المغرب بالحرم و بيضللو ليصللو التراويح بعدين بيرجعو على بيوتن بياكلو شو ما بدن وبهالطريقة ما بتتأذى معدتن و بيضللو محافظين على قوتهن للطاعة..
أنا ماني عم قول لا تاكلو عالافطار بس عم اقترح تجربو هالطريقة ليوم واحد و ازا عجبكن الوضع متلي كملو هيك على طول....بكل الاحوال الأكل ما رح يهرب... خلينا نستغل هالشهر بالطاعة ...لاحقين عالأكل ...صرلنا كل السنة عم ناكل.....

هالشغلة مو بس للمتدينين بعدين ليش منفرق حالنا عن المتدينين كلنا مسلمين والله يتقبل من الجميع

على كل حال شكرن Safwat ما في غيرك رد عالموضوع.

Shaima,
شكرا عالموضوع...
الحقيقة هي عادات أهل السعودية بشكل عام
وهي عادات كمان الحرمين ...
الحرم المكي والحرم المدني
بيفرشو سفرة طويلة من اللتمر والرطب واللبن فقط.
ومتل ماقلتي ليقوو عالصلاة ..
بس كمان بيطبخو عالسحور وبنامو كل اليوم
الله يجزيك الخير

فلك
العربية مو كل العالم بتضل نايمة بس متل عنا في ناس بيفيقو قبل العصر بشي ساعة و بيصللو الضهر و العصر بوقت متقارب و بيكملو نشاطاتن الأخرى والغرض من عالعملية انو يمرقو النهار لأنو طويل و الله يعيننا على هالشوبات و الصيام

حلوة الفكرة كتير

بياكل الواحد عالخفيف
وأهم شي يشرب سوائل


بس المشكلة أنو ازا الاكل انعمل بالبيت وكل العيلة عم تاكل ما بيقدر الواحد يقاوم ويقوم

اي و الله هي الطريقة كتير صحية و متل ما قالت العربيه متبعة هالطريقة بالحرمين المكي و المدني
و باغلب مناطق السعودية بس و الله بيرجعو بعد التراويح بيخربوها
بيفرشو السفرة فرش
عكل شكرا كتير عالموضوع كتير حلو و مفيد و الطريقة مجربة و ظريفة

بارك الله فيك