السلام عليكم
عندي استفسار اذا حدا عندو اجابة بما انو صارت السنة الجامعية وفق نظام 3دورات امتحانية بالسنة
سؤالي هو انا طالبة سنة رابع وباقي عندي مادة للتخرج وهي مادة فصل تاني هي السنة بيحقلي قدما بالفصل التاني بس ولا كما بالدورة الامتحانية التالتة ارجوكم جاوبوني كتيرمهم الجواب بالنسبة الي
لان قالولي هديك السنة بالجامعة انو الي بيقدم عالتكميلية مرة مابيحقلوا يقدم فيا مرة تانية هادا الحكي مظبوط بالنسبة لهي
السنة الجديدة انا خايفة لاني قدمت عالتكميلية من سنة
وشكرا الكن كتير

ميرا,
عحسب التصريحات اللي انقالت انو الفصل الاول رح يكون استثنائي ويقدمو فيه الطلاب كل موادن وانو يتطبق القانون بحرفيتو بالفصل التاني
هالتصريحات كانت قبل ما يطلع قرار الدورة الاستثنائية
بقا اما بيعتبرو الدورة فرصة للطلاب وانو يتطبق القرار من الفصل الاول وهيك بدك تقدمي مادتك بالفصل التاني حصرا
او انو بيتغاضو عن الفصل الاول من ناحية تطبيق القانون وهيك بتقدمي مادتك اول مرة بسمع هالسمعة هي
وعكل حال الجواب الشافي بيكون الك لما بتبلش الجامعات بشكل فعلي بالدوام وبيقولو اذا رح يطبقو القرار مباشرة وهاد اللي بتوقعو او انو للفصل التاني واذا لاسمح الله ما نجحتيا فبيحقلك عالفصل التالت كونو شبيه بالتكميلية وطالما مو مستنفذة فبيحقلك تقدميا

شكرا جزيلا اخ عصام بس المعلومة اكيدة الي قلتا عن التكميلية رفيقتي سالتلي مرتين بس ما اقتنعت بالحكي

ميرا,
ابقا ببداية الدوام ذكريني بهالقصة لاتاكدلك منها

عصام, إذا بتريد أخ عصام بدي اسألك إنو قديش النسبة بالمية حول تقديم مواد الفصل التاني بالأول..اليوم هلكت وأنا اسأل بالجامعة ورحت عرئيس قسم شؤون الطلاب وقلي إنو حاليا مافي هيك قرار وقال مابيعرف إذا ممكن يجيهم هيك قرار أو لاء وقلي راجعينا بعد فترة ..والمشكلة أنا مسافرة بعد كم يوم ولازم احجز الإياب وحدد تاريخو هلق وماعندي غير مواد فصل تاني ..فخايفة احجز عشهر 6 ويصير في تقديم مواد التاني بالأول وتروح علي دورة...فشووووووووووووووووووو اعمل؟؟؟

بس حابة أٍتفسر بالنسبة للطلاب المستنفذين بعد مايقدموا بالدورة الإستثنائية بيحقلون يرجعو يقدمو الفصل الأول
شكرا" إلك عصام عم نعزبك معنا

يارا العلي,
قبل ما يصدر قرار الدورة الاستثنائية كانت النسبة 100/100 لانو اللي صرحو بهالشي كتار وعلى مستوى ومنهن الدكتور راتب سكر
بس بعد ماطلعو بهالدورة فلا انا ولا اي حدا فينو يفيد بهالشي ليبلش الدوام ويتعمم قرار تفصيلي بهالشغلات لانو لهلا في كتير شغلات بالقرار بتمثل نقط تعجب واستفهام
وانو اذا مضطرة تسافري فاتوكلي عالله وفي حال كان تقديم المواد بالفصل الاول بترجعي والا ما تتيسر الامور

ornament-z,
اذا اترفعو هالطلاب فبيصير اسمن مستجدين مابقا اسمن مستنفذين
وبيداومو وبيسجلو نظامي

الله يجزيك الخير عصام على مساعدتك إلنا

وبتستاهل حديقة كاملة

ornament-z,
مية هلا

طيب انا عندي سؤال كالعادة بخصوص النقل انا وقت كنت عم قدم سألت ع النقل قم قالولي نقل يلي حاملين مواد تأجل لبعد الدورة فسؤالي شو قصدون لبعد الدورة يعني لتخلص الدورة ولا ليطلعوا العلامات ساعتها ببين معنا لانو هون مصبية حاكم عنا بالجامعة ما عم تطلع النتائج الا ليطلعو روحنا قبلها
فأنا بدي اعرف امشي بوراق النقل ولا شو ساوي