رجال بخيل كتير إجا لعنده ضيف نادى البخيل ابنه وقال له : يا ابني
عندنا ضيف عزيز على قلبي روح علسوق واشتريلنا لحمة ... أحسن لحمة بالسوق ...
( طبعاً الضيف عميسمع )
راح الولد علسوق وبعد مدة رجع بس شوو ما اشترى شي
سأله أبوه: وين اللحمة؟
قال الولد: رحت لعند اللحام وقلتلو: عطيني أحسن لحمة عندك. قام قلي اللحام: حأعطيك لحمة متل الزبدة. فقلت لحالي إذا كان هيك ليش ما أشتري زبدة بدل اللحمة.فرحت علبقالية
وقلتلو: عطيني أحسن زبدة عندك قام قلي البقال: حأعطيك زبدة كأنها دبس من حلاوتها. فقلت لحالي: إذا كان الموضوع هيك الأحسن روح أشتري دبس.. رحت لعند بياع الدبس
وقلتلو:عطيني أحسن دبس عندك
فقال البياع: شورأيك أعطيك « دبس » متل المي الصافية
فقلت لحالي: إذا هيك القصة عندنا مي صافية بالبيت واحلى منه لسه منشان هيك رجعت بدون ما أشتري شي ...
فقلو أبوه : ماشاء الله عليك طالع كريم متل أبوك
والضيف عم يسمع ... ووجهو مابيتفسر من القهر ...
بعدين أخد الأب ابنو مع جنب وقلو : بس فاتك شي ...
استهلكت كندرتك ونزعتها من كتر مادرت من دكان لدكان
فقال الولد وهو عم يبتسم ابتسامة مكر : ما تقلق بابا.. أنا لبست كندرة الضيف
ياهيك الولاد يابلا
