| آرتين لتعليم اللغات https://forum.art-en.com/ |
|
| الدراما السورية https://forum.art-en.com/viewtopic.php?t=22320 |
صفحة 1 من 2 |
| الكاتب: | ymail.com200 [ الثلاثاء سبتمبر 14, 2010 12:25 pm ] |
| عنوان المشاركة: | الدراما السورية |
مرحبا للجميع:هذه مشاركتي الأولى في هذا المنتدى وأرجو ان أكون موضع ترحيب بينكم ...أنا تخرجت من سنتين بس عم تابعكم دائما.. كل عام وأنتم بخير...أريد أن أفتح موضوع عن الدراما السورية هذه السنة في شهر رمضان...وما هي الأعمال التي تابعتها ....وما هو رأيك فيها.... |
|
| الكاتب: | nedalo [ الثلاثاء سبتمبر 14, 2010 3:09 pm ] |
| عنوان المشاركة: | الدراما السورية |
اهلا وسهلا فيكي  بالنسبة للاعمال يلي تابعتها كالتالي : 1- لعنة الطين (قصة رائعة + تمثيل رائع + تشويق + اخراج ) 2- و ما ملكت ايمانكم أكثر من رائع 3- باب الحارة ( مو لأنو حلو بس لأنو تعودنا عليه ) 4- ضيعة ضايعة : رائع جدا جدا جدا و بالأخص الحلقة الأخيرة يلي فيها معنى كبيييير وراء الشمس : رهيييييييب و بسام كوسا بيستاهل افضل ممثل بسوريا و بالوطن العربي بجدارة اتفه المسلسلات برأيي : ابو جانتي : ليس له معنى و كلام مبتذل و صف حكي عالفاضي و الكوميديا يلي فيه ليست بكوميديا صبايا : قمة التفاهة و شكرا
|
|
| الكاتب: | Nastia [ الثلاثاء سبتمبر 14, 2010 9:42 pm ] |
| عنوان المشاركة: | الدراما السورية |
ymail.com200, أول شي شكراً عالموضوع، سبقتيني كنت بدي نزل موضوع عن الدراما السورية  بالنسبة الي ما تابعت بشكل منتظم لأني مو من أنصار المسلسلات، بس بما انو الموضوع انحط بقسم "وجهة نظر" رح عبر عن وجهة نظري  المسلسلات السورية بشكل عام فيها شي بيتابع والا شعبية بالوطن العربي.. بس الشي الي بغيظني جداً هوي التركيز عموضوع العلاقات العاطفية، يعني ما في مسلسل الا فيه مدري كم شب ومدري كم بنت بحبو بعض (بطريقة بتخالف طريقة تفكيرنا )... وطبعاً بيستخدمو نفس العبارات ونفس المواقف دائماً: تنين قاعدين بكفتيريا أو مطعم عم يناقشو قضية حبن العظيمة...  ومرة أنا عديت العلاقات بمسلسل (كان وقتا قتل الربيع) طلعو 13 !!!!! يعني الأجانب ما عملوا !!! بس هون بيشتغلو عمبدأ (الجمهور عاوز كدا) والناس بتتابع شو ما كان  يعني معلش يكون الواحد وسط.... ما في داعي للتركيز عهالأمور المكررة يلي ملينا منا من زمااااان... أصلاً هي دليل الإفلاس وانعدام الإبداع!! حتى بقعة ضوء يلي كنت تابعو صاير كلو هيك علاك مصدي  بقا حااااااااااااج صار معنا تخمة وعسر هضم من هالمسلسلات  ممكن يكون في مسلسلات حلوي مشان ما اظلم الكل.... اقتباس:
وراء الشمس : رهيييييييب و بسام كوسا بيستاهل افضل ممثل بسوريا و بالوطن العربي بجدارة
اقتباس:
ابو جانتي : ليس له معنى و كلام مبتذل و صف حكي عالفاضي و الكوميديا يلي فيه ليست بكوميديا
صبايا : قمة التفاهة أنا بأيد هالحكي 
|
|
| الكاتب: | heba.s [ الثلاثاء سبتمبر 14, 2010 10:41 pm ] |
| عنوان المشاركة: | الدراما السورية |
الفكرة حلوة واهلا وسهلا فيكي بموضوعك الاول  بشكل عام في جرأة بالطرح هالسنة وكتيرين ماعجن هالشي كونو مو متعودين علي هيك طرح وكونو لمس بعض الشغلات اللي مو من المستحب الكلام فيها او حتى الاشارة الها المسلسل الاول على الساحة هو وراء الشمس وكان متميز على كافة المستويات ابوجانتي بداية رائعة ومن بعدو تم التدرج بالمستوى ليكون دون العادي اذا مو عادي وفي نقطة بخصوص ابو جانتي انو هو مسموح يتخيل الدكتورة فرح بسيسو ويروح ععيادتها ويتعامل مع بنات بمختلف المستويات بس بالاخير وقت بيدرا انو اختو عم تحكي مع شب عالتلفون وانو بتحبو بيجن وبيضربها وبيزوجها مباشرة وهالشخصية بهالتصرف ماكانت بتنطبق مع الشخصية اللي انرسمت خلال المسلسل والعقلية تبعها ولا بس لانو سواق تكسي فما بيصير يتصرف الا هيك  والمسموح الو ممنوع عغيرو انا ماني ضد تصرفو اللي عملو بس بالمقابل انو يلتزم بنفس الشي بالالتزام ويوقف عن متابعتو للدكتورة باب حارة قلب لباب النسوان |
|
| الكاتب: | the sweet [ الثلاثاء سبتمبر 14, 2010 11:50 pm ] |
| عنوان المشاركة: | الدراما السورية |
ymail.com200, كل عام وانتي بخير و يسلم ايديكي على هالموضوع لأنو كنت عم بفكر أكتب هيك موضوع بس ما عرفنا انتي شو تابعتي وشو رأيك بالمسلسلات أما بالنسبة إلي فأنا تابعت بشكل متواااااااااااصل"بما إنو في امتحان" 3مسلسلات1-لعنة الطين 2-وراء الشمس 3-تخت شرقي |
|
| الكاتب: | the sweet [ الأربعاء سبتمبر 15, 2010 12:10 am ] |
| عنوان المشاركة: | الدراما السورية |
اقتباس: , حتى بقعة ضوء يلي كنت تابعو صاير كلو هيك علاك مصدي
بالنسبة لوجهة نظري بقعة ضوء هالسنة كان أكثر من رائع لأنو كان بيلامس الحياة الواقعية وما في شي ما كان موجود عنا بالواقع
بقا حااااااااااااج صار معنا تخمة وعسر هضم من هالمسلسلات |
|
| الكاتب: | بروين [ الأربعاء سبتمبر 15, 2010 1:23 am ] |
| عنوان المشاركة: | الدراما السورية |
مشكورة فكرة كتير حلوة انا تا بعت مامكلت ايمانكم عنجد اكتر من رائع تخت شرقي في بعض الأحيان وتابعت الصندوق الأسود هلا هاد المسلسل ما كتير عطا صوت بس انا شفتو حلو يعني خفيف نضيف بحاكي مشاكل بالحياة ما كتير مسلط الضوء عليها بس هي مهمة متل العنوسة بين البنات هي مشكلة بزمانا هاد بس ما كتير مسلط عليها الضوء ما بعرف بس حسيتوا حلو وماعلي شي وما في شط ومط ولعي ع الفاضي أبو جانتي متل يلي عم يضحك ع حالو لعي وتفاهة وما في مغزة بس اكتر شي يلي تابعتو هو الصندوق الاسود والدراما اجمالا هذا الرمضان كانت افضل من قبل بتنوع المواضيع المطروحة أسفة على الإطالة مشكورة كتير وأهلا وسهلا فيكي معنا بارتين
|
|
| الكاتب: | Mohammed [ الأربعاء سبتمبر 15, 2010 2:25 am ] |
| عنوان المشاركة: | الدراما السورية |
ضيعة ضايعة : أروع شي ممكن يطلع عالتلفزيون من أول ما اخترعوه لحتى تبطل موضته  وأحلى شغلة فيه أنو تقاعد بالقمة (متل زيدان ) والمخرج ما قصر بالنهاية مشان ما يقلب باب الحارة ويسلخنا شي خمس أجزاء مملة .. ومشان نضال سيجري الله يشفيه يرتاح شوي لعنة الطين : مافي أروع من هالمسلسل بجديته وواقعيته وصدقه وروعة تمثيل مكسيم خليل بقعة ضوء : قمممممممممة البياخة والمقت والتنظير هالسنة !!! كلن تأليف رافي وهبي وراء الشمس : المبدع بسام والمغرور الأنيق باسل .. صحي هو دعاية لمركز دبي للتوحد بس العبرة رائعة .. المتوحد يمكن أن يعود الى مجتمعه والذي يدعي العقل قد يفقده ! أبو جانتي : بالبداية كان حلو لكن بعدين صف حكي وتناقض وولدنة وقلة أدب ما ملكت أيمانكم .. الخبز الحرام ما كان لازم يتسمو تحت أسم الدراما السورية ولا ينعرضو على الشاشة برمضان ولا ينتركو بدون تحديد عمر للمتابعين عالقليلة شكراً للموضوع
|
|
| الكاتب: | ymail.com200 [ الأربعاء سبتمبر 15, 2010 8:56 am ] |
| عنوان المشاركة: | الدراما السورية |
صباح الخير للجميع وشكرا لكم على الترحيب بوجودي بينكم: المسلسلات اللي تابعتها هي: ( ماملكت أيمانكم) طبعا رائع...جريء...لامس المحظور إلى حد ما..وطبعا الكل سمع عن مواقف الإستنكار أول ما بلش ينعرض... (لعنة الطين) قوي بإمتياز...حكى عن التيارات المختلفة اللي كانت موجودة في فترة الثمانينات... (تخت شرقي) يا أخي شو هاالواقعية...شو هاالروعة.... وطبعا (ضيعة ضايعة) يعني الجزء الأول كان روعة بس الجزء التاني بعقد....بالعادة الجزء التاني من أي مسلسل بكون أقل مستوى بس ضيعة ضايعة كسر القاعدة ... وللحديث تتمة............ |
|
| الكاتب: | light [ الأربعاء سبتمبر 15, 2010 3:28 pm ] |
| عنوان المشاركة: | الدراما السورية |
بالنسبة لي تخت شرقي , وراء الشمس ,باب الحارة لانو تعودنا كل سنة نشوفو  وفي بقعة ضوء و طبعا ذاكرة الجسد
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|