ماحدا قدكن ياحماصنة ... بلشو بالدعا تصير حمص العاصمة

عصام · **مرسل:** الثلاثاء سبتمبر 14, 2010 6:24 pm

قالت تقارير إعلامية ان وزارة الادارة المحلية تسلّمت قبل فترة توصيات فريق الخبرة الأوروبي الذي كان يعمل على مشروع مخطط تنظيم دمشق، أو ما بات يُعرف بتحديث مخطط "إيكوشار" الفرنسي والذي وُضع قبل أربعة عقود غير أنه لم يُنفّذ.

ووفقاً للتقارير ، فإن أبرز ماجاء في التوصيات هو ما ختم به الفريق الأوروبي توصياته بمقترح نقل العاصمة إلى مدينة حمص وسط سوريا .

ويأتي هذا المقترح بعد أن ضاقت السبل بالأوروبيين لإيجاد وسيلة لتنظيم دمشق في ظلّ الفوضى العارمة التي تشهدها .

ونفى تقرير الخبراء إمكانية القيام بمشاريع إنشائية لتنظيم العاصمة كالمترو وإزالة المخالفات والبنى التحتية دون تخفيف الضغط السكاني والذي لا يمكن تحقيقه إلا بنقل العاصمة إلى مدينة أخرى.

وبرّر التقرير اختياره لمدينة حمص كعاصمة بديلة انطلاقاً من موقعها الجغرافي بالدرجة الأولى فهي، تقع في وسط سورية وتعتبر طريقاً تجارياً إلى الجوار كالعراق وتركيا ولبنان، كذلك كونها مدينة صغيرة ومهيأة للتوسع، فضلاً عن كونها المدينة الوحيدة بين المدن الرئيسية والتي لا تقع على الفالق الزلزالي، فيما تقع المدن الأخرى (اللاذقية – حلب - دمشق) عليه مع ترجيحات جيولوجية باقتراب حدوث زلزال عنيف في دمشق خلال العقد الحالي.

غير أنّ مصدر وزاري كشف أنّ المقترح تمّ تعديله بناء على طلب القيادة القطرية بحيث تصبح حمص عاصمة إدارية، وحلب عاصمة اقتصادية، والإبقاء على دمشق كعاصمة سياسية .

heba.s · **اشترك في:** السبت يوليو 24, 2010 2:08 am

اي من زماااااااااااااااااااااااااااااااااااااااااااااااااااااااااان لازم تكون حمص العاصمة

اقتباس:

حمص عاصمة إدارية، وحلب عاصمة اقتصادية، والإبقاء على دمشق كعاصمة سياسية .

كمان هيك بنقبل
عصام,
رائع بمواضيعك

Mohammed · **اشترك في:** الجمعة مارس 23, 2007 2:02 am

حلوووووووو اقتصادية و ادارية وسياسية ....... محدا سبقنا فيها !

بس يكملو مالن حق هالخبراء !!!

شو مشان بقية المحافظات ما بدن يصيرو عواصم كمان

مثلاً عاصمة زراعية
وعاصمة سياحية
وعاصمة دينية
ووو

يا اما عاصمة ادارية واقتصادية وكلشي أو ما بدنا

مشكور عصامو

بروين · **مرسل:** الأربعاء سبتمبر 15, 2010 1:06 am

اي لأ دمشق هي العاصمة اصلا العواصم مشهورة بعجقتها وغبرتها وعفرتها وحمص مافي اروق منها وبعدين كلها شبر ونص على شو عاصمة
و

بلالكون ياها شو بدكن بهي الفوتي قال عاصمة
خلص دمشق هي العاصمة ومافي شي غيرها بينفع ليكون عاصمة لسوريا

عصام · **مرسل:** الأربعاء سبتمبر 15, 2010 3:55 pm

heba.s,
لك مية هلا

Mohammed,

اقتباس:

شو مشان بقية المحافظات ما بدن يصيرو عواصم كمان

هس هس هلأ بينطو الحموية وبصير بدن حصة

بروين,
ابقا بعد شي ميتين وعشر سنين بس صارت حمص العاصمة قابليني

اقتباس:

شو بدكن بهي الفوتي

مدري ليش خطر عبالي غنية باب الحارة واللي بدو يتحدا هيدي حمص من قدا

Aeshah · **مرسل:** الاثنين سبتمبر 20, 2010 1:19 am

اقتباس:

هس هس هلأ بينطو الحموية وبصير بدن حصة

اكيد بدنا حصة لازم نكون عاصمة السياحة بتعرف العاصي الي على طول فاضي والمضاهر الحضارية بلنواعير اللي على طول واقفة

لهيك بعد كل هل المغريات مو لازم نكون عاصمة ولا لا

يسلمو عصام

عصام · **مرسل:** الاثنين سبتمبر 20, 2010 3:04 pm

اقتباس:

كيد بدنا حصة لازم نكون عاصمة السياحة

اذا بالسياحة فمستحيل مدينة تاخدها غير الشام لانو بتفتلي بتفتلي فيها ومابتخلصي اما حماة فزغيرة ولووو

nedalo · **مرسل:** الاثنين سبتمبر 20, 2010 5:22 pm

اقتباس:

فيما تقع المدن الأخرى (اللاذقية – حلب - دمشق) عليه مع ترجيحات جيولوجية باقتراب حدوث زلزال عنيف في دمشق خلال العقد الحالي.

و الله حمص بتستاهل يا أخي تنظيم غير شكل

يسلمو عصااااااااااااااااام

سحر · **مرسل:** الاثنين سبتمبر 20, 2010 5:31 pm

ليش لاء تؤبر قلبي هالبلد هي واهلها
بعدا شو نسيتو انو هي عاصمة النكتة يعني اول تباشير العاصمة

شكرا ابو وسام

Mnoor · **مرسل:** الاثنين سبتمبر 20, 2010 7:47 pm

لا تحلموا فيها بس يصير عندكن قاسيون تعو احكوا
بس يصير عندكن الجامع الأموي تعوا احكو

بس يصير عندكن بكداش وأبو عبدو وأبوشاكر تعو احكوا

مشكور عالموضوع الظريف مع احترامي للحماصنة علقليلة حاوينا بجامعتن

LATEST_POSTS

قوانين المنتدى

ماحدا قدكن ياحماصنة ... بلشو بالدعا تصير حمص العاصمة

الموجودون الآن