ما الفرق بين عادات الناس قديماً و حديثاً فيما يخص الهدايا ؟؟

كثير من الناس , و رغم أوضاعهم المادية المتدنية نوعاً ما , يحرصون على القيام بالواجب و تقديم ما غلا ثمنه من الهدايا .ما هو رأيكم فيما يخص هؤلاء الأشخاص ؟؟

و هل محبتي لمن حولي تعني أن أحرم نفسي و عائلتي من أشياء قد تكون ضرورية في سبيل القيام بهذا الواجب الاجتماعي ؟؟

تكون الهدية لشخص صغير بالسن مثلا نجح بالاعداية اكيد بيفرح وتكون حافز بس لوحدة متلك تخرجت يكفي نقلك الف الف مبروك

قولت امي كل شي دين يلي اجا نروح ويلي ما اجا مابروح ههه

بس اهم شي نعرف انو العادات والتقاليد هي نفسها اتفاق مجموعة من الناس او مجتمع مهما كان صغير على شي اصبح عرفا عاما يحتذا به وان كان مغلوط أو مشكوك بصحته العادات والتقاليد براي هي قيود تكبل الانسان عن التحضر والتقدم بس المهم فيها انو مفيدة كتير كتير وهذا سوالي الك ؟ ليش ؟

بالنسبة للهدايا هي مو عادة جديدة .. الشي الجديد هلأ هو نوعية الهدايا هي والمبدأ الي بيقول "كل ما غلّينا الهدية كل بيضنا وجهنا أكتر وهيك ومنكبر بعين الناس"

.. ممكن تكون الهدية رمزية جداً بس هية أحلى هدية .. طبعاً في ناس ما بتفكر بهالطريقة وبتعتب كتير لذلك الواحد بيضطر مخاجلة أنو يجيب شغلة محرزة

بس برجع بقول أنو الهدايا حلوة لا ما عم سمّعك

و عنجد أحياناً بتكون محفزة للشخص .. رفيقتي كانت موعودة بسيارة عالتخرج وبالفعل شدت همتا وتخرجت واجتا السيارة مو متلنا يا حسرة ...

ما الفرق بين عادات الناس قديماً و حديثاً فيما يخص الهدايا ؟؟

كثير من الناس , و رغم أوضاعهم المادية المتدنية نوعاً ما , يحرصون على القيام بالواجب و تقديم ما غلا ثمنه من الهدايا .ما هو رأيكم فيما يخص هؤلاء الأشخاص ؟؟

و هل محبتي لمن حولي تعني أن أحرم نفسي و عائلتي من أشياء قد تكون ضرورية في سبيل القيام بهذا الواجب الاجتماعي ؟؟

-دائماً و في كل موضوع يكون ثمة سؤال يربط القديم بالحديث , و السؤال : ما الفرق بين عادات الناس قديماً و حديثاً فيما يخص الهدايا ؟؟

- كثير من الناس , و رغم أوضاعهم المادية المتدنية نوعاً ما , يحرصون على القيام بالواجب و تقديم ما غلا ثمنه من الهدايا .ما هو رأيكم فيما يخص هؤلاء الأشخاص ؟؟ و هل محبتي لمن حولي تعني أن أحرم نفسي و عائلتي من أشياء قد تكون ضرورية في سبيل القيام بهذا الواجب الاجتماعي ؟؟

- و يبقى لكم في الختام حرية الكلام و التعبير عن كل ما يمكن أن يخطر لكم من أفكار حول موضوعنا الذي اخترناه لهذا اليوم على أمل الوصول إلى حلول و آراء قد تسهم في تغيير أو تصحيح بعض وجهات النظر .

رفيقتي كانت موعودة بسيارة عالتخرج وبالفعل شدت همتا وتخرجت واجتا السيارة

اول شي بدي قلك موضوع مهم كتير و حلو و بالفعل اختيارك للموضوع فيه دقة
يسلمو كتير

هدول بقى حتى ما ينحكى عليهن لان مجتمعنا ما بيرحم و الحق معون بعد عن الشر و غنيلو

أعتقد أنو الفرق بين قديما و حديثاً أنو الناس كانت قديما تهدي بعض لأنو هيك جرت العادة و أنو "الواجب الإجتماعي" هيك بيملي عليهم يعني كانت الشغلة "واجب" على نحو كبير, أما الآن فأنا بشوف أنو الهدايا صارت متل ما قلتي للوفا و الدين أنو أنا هديتك هدية تقيلة مثلاً, مشان أنت كمان تتذكريني بوحدة متلا بوقت المناسبة الجاية.
يعني أنو الهدية ما عاد إسمها هدية بشكل مجرّد و إنما صارت شيء للاسترداد لكن بطريقة الهدية.

الشغلة وفا و دين, ممكن هالشخص هداني هدية غالية بأحد المناسبات و إجا الوقت لردلو ياها

و هلق الحمدلله درجت عادة جديدة بين بعض الناس أنو ممكن تهديهم شي و " ما يعجبهم" و بيصير بدهم يبدلو الهدية بشي تاني ..بقا شو فينا نقول بهالحالة !!

الناس من قبل ما كانو ماديين وما كانو بيهتموا بيقيمة الهدية يعني كان مجرد انك انت تذكرت هالشخص بكفي ومثال على ذلك المتل القائل
من اتذكرني بعظمة كنت عندو عظيم أما هلا بالعكس انت كل ما تقلت الهدية ودفعت هداك الميلغ فأنت عند هالشخص عظيم بعتقد لأنو من قبل ما كان في شي اسمو طبقات اجتماعية فقيرة وغنية وكانوا العالم أبسط من هلأ بكتير

برأي هي عالم بطرانة وهما المظاهر من طول عمرها لهدية كل ماكانت رمزية كل مازادت حلاوتها
وبرأي هدول العالم هنن الأشخاص يلي بهمون المظاهر وبس حتى لو كان على حساب حياتون ومصوفهن وعيلتهن و..........

الموضوع كتير حلو والحكي فيه ما بيخلص بس الفكرة الأساسية انو عنجد الهدية حلاوتها وقت تكون طالعة من القلب مو غصب من عنا وقت تكون لأشخاص منعزون زمنحبون عنجد وبعيد عن التكلف والمظاهر حتى يكون إلها طعمة وتكون حقيقية وما تكون مجرد دين وفى والله هدتني هي هديك المرة فأنا لازم ردلها , لأنو هون الهدية فقدت قيمتها.

برجع بشكرك عنجد الموضوع حلو ودائما متميزة وزادك الله تميزا وعيد مبارك وينعاد عليكي بالخير والسلامة