| آرتين لتعليم اللغات https://forum.art-en.com/ |
|
| مساعدة فورية واليوم ضروري كتيييير https://forum.art-en.com/viewtopic.php?t=22237 |
صفحة 1 من 1 |
| الكاتب: | ندى الصباح [ الاثنين سبتمبر 06, 2010 1:33 pm ] |
| عنوان المشاركة: | مساعدة فورية واليوم ضروري كتيييير |
السلام عليكم صرلي من الاسبوع الماضي مقدمة ع ورقة غير عامل عنا بحماة بس لهلق ما طلعت قال الخطوط عاطلة اليونم تكرموا علينا وقالولنا انو فينا نجيبا من حمص فيا ريت يلي بيعرف مكان البريد بيحمص ياريت يدلني وشو السرفيس اللي لازم اطلع فيه ؟ مو كمان انتو بتجيبوها من البريد ؟ بتخلص بيوم واحد او اكتر لان ما ضل ادامي الا يومين مشان قدم ع الدراسات والا بتروح علي وشكرا كتتيييررررررررررررر |
|
| الكاتب: | زمردة [ الاثنين سبتمبر 06, 2010 1:47 pm ] |
| عنوان المشاركة: | مساعدة فورية واليوم ضروري كتيييير |
ندى الصباح, وعليكم السلام و رحمة الله و بركاته: إذا كنتي جاي بأي باص أو سرفيس (طريق الشام) من الكراجات طلبي من السائق ينزلك عند "أبو يوسف" و بعدها بتقطعي للجهة التاني على اليسار وبتكملي بالطريق الموازي لأبو يوسف لقدام بمنيح على إيدك اليمين البريد. أو الطريقة الأسهل و الأسرع بتآخدي تكسي  حاولي تبكري ليستعجلوا فيها ... لأن اللي عم يقدموا عليها من حمص عم يقولولهم رجعوا بعد أسبوع  بالتوفيق 
|
|
| الكاتب: | عصام [ الاثنين سبتمبر 06, 2010 2:32 pm ] |
| عنوان المشاركة: | مساعدة فورية واليوم ضروري كتيييير |
ندى الصباح, بتنزلي عند موقف الامتحانات بالزبط وبتقطعي الطريق وبتمشي باتجاه اللي ماشية فيه سرابيس الغوطة كم متر وهنيك بناء البريد الجديد مابيتوه حدن واذا كنتي بتعرفي بحمص شوي وجاي من غير طريق فهو مقابيل نادي الضباط بتقدمي طلب بالطابق الاول وبعدو بتطلعي عالطابق التاني عالمدير او معاونو وحاولي معن انو يعطوكي ياه وقليلن انو رح يخلص التسجيل وبدك الورقة ضروري مع انو ماظن انن يعطوكي ياها بكرا ورح يقلولك تعي بعد بكرا يعني الاربعا اللي هو اخر يوم بالتسجيل ورح يقولولك انو في غيرك مقدمين عالورقة قبلك وانو هن احق منك وانو ااذا راح عليكي التسجيل فهي ماشغلتن هن شغلتك انتي  انا قدمت عليها مبارح وبعد معالجة قلب ساعة عن نائب المدير قال راجعوني بعد بكرا والله قمة المسخرة انو كنا شي عشر طلاب واقفين مشان استعجال بيقلنا انو كل وثيقة بدها مطالعة من الكمبيوتر 7 دقايق وانو اذا بدو يصير يمشينا فبيروح النهار كلو و و و ولا حول ولا قوة الا بالله العلي العظيم احسن شي عكل حال انشالله تلحق تطلع معك من هون لنهار الاربعا |
|
| الكاتب: | Mohammed [ الاثنين سبتمبر 06, 2010 2:57 pm ] |
| عنوان المشاركة: | مساعدة فورية واليوم ضروري كتيييير |
وانا وانا كمان بدي قول العنوان بعرفو  مقابل نادي الضباط شارع الامتحانات  أنا قالتلي الموظفة رجاع بعد أسبوع .. عملت مشكلة أخدتها بنفس اليوم وكانت طالعة جاهزة بس هنن ... مابدن يشتغلو فمالكن غير البهادل والحكي مع المسؤول هونيك .. ما بيجو غير بهالطريقة 
|
|
| الكاتب: | عصام [ الاثنين سبتمبر 06, 2010 3:08 pm ] |
| عنوان المشاركة: | مساعدة فورية واليوم ضروري كتيييير |
Mohammed, اي بجوز رحت بوقت فضا  روح شوف العالم هنيك طوابير ونصن للماجستير والدبلوم |
|
| الكاتب: | فادي [ الاثنين سبتمبر 06, 2010 3:19 pm ] |
| عنوان المشاركة: | مساعدة فورية واليوم ضروري كتيييير |
اديش مدة صلاحية هل الورقة ؟
يعني بقدر بليش فيها هلق لبين ما اتخرج Mohammed, يعني الوح ما بياخد حقو الا بالخناق  |
|
| الكاتب: | Portia [ الاثنين سبتمبر 06, 2010 3:28 pm ] |
| عنوان المشاركة: | مساعدة فورية واليوم ضروري كتيييير |
السلام عليكم : بس وصلتي عالكراج ( و الأفضل يكون معك حدا ) طلعي بتكسي وقوليلو عالبريد , بنزلك هنيك , بتطلعي عالطابق التاني مع هالعالم بتلائي كوة مكتوب عليها " وثيقة غير عامل " بس مشكلتك انها بتاخد اسبوع حسب الروتين هون بئى بدك تفهميها للموظفة انو ما معك وقت و الاربعا بيخلص التسجيل , و قوليلا شو اعمل ؟ بلكي بيمشي الحال وكل ما بكرتي افضل بكتير , يعني اذا بتكوني 8:30 الصبح بكون احسن واذا بتزبط عندكم بحماة , أحسنلك ................................................... فادي : اقتباس: اديش مدة صلاحية هل الورقة ؟
3 أشهر ......................................................................... |
|
| الكاتب: | محمد العبد [ الاثنين سبتمبر 06, 2010 4:50 pm ] |
| عنوان المشاركة: | مساعدة فورية واليوم ضروري كتيييير |
السلام عليكم... اللي بدو يسجل ماجستير لازم يعمل وثيقة غير عامل اما اللي بدو دبلوم تأهيل تربوي مافي داعي ابدا... المهم بس توصلي الكراج بتاخدي تكسي فورا عالبريد وهنيك رح يطلبوا صورة عن الهوية الشخصية+55 ل.س وبيعطوكي وصل و بعدين بتطلعي عالطابق التاني لعند سكرتيرة المدير وبتقولي انك من حماة مو من حمص لانو كل واحد مانو من حمص بيمشوا فورا متلي خلال ساعة وحدة اخدت وثيقة غير عامل رغم انو كان في كتير ناس - الله يعين الموظفين- بعدين بترجعي عالطابق الاول بتسلمي الوصل اللي وقعتي من المدير او السكرتيرة و بتنتظري شي ساعة او اقل ممكن حتى ينادوا اسمك -انو وثيقتك جاهزة - بعدين بترجعي عالجامعة وبتسجلي و ان شاء الله بالتوفيق للجميع...
|
|
| الكاتب: | عصام [ الاثنين سبتمبر 06, 2010 7:12 pm ] |
| عنوان المشاركة: | مساعدة فورية واليوم ضروري كتيييير |
اقتباس:
لانو كل واحد مانو من حمص بيمشوا فورا متلي خلال ساعة وحدة اخدت وثيقة غير عامل رغم انو كان في كتير ناس - الله يعين الموظفين
لو انك مو اخد هالوثيقة شو كنت قلت  بس اكيد مو الله يعين هالموظفين |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|