آرتين لتعليم اللغات
https://forum.art-en.com/

أحلام
https://forum.art-en.com/viewtopic.php?t=22073		 صفحة 1 من 2
الكاتب:  سحر [ السبت أغسطس 28, 2010 12:57 pm ]
عنوان المشاركة:  أحلام
لكل منا حلم أو احلام أو هدف بالمنعى الاصح نطلق عليها احلام اليقظة ونسعى جاهدين في حياتنا لتحقيقها

سؤالي هنا لكم
ما هي أحلامكم؟
تخرج وظيفة
مرتب
زواج
ماذا حققتم منها؟
هل أنتم راضون عما حققتموه الى الأن؟
مالذي تنظرونه بعد؟
واذا كان لديكم أولاد ما هي أحلامكم ل أولادكم؟
شاركونا
الكاتب:  Safwat [ السبت أغسطس 28, 2010 5:09 pm ]
عنوان المشاركة:  أحلام
سحر,
بشكرك أول شي لطرحك للموضوع
ما بعرف اذا بسميه هدف أو حلم ...بس يمكن فينا نسميها اجلام لان بذكر اني حضرت برنامج الحلم ..عن حياة عمرو دياب و حضرت كمان the dream و كان عن مايكل جاكسون

[quote]
ما هي أحلامكم؟
[/quote]
كتيرة حتى بعملها update دايما لكن بتم في أحلام خالدة بالنجاح و ببناء شي بالآخرى ة رضا الوالدين و كسب محبة الناس و كسب الاحترام .
حاليا ..بحلم بالتسريح يلي رح يفتح باب النعمة و النعيم من جديد و يلي انا مشتقلو كتير ..يعني بحلم بالحرية
[quote]
تخرج وظيفة
مرتب
زواج
[/quote]
حققنا التخرج تماماً و الوظيفة و المرتب موجودين لان اللي بدور ما بضيع بس يدعي رب العالمين ما حدن يستغلو
و الزواج ...ان شاء الله بالأيام القادمة
[quote]
هل أنتم راضون عما حققتموه الى الأن؟
[/quote]
البني آدم طماع ...طموح ...اذا لقى شغلة حلوة بذاتو بتم بتدفعة ليدور ع السعادة اللا متناهية و اللي هي الآخرة
منجرب كل شي
منتعلم من الخبرات
و تمضي الحياة
[quote]
واذا كان لديكم أولاد ما هي أحلامكم ل أولادكم؟
[/quote]
من كم يوم سألوني اذا الك حلم بحلم حمص شو بكون ؟؟؟
قلتلن ...يتغير وضع الطالب السنة 1 و 2 بدرس الصوتيات

الله يستر أحسن شي
الكاتب:  Mohammed [ السبت أغسطس 28, 2010 5:17 pm ]
عنوان المشاركة:  أحلام
كل شيء جميل لم نصل اليه بعد ..
الكاتب:  Amal [ السبت أغسطس 28, 2010 11:39 pm ]
عنوان المشاركة:  أحلام
موضوع كتير حلو
الانسان بالفطرة طماع وكل شي بحققو ما بكفيه و عينو ما بشبعها غير التراب
كل الشغلات حابة أحققها لسى ما حققنا شي لأن لسى ما وقتن و كل شي بوقتو حلو
الكاتب:  سحر [ الأحد أغسطس 29, 2010 12:43 am ]
عنوان المشاركة:  أحلام
Safwat, اول شي بشكر مرورك التميز دائما في مواضيعي *1
اقتباس:
هدف أو حلم ...
لا أعتقد انه يوجد فرق بالتسمية
اقتباس:
رضا الوالدين و كسب محبة الناس و كسب الاحترام
يارب ياصفوة *good
اقتباس:
حاليا ..بحلم بالتسريح يلي رح يفتح باب النعمة و النعيم من جديد و يلي انا مشتقلو كتير ..يعني بحلم بالحرية
والله معاك حق هاد هم كبير اكترمنو هدف او حلم للشباب برافقن من الصغر حتى ياخدو التسريح

سبحان الي مريح البنات منو :mrgreen:
اقتباس:
حققنا التخرج تماماً و الوظيفة و المرتب موجودين لان اللي بدور ما بضيع بس يدعي رب العالمين ما حدن يستغلو
و الزواج ...ان شاء الله بالأيام القادمة
بالهنا يارب والله يبعتلك بنت الحلال *ورود
اقتباس:
البني آدم طماع ...طموح ...اذا لقى شغلة حلوة بذاتو بتم بتدفعة ليدور ع السعادة اللا متناهية و اللي هي الآخرة
صحيح وهاد سر الحياة الامل *1
اقتباس:
من كم يوم سألوني اذا الك حلم بحلم حمص شو بكون ؟؟؟
قلتلن ...يتغير وضع الطالب السنة 1 و 2 بدرس الصوتيات
*ممم *ممم يارب يفوة تتحقق كل أحلامك وكلشي بتتمناه *1
الكاتب:  سحر [ الأحد أغسطس 29, 2010 12:45 am ]
عنوان المشاركة:  أحلام
اقتباس:
كل شيء جميل لم نصل اليه بعد ..
جوابك لا يسمنو لم يغني من جوع :mrgreen:
ماهو الشيء الجميل الذي تسعى اليه في حياتك
شاركنا واحلم معنا بصوت عال :wink: *1
الكاتب:  سحر [ الأحد أغسطس 29, 2010 12:50 am ]
عنوان المشاركة:  أحلام
اقتباس:
كل الشغلات حابة أحققها لسى ما حققنا شي لأن لسى ما وقتن و كل شي بوقتو حلو
نفس الجواب احلمي معنا بصوت عال *1
الكاتب:  Mohammed [ الأحد أغسطس 29, 2010 3:27 am ]
عنوان المشاركة:  أحلام
لا يسمن ولا يغني من جوع لكن :mrgreen:

لو مشغلة مخيلتك وفكرتي كنت عرفني شو بقصد *---


اقتباس:
ما هي أحلامكم؟
تخرج وظيفة
مرتب
زواج
ماذا حققتم منها؟
في البداية نحلم بدراسة جامعية لكن اذا توقف حلمنا فلن نتخرج .. علينا ايجاد حلم جديد وهو التخرج
عندما نحلم بالحب .. ونحقق بداية القصة نحلم باتمامها بالزواج .. اذا تحقق الحلم وتوقف مكانه فنحن أناس غير قادرين على الحلم .. علينا متابعة الحلم بتأسيس عائلة مثالية وتأمين متطلبات ومستقبل مناسب ..

كل خطوة تستوجب حلماً بخطوة أخرى تأتي بعدها للوصول للسعادة والرضا
وفي النهاية قد تحققي كل الأحلام التي ييحلم بها الجميع .. لكن الله خلق البشر ليحلمو ويسعو لتحقيق الأحلام .. فبعد كل ما في الدنيا نحلم بآخرة ... كي لا يكون لأحلامنا حدود


ما هي أحلامي ؟؟
احلام كل شخص عادي (الأحلام البريئة :roll: ) منها المادي : بيت وسيارة وعمل شريف وآمن ومردود مناسب
واستقرار عائلي وحياة هادئة ..
مستقبل مضمون
ومنها المعنوي : راحة البال ..
الكاتب:  نبال [ الأحد أغسطس 29, 2010 2:47 pm ]
عنوان المشاركة:  أحلام
سحر,
*1 *1
بحب هاي المواضيع البسيطة و بنفس الوقت عميقة ...عنجد شكراً كتير يا سحورة *ورود
حلمي
النهضة الإسلامية
ياا اااااااااااااااااااا رب
قولي آمين
و الحمد لله في ناس بيخلوني اتفاءل كتير

تاني حلم ...بكفي بعدين مستعجلي
الكاتب:  Ranaa [ الثلاثاء أغسطس 31, 2010 6:28 am ]
عنوان المشاركة:  أحلام
سحر,
*1

الأحلام..... :arrow:
يا سلام إذا منا نبلّش بهيك موضوع أنا شخصياً ما بخلص على شي 10 صفحات :mrgreen:
طبعاً الأحلام وقود الأمل بحياة الإنسان بس أنو هي الأحلام لازم تقترن بالطموح الجاد لحتى نقدر نوصلا :wink:
و إلي أحلام على كافة الأصعدة بالحياة. :)
طبعا الحلم الأسمى هو رضا الله علينا.. *1

وو أحلامي (الحالية )على
الصعيد العملي ..
أنو يتغير وضع طلاب التعليم المفتوح و ينفتحلن المجال ليكملو اللي بلشو فيه, لأنو هنن طلاب و بيستحقوا بأنو ياخدو فرصن بهالحياة و ياخدو حقن بأنو يكملو دراسات متلن متل كل هالبشر اللي بالجامعة ..لأنو كمان طلاب المفتوح فيهم الأشخاص النوابغ و الطموحين و اللي ممكن يكونوا شغلة كبيرة بالمستقبل بس أنو ينفتحلن المجال بقا لأنو إذا انفتح المجال لهدول الطلاب بأكد بأنو رح يبدعو.... :idea:

على الصعيد الإجتماعي
حلمي الكبير على هذا الصعيد أنو تتغير أفكار مجتمع كامل ليرقى أكتر ..و خصوصاً الأفكار المتعلقة بالعادات و التقاليد :arrow: ..لأنو صار البعض منها متعب و متخلف جداً.
و طبعاً بهاد الصعيد بالذات في كتير أحلام ..بس حاج هيك :wink:

على الصعيد الشخصي
أنو أقدر رد المعروف الكبير لأشخاص أثروا بحياتي و قدروا يعملو نقاط إنعطاف إيجابية و رائعة. *1

.و بالنسة لسؤال شو حققت ..
فيكي تقولي عم حقق الأجزاء الصغيرة منها و الحمدلله راضية للي وصلتلو بس بطمح للأعلى و الأعلى لحتى وصل بأنو أترك بصمة إيجابية بالحياة و تنذكر بعد موتي هاد أهم شي بالنسبة إلي.و بالنسة للأولاد ....بعدين منفكر لسا وقت :mrgreen:
شكراً سحورة .. *ورود
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/