| آرتين لتعليم اللغات https://forum.art-en.com/ |
|
| كيف تطيل عمر بطارية حاسبك المحمول؟ https://forum.art-en.com/viewtopic.php?t=21981 |
صفحة 1 من 1 |
| الكاتب: | زمردة [ الثلاثاء أغسطس 24, 2010 4:05 am ] |
| عنوان المشاركة: | كيف تطيل عمر بطارية حاسبك المحمول؟ |
السلام عليكم جميعاً كَثُرَ في الآونة الأخيرة اقتناء الحاسب المحمول Laptop و كَثُرَت الطرق المتداولة حول كيفية الحفاظ على البطارية وإطالة عمرها نظراً لارتفاع سعرها نسبياً عند استبدالها بواحدة جديدة, كما أنّ أهيمة الحاسب المحمول تكمن في استخدامه خارج المنزل أو المكتب أكثر من داخله وشحن البطارية شيء أساسي. فلنرَ مافي جعبتكم, وما هي الطرق الأمثل لإطالة عمر البطارية معاً 
|
|
| الكاتب: | فــلـك [ الثلاثاء أغسطس 24, 2010 5:09 am ] |
| عنوان المشاركة: | كيف تطيل عمر بطارية حاسبك المحمول؟ |
عبير,
السلام عليكم... والله هالموضوع محيرني... وكل حدى بقلي شكل...يعني لهلأ ماعرفت هالطريقة الفظيعة... بس انا دايما واصلة اللابتوب عالكهربا...والبطارية موجودة..يعني ماشيلها...ولما بتنقطع الكهربا...لحالو بحول عالبطارية.. تقبلي مروري..  |
|
| الكاتب: | أندلسية [ الثلاثاء أغسطس 24, 2010 5:26 am ] |
| عنوان المشاركة: | كيف تطيل عمر بطارية حاسبك المحمول؟ |
 و أنا كمان مابعرف كيف.. أنا ع الغالب بشغلو ع البطارية لوحدا لحتى تخلص بقوم بوصلو بالكهربا هالشي مو زكا مني ها  بس قلة مروة لأنو أسهل استخدامو بدون توصيل أشرطة كهربا ... 
|
|
| الكاتب: | فارس [ الأربعاء أغسطس 25, 2010 2:24 am ] |
| عنوان المشاركة: | كيف تطيل عمر بطارية حاسبك المحمول؟ |
بطارية اللاب توب متل بطارية الجوال ..... مافينا نقول شو أكتر شي بطول عمرها ... و انما الأكيد و اللي بعرفو هو الشي اللي بقصر عمرها ... و هو انو نحطها ع الشحن و نشيلها من الشحن كل شوي بدون ما تتعبا ع الآخر او شي بالنسبة الي ما بشغل اللاب توب قبل ما اوصلو ع الكهربا .. و ما بشيلو من الكهربا قبل ما ينطفي ع الآخر ... و بستخدمو عادي وقت اللي بيلزمني بدون ما اوصلو ... |
|
| الكاتب: | أحمد الدالي [ الأربعاء أغسطس 25, 2010 2:29 am ] |
| عنوان المشاركة: | كيف تطيل عمر بطارية حاسبك المحمول؟ |
أفضل طريقة وهي مقنعة نوعاً ما: اذا كان اللابتوب للاستخدام المنزلي : إنو تضل البطارية خارج اللابتوب.. أما استخدامو بشكل متواصل بالكهربا مع وجود البطارية فبقصر عمرها.. كمان طريقة طريقة الشحن والفصل عند اكتمال التعبئة شيء جيد في شغلة مهمة( يلي بخلو البطارية خارج الابتوب لازم يحطوا البطارية بغلاف لأنها بتتأكسد أحيانا ....
|
|
| الكاتب: | Mohammed [ الأربعاء أغسطس 25, 2010 2:39 am ] |
| عنوان المشاركة: | كيف تطيل عمر بطارية حاسبك المحمول؟ |
ليل نهار بالكهربا .. وقت بيلزمو كهربا بياخد لحالو حسب حاجته  ووقت بيتنتزع البطارية الله لا يردها منوصله عالكهربا متلو متل العادي وخلص أحسن ما ناكل هم 
|
|
| الكاتب: | ابراهيم محمد [ الأربعاء أغسطس 25, 2010 7:09 pm ] |
| عنوان المشاركة: | كيف تطيل عمر بطارية حاسبك المحمول؟ |
بسم الله الرحمن الرحيم
فكرت كتير بالموضوع قبل ما رد عليه وحطيت اكتر من نقطة على ورقة باعتقادي انو الون علاقة باطالة أو قصر عمر البطارية واسمحولي أسرد اللي اجا على بالي حتى لو صار الكلام طويل : أولاً: الحرارة المرتفعة المسلطة على البطارية مثلاً انو ننزع البطارية من الجهاز وتكون معرضة لأي نوع من الحرارة متل أشعة الشمس أو في حال كانت حد الكمبيوتر وكانت مراوح الكمبيوتر الجانبية مسلطة عليها فهالشي واللي بقول انو البطارية وهي موصولة بالكمبيوتر عمتتعرض لحرارة الجهاز نفسو بقلو انو البطارية مصممة لتتناسب مع الحرارة اللي ممكن يصللها الجهاز في جميع الظروف.. ثانياً: العمل على الجهاز وهو موصول بالكهرباء والبطارية موصولة ايضاً بآن واحد: هون أنا برأيي الشخصي في فكرتين متعارضتين تماماً لكن ما بعرف أي وحدة صحيحة علمياً ورح أطرحن عليكون لشوف رأيكون : 1- انو العمل على الجهاز بهالحالة ممكن يقلل من عمر البطارية بسبب انو الجهاز عميستهلك من شحن البطارية باستمرار وبالتالي عمتفقد طاقة وترجعها بكل لحظة وتكرار هالشي خطر على البطارية 2- العمل على الجهاز وهو موصول بالكهربا والبطارية سوا بيلغي دور البطارية وبيبقى مصدر الطاقة هو الكهربا فقط هدول فكرتين منطقياً صح بس علمياً وتكنولوجياً ما بعرف صراحة .. لذلك أنا برأيي الشخصي وبناءً على الفكرتين الآنفتي الذكر بنصح انو في حال كان العمل على الكمبيوتر بوجود مصدر كهربائي انو ننزع البطارية ونحطا بمكان آمن بعيد عن اي مؤثرات ممكن تضر بالبطارية ثالثاً: اذا كانت البطارية فيها تقريباً شي 50% ما بصير انو نشحنها لازم ننطر حتى توصل كحد أقصى لل 10% هالطريقة مو مهمة لكن بنحافظ عليها مع مرور الزمن رابعاً: ما بصير نهمل البطارية اهمال كامل كأن انو نشيلها على جنب ونخلي اعتمادنا الكلي على الكهربا بهالحالة بنخسر البطارية وهي جديدة من دون حتى ما نستخدمها طبعاً هالشي مع الزمن هلأ صار وقت الافطار وحاسس انو ممكن يطلع معي شي أفكار بس الجوع كافر ... وطبعاً أنا صرتت للخيار التاني اللي هو أقرب شي للصواب وكمان آراء الشباب اللي سبقوني منطقية وبتساعد للحفاظ على البطارية يعطيكون العافية وآسف ع الاطالة |
|
| الكاتب: | زمردة [ الأربعاء أغسطس 25, 2010 10:55 pm ] |
| عنوان المشاركة: | كيف تطيل عمر بطارية حاسبك المحمول؟ |
فــلـك, أندلسية, فارس, أحمد الدالي, Mohammed, ابراهيم محمد, شكراً إلكم جميعاً لإضافة آرائكم الكريمة و التصويت ... في أكتر من نقطة انذكرت استفدت منها اقتباس: و انما الأكيد و اللي بعرفو هو الشي اللي بقصر عمرها ... و هو انو نحطها ع الشحن و نشيلها من الشحن كل شوي بدون ما تتعبا ع الآخر او شي
نقطة مهمة فعلاً ... طريقة الشحن اللي منتبعها بتأثر بشكل كبير.
اقتباس: في شغلة مهمة( يلي بخلو البطارية خارج الابتوب لازم يحطوا البطارية بغلاف لأنها بتتأكسد أحيانا
فكرة جديدة ... هلأ أنا بحطها بغلاف دائماً من باب المحافظة على الغرض ... مالي خبر انها ممكن تتأكسد لو اتخزنت بدون تغليف ابراهيم محمد, شكراً لردك المفصل بالنسبة إلي بعتمد كلياً على الكهربا بالبيت ... و لتجنب تأكسد البطارية -بسبب عدم الاستعمال- بشحنها بشكل كامل مرة بالأسبوع و بفصل الشاحن وبستخدم الجهاز بالاعتماد على البطارية فقط لحتى تفضى و توصل لأدنى حد ممكن و برجع بخزنها بغلاف فاضية ... لأن تخزينها و هيي مشحونة كمان بأدي للتأكسد. |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|