مرحب شباب
انا خريج جامعة دمشق بمعدل 68ز47
أرغب بان اعرف فرصي و فرص امثالي من الطلاب بماجستير ادبيات او لغويات في جامعة البعث

بليييز حدا يناقشنا بهالأمر بلييز و اللهه محتار وين بدي رووح خصوصي انو في كم ماجستيرات منيح بس مو مسموح نئدم الا بجامعة وحده بس

بتمنى من يللي بيعرف ما يخزلنا و يجاوبن و الله يعطيكن العافية شباب ع هالموقع الي بجنن و المفيد كتييييييييييير

عفواً للتأخير خيو آدم


فرص الأدبيات واللغويات ضعيفة مع الأسف خاصة السنتين الأخيرة ارتفعت المعدلات بشكل كبير في حمص وماجستيري الادبيات واللغويات مرغوبة جداً

السنة الماضية أدنى معدل مقبول كان بحدود ال72 في اللغويات
والموازي لا يختلف كثيراً الا بأجزاء الدرجة المئوية لأن الاعداد المقبولة بالموازي لا تتعدى طالب واحد أو 2

أنا كان معدلي 66.2 وقبلت في ماجستير التخصص
ومعي زملاء معدلاتهم حوالي ال60 درجة بالمئة
لكنهم اجتازو اختبار الشفهي والكتابي بمعدل مرتفع
ومعي زميلة معدل تخرجها أعلى من 70 ولم تقبل في اللغويات أو الأدبيات



بالتوفيق يا أخ آدم وانشالله تلاقي الخير

بهالحالة وين الواحد بيكمل الماجستير

أنا بدي سجل موازي من الأساس وشوف شو الله بيسر هالسنة و انشاالله يطلعلي و مبارحه حملت ملف من موقع جامعة البعث فيو معدلات القبول تبعين السنه الماضية فيو حدا بماجستير الادبيات موازي مقبول ع 68 تئريبا على اي حال عم جمع مصرياتي ع بريطانيا اريحلي والله

شكرا كتيير و الله للي ردو عليي

ازا فيك تطلع ع بريطانيا بيكون أفضل بكتير ... حتى لو كانت مدرة دراسة بعض الاختصاصات هنا في سوريا سنتان وفي بريطانيا 6 أشهر يكون الأفضلي دائما لخريجي بريطانيا

أن أردت نصيحتي اسأل عن اختصاص يسمى( استخدام التقانات المعاصرة في تدريس اللغة_ و اختصاص تصميم وتطوير مناهج اللغة) في السفار ة البريطانية أو المركز الثقافي البريطاني بدمشق

http://damascus.usembassy.gov/

http://www.britishcouncil.org/syria

بالتوفيق

عن جد يسلموا سيد محمد ... امت كتتير انسان رائع يبدو
انا عندي كتيير قبولات من بريطانيا ... بس الصراحة حابب اني ادرس الماجستير هون و الدكتوراه برا .. اوفرلي بكتيير
انا معي IELTS من المركز الثقافي هون بالشام و عطوني كتيير معلومات مفيدة ... بس حابب جرب حظي بحمص و لو مررة بهالحياه .. و انت عم تساعدني كتيير و انا مبسوط انني تعرفت ع شخص حباب متلك

بشوفك

باي ياي

Desperado,

هلا أخي آدم .. الجواب اليقين بتاخدو مني .. لأنو أنا كنت طالب ماجستير أدبيات السنة الماضية .. بس قبل بدك تفهمني كيف معدلك صار 47 و فواصل ؟ إذا النجاح من 50 ؟ ليكون قصدك معدلك 68 و فواصل و طلعت بالعكس لما كتبتا؟؟

اي بقا بجيك للجواب .. الي هو بكل بساطة : مافي مقياس للمعدل إلا طبيعة معدلات المتقدمين للماستر .. يعني باختصار انت و حظك .. بدفعتي أنا انقبل 8 أشخاص تعليم نظامي باللغويات و 8 بالأدبيات .. 2 موازي باللغويات و 2 بالأدبيات .. الحد الأدنى بالنظامي للأدبيات كان بحدود 72.2 تقريبا .. و بالموازي الحد الأدنى باللأدبيات كان 62 و فواصل .. أما بالغويات .. كان الحد الأدنى بالنظامي شي 73 و فواصل .. و الحد الأدنى بالموازي ماني متأكد بس كمان بحدود ال 73 و فواصل كمان .. و صار هالشي لأن كل الي معدلاتون عالية بقدمو عالغويات .. طبعا هو كدراسة أسهل بكتير من الأدبيات و الدوام فيه أقل الزام .. حسب ما شفت طبعا عم احكيك .. يعني الي انقبل موازيي أدبيات عال 62 كان مسألة حظ و هني ما كانو متوقعين أبدا يطلعلون ماجستير أدبيات .. بقا قدم و انت و حظك .. بعتقد الك حظ منيح بالأدبيات اذا بتحب هالفرع كون الطلاب عادة بتهرب منو ..
بالنسبة للتأهيل و التخصص هاد بفيدوك فيه أصحاب العلاقة .. و بعتقد الك حظوظ عالية جدا فيه اذا كانت لغتك قوية .. لأني بعرف انو في شخص معدلو 59 و فواصل و انقبل ماجستير تأهيل و تخصص و عادي مو موازي كمان ..

اي شي تاني بقدر فيدك فيه أنا جاهز .. موفق

أنا معدلي 68.47 عرفت كيف
و عن جد ما بعرف كيف بدي أشكرك عهالمعلومات اللي كتتيييييييير تمينة و حلوة
ازن هي مسألة حظ و شو معدلات اللي مئدمين السنه هاي مممممم
Okay got it my dear
بس بلييز جاوبني ليش ماجستير الأدبيات أصعب ليش شو هن موادو ازا سمحت؟؟ و شو لازم حط بالمفاضلة بالأاول ع اساس معدللي هاد ؟؟ الله يخليك لا تبخل علي و قللي ؟؟؟ و شكرا حبيب القلب انتا