مرحبا يا جماعة الخير
كيف الحال
انا حابب استفسر استفسارين ..
اول واحد : بالنسبة لدبلوم الترجمة هل مطلوب ورقة اجتياز اختبار اللغة الانكليزية تبع الماجستير ؟ ولا لأ ؟؟!!
تاني واحد : بالنسبة لدبلوم التأهيل التربوي .. حسب الشروط مكتوب انو لازم 90% حضور هل الكلام مزبوط ولا حبر ع ورق ؟ متل ماجستير الدراسات العليا كل شهر ليطلو عالجامعة مرة هي ان طلو ؟ وطبعا نفس السؤال بالنسبة لدوام دبلوم الترجمة .. لأني انا من حلب وعندي شغل ومافيني اترك شغلي واجي احضر بقا كيف بيصير الوضع لحتى اعرف حالي سجل او ما سجل .. وياريت تجاوبوني بسرعة وشكرا كتير الكم
طبعا ان في حدا ما بيعرف الاجابات وبيعرف حدا بيدرس احد هل الدبلومين ياريت يتصل فيو وانا بحكيلو مع فارس يهدي 200 وحدة لأنو هاد بيكون احسن موضوع لليوم
وشكرا كتير
محمد

lovevoice,
يا أهلين أبو حميد ... عاش مين شافك ...

بالنسبة للدبلوم ... أهم شي هو امتحان القيد , و امتحان المختصين ... هيك على حد علمي و ما تسألني عن تفاصيل بخصوصهم لأنو ما بعرف

اما بخصوص الحضور ... فالحضور نعم مطلوب و بدققو عليه ... و ازا غبت اكتر من محاضرتين بدون عذر من مادة فانت راسب فيها غالباً ... و هالشي بالآخر حسب الدكتور

بالتوفيق

عفوا فارس ..
كلشي اسمو دبلوم ما بيحتاج لفحص قيد اللغة....كلو اسمو ( فحص قيد الماجستير )
للاضافة: ماجستير التأهيل والتخصص كمان ما بدو فحص قيد اللغة.

اهلين فارس والله مشتاق وفي القلب لوعة
معناها ع كلامك انو في تدقيق مالي مصلحة فاضل ولا الك رأي تاني ؟
عدنان شكرا الك ع الاضافة
بس انا نقطتي انو بالنسبة للماجستير ممكن يكون في تدقيق ليش الدبلوم كمان ؟
طيب وعلى فرض كيف بيصير دوام الدبلوم ؟
كل يوم كل يوم
ولا بيجمعوهن يوم واحد بالاسبوع ؟

وعليكم السلام
طيب مافي حدا يفيدنا بموضوع دبلوم التأهيل التربوي ودوامو ؟

سؤال من فضلكم انا انقلبت بحماه دبلوم تأهيل تربوي عالموازي
1- كيف بدي سجل وادفع باقي المبلغ واعرف وين دوامي وين جامعتي ؟
2-انا موظفة بشركة خاصة ومابقدر غيب اكتر من يومين او 3 بالشهر ممكن ادرس لوحدي ويمشوني
اذا ماممكن ينجحوني شو الحل ؟ اترك شغلي معقووول او بدرس الدبلوم ع سنتين وبرجع بدفع 60000 او بتخلى عن الفكرة كلها وبضل بشغلي جد انا لازم اعرف كتيير محتارة

ميمي-انكليزي,
بخصوص الدفع انا للأسف ماعندي أي فكرة عنو للأسف
و الدوام حسب معلوماتي بكلية التربية ب " الشريعة " و على اعتبارك حموية أكيد بتكوني عرفتي المكان ألي بعرفو أنو في مادتين فين عملي و يمكن نظري , و العملي ضروري تكوني موجودة بخصوص الشغل و الدبلوم ... أنتي بس ألي فيكي تقرري شو تعملي بهاد الخصوص ... بس بنصحك بالأول تنطري شوي لبين ما يبدأ الدوام و شوفي الوضع و بعدين قرري
بتمنالك من قلبي التوفيق و إن شاء الله ما بصير غير متل ما بدك

شكرا كتير الك انا رح انزل عالكلية واسأل عن التفاصيل