آرتين لتعليم اللغات
https://forum.art-en.com/

مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
https://forum.art-en.com/viewtopic.php?t=21695		 صفحة 1 من 4
الكاتب:  Desperado [ الثلاثاء أغسطس 10, 2010 11:23 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
أقر مجلس التعليم العالي القرار رقم (433) القاضي باعتماد اختبارات كتابية مؤتمتة للقبول في الدراسات العليا غير الطبية في الجامعات الحكومية وتعطي نسبة 50% لمعدل الإجازة ونسبة 50 % للاختبار.

كما يتم تقديم طلبات التفاضل للدراسات العليا في الجامعات الحكومية بدءا من تاريخ 29/8 ولغاية 10/9 من كل عام، ويشترط أن يكون المتقدم للمفاضلة من حملة الإجازة برتبة جيد على الأقل و تجري مفاضلة القبول بالدراسات العليا في كل جامعة بشكل مستقل.
كما لايحق للطالب المفاضلة إلا في جامعة واحدة فقط ويحرم الطالب من التسجيل في حال ثبوت تقدمة بأكثر من مفاضلة، كما يحرم بالتسجيل بأي جامعة حكومية إذا غش في الاختبار.
وتجري الاختبارات بدءا من تاريخ 15/9 وتعلن النتائج في موعد أقصاه 25/9 من كل عام ، ويجب على الجامعات الحكومية أن تقوم بملء الشواغر في الاختصاصات التي لم تمتلئ بموجب الإعلان الأول وذلك بموجب إعلان جديد على أن يكون الطالب قد تقدم لاختبار وفقا لما يقرره مجلس الجامعة
وحول الأوراق المطلوبة للتقدم فهي صورة عن وثيقة التخرج، وكشف العلامات مصدقين أصولاً، وثيقة النجاح في اختبار اللغة الانكليزية، وثلاث صور شخصية، وصورة عن الهوية الشخصية، وكتاب من الكلية بكشف المواد لمن تخرج ولم يصدر قرار تخرجه بعد.
الكاتب:  عاشقة العربية [ الثلاثاء أغسطس 10, 2010 11:37 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
Desperado,
أحلى شي بالموضوع، مواعيد التقدم للمفاضلة.

أما بالنسبة للاختبار، فهل هو اختبار لغة أو لأ ؟؟
ولو كان اختبار لغة فبرأيي بيكفي انو يكون اجتياز فقط، وما يأثر ع المعدل :roll:

شكراً Desperado, *1
الكاتب:  Portia [ الثلاثاء أغسطس 10, 2010 11:55 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
السلام عليكم :

Desperado :

لك روح ربي يفتحها بوجهك

و تنبسط و يرزقك ربي من غامد علمو

بهالليلة الفضيلة

شكراً كتير *1 *1 *1 *1 *1 *1

ربي يبشرك بالخير

:) *1 *1 *1 *1 *1

تصبحو على خير جميعاً

*1 *1 *1 *1 *1 *1 *1 *1

ان شاء الله نام , اذا لازم نام

....................................
الكاتب:  Desperado [ الأربعاء أغسطس 11, 2010 12:04 am ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
حدا يحاول يسألنا ايمتى التسجيل ع هادا الاختبار منكون ممنونينو


بلييييز اللي بيعرف ما يبخل علينا متل ما نحنا عن نعمل و نتئصى ليل النهار

عايشين برعب و الله و القرارت كللا غامضة و مشان تفوتنا بدوامة

آدم
الكاتب:  حلواني [ الأربعاء أغسطس 11, 2010 10:10 am ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
هلأ هالقرار حلو كتير ويتيح فرصه كبيره لشرائح كتير للطلاب بالتقدم للماجستير
والأختبارات هي طبعا راح تكون شاملة ومو بهالسهوله
يلا بلكي ننقبل ماجستير بشي فرع
ونكمل السنة الجاي مباشره
بس هلأ سوال
في قرار 3 دورات فصلية
فكيف الواحد راح يتقدم للأختبارات
الكاتب:  Obada Arwany [ الأربعاء أغسطس 11, 2010 3:20 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
الله يوفقك الجميع ان شاء الله
بقالن رفقاتي مادة الترجمة و ان شا ءالله بيكونو خريجين ..
الله يوفق الجميع
الكاتب:  Desperado [ الأربعاء أغسطس 11, 2010 6:55 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
الاختبارات بيتبللش حوالي 15 9 بعد العيد

بس اليوم بالوزارة ما عرفو ايمتى التقديم لهالاختبارات

شو رأيكن بهالقصة بئى ؟؟

و في ناس عم تئول اننو التسجيل لهالاختبرات ماشي بكلية العمارة بالتوازي نع التسجيل لاختبار اللغة بالمعهد العالي ؟؟


الطاسة ضايعة
الكاتب:  Desperado [ الأربعاء أغسطس 11, 2010 10:09 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
يا جماعة حدا يعرفنا ايمتى التسجيل لهالاختبارات

الاوراق المطلوبة للتقدم :
صورة عن وثيقة التخرج، وكشف العلامات مصدقين أصولاً، وثيقة النجاح في اختبار اللغة الانكليزية، وثلاث صور شخصية، وصورة عن الهوية الشخصية،

فهل يعني هزا اننو التقدم ببلش بعد صدور وثيقة اختبار اللغة الانكليزية و لا شووووووووو؟؟؟؟؟؟؟؟؟؟؟؟؟؟؟؟؟؟؟؟

رح جن رح جن رح جن رااااااااح جنننننننننننننننننننننننننن و الله رح جننننن ما حدا عم بجاوبنا و كأنو عايشين بفلم رعب و انئطع سلك التلفون فينا بنص الصحراااااا

ااااااااااااااااااااااااااااااااااه اااااااااااااااااه آآآآآآآآآآه
الكاتب:  أندلسية [ الأربعاء أغسطس 11, 2010 11:14 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
اقتباس:
اليوم بالوزارة ما عرفو ايمتى التقديم لهالاختبارات
اقتباس:
رح جن رح جن رح جن رااااااااح جنننننننننننننننننننننننننن و الله رح جننننن ما حدا عم بجاوبنا و كأنو عايشين بفلم رعب و انئطع سلك التلفون فينا بنص الصحراااااا
الله يعينك جد .. يعني إذا انت عم تسأل بوزارة التعليم العالي بالشام و ما عم يجاوبو ..أوا ماعم يعرفو .. فمين بتتوقع يعرف :?:
يعني فعلاً غريبة .. كيف بتطلع هالقرارات بدون محدا يعلم كيف بدا تتطبق.. :!:
وطبعاً أنا صوتت أنو القرار مااااااااانو عادل :arrow: ..هداالقرار لتزيد فرص اللعب بالقبول مو أكتر ..
كيف بيطلبو معدل "جيد" كشرط أساسي بعدين بيتغنو أنو القرار ح يزيد من فرص القبول.......
شو فرئت القصة عن قبل :?: :?: :?: و لا شي :arrow:
و الشي اللي بيدعو للتساؤل حقاً أنو إذا الجامعة عم تحدد بإعلان الماجستير عدد الطلاب اللي بدا تقبلن_6 مثلاً_فشو ح يفرء إذا تقدم مع هيك قرار1000طالب كان من قبل يتقدم 700؟؟؟بلأخير العدد محدد مسبقاً :arrow:

من اسبوع و مواضيع التقديم ع الماجستير ماعم تهدا و محدا بيعرف شي ..مالكن غير الانتظاااااااااااار

و لأول مرة بنبسط من وضعي أنو عندي تكميلية فمريحا راسي من كل هالشوشرة ع الماجستير بالجامعة السنة :mrgreen:

الله يقدم الي فيه الخير للجميـــــــع *1
الكاتب:  Desperado [ الخميس أغسطس 12, 2010 2:42 pm ]
عنوان المشاركة:  مجلس التعليم العالي يقر اختبارات مؤتمتة للقبول بالدراسات العليا في الجامعات الحكومية
اليوم رحت ع مجلس التعليم العالي بالوزارة الطابق السادس على ايدكن اليسار ... المهم رحت ع نائب رئيس المجلس " يعني نائب الوزير" :wink: بس ئللي و الله ما وصلنا هيك خبر تفاجئت جدا و انصدمت فرحت اسأل كل موظفي قسم مجلس التعليم العالي فئالولي ازا جامعتك مو عرفانة تجاوبك نحنا بدنا نعرف يعني ... ئلتلن مالقرار طالع من عندكن .. ئالو ما عنا خبر ... رديت عليهن .. شكلو لا في مجلس تعليم عالي و لا شي .. الوزير طلع القرار و وقع عليه و خلصت الئصة ليمشي حدا من ئرايبو بئصة الاختبار ... و رح تتفاجئو ازا عرفتو انو عامل النسخ و التصوير بالطابق السادس ئللي : و بيناتنا ها " لا صار اجتماع للمجلس ب 5/8/2010 و لا شي " فرحت انا ع قاعة الاجتماعات بنفس الطابق فقللي موظف اننو مسكره في تصليحات فيها من شي اسبوعين *good *good *good *good *good *good *good :mrgreen: :mrgreen: :mrgreen: :mrgreen: *ممم *ممم *ممم *ممم :cry: :cry: :cry: :cry:
صفحة 1 من 4 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/