آرتين لتعليم اللغات :: هــل انــتَِ مــع شــهر العســل..ام ليلــة الزفـــاف؟؟

آرتين لتعليم اللغات https://forum.art-en.com/

هــل انــتَِ مــع شــهر العســل..ام ليلــة الزفـــاف؟؟ https://forum.art-en.com/viewtopic.php?t=21570	صفحة 1 من 5

الكاتب:	فــلـك [ السبت يوليو 31, 2010 1:39 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
السلام عليكم.. صار الزواج شي كتير صعب بالنسبة للشباب...يعني ارتفعت اسعار البيوت...وارتفع سعر الذهب...والأثاث... الخ.. كتير عم نسمع بشباب بدهم يتزوجو وبدهم يعملوا حفلة عرس ماصارت..وبدهم وبدهم وبدهم.. .مع انو شو ماعملوا مارح يعجب الناس.... فبصيروا اذا ما اتدينو عم بينقصوا على حالهم...ويلغو كتير شغلات... ومن هالشغلات يلي عم يلغوها..شهر العسل.. مثلا:بتجي العروس بتقول لعريسها...وين بدنا نعمل شهر العسل؟؟ بقلها والله حطيت كتير هالفترة..ماشايف حالي غير عم ادفع.. 15000 للتصوير... 100000 حجز الصالة.. 20000 لمحل الكاتو.. 25000 للكوشة( الورد)... 5000 للأغاني.. 20000 عراضة(سيف وترس)... 5000 اضاءة الديسكو.. 2000 للتأئيرات..دخان وفقاعات... 10000 اغطية للطاولات والكراسي.. خلينا نأجلو كم شهر بكون ارتحت شوي ماديا... (عم يحلم) طيب تعو نحسبهم شأد صاروا...وانا عم احكي شي واقعي وشايفتو.. وقابل طبعا للزيادة او النقصان..وانا ضدوا بصراحة.. 202000ل.س.... مشان 4ساعات...والعروس والعريس مارح يحضروهم كلهم.. واكيد هالسعر بيختلف لانو بهالسعر حاليا عم يطلع العرس عاااادي...يعني مافيه شي جديد وغريب متل اللي عم يطلع بقناة مسايا.. ولسة ماذكرنا حق بدلة العروس...وبدلة العريس.. . طيب بهالمصاري والله بيقدروا يعملو 15 يوم ببلد اوروبي... أو شهر بتركيا... وأسئلتي لكم هي.. 1-هل انت مع شهر العسل ام ليلة الزفاف؟؟ولماذا؟؟ 2-ما رأيك بهذا الموقف؟؟هل هو فرحة العمر كما يقولون!! أم غباء اجتماعي؟؟ 3-هل تعتبرون هذه المصاريف تبزير؟؟ ام مصاريف ضرورية؟؟ بتمنى يعجبكم الموضوع ....

الكاتب:	Hiba [ السبت يوليو 31, 2010 2:56 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
[align=center]فــلـك, والله بعرفلك عالم بتيجوز اذا بدهم بشغلة 50 الف لي هيك معقدة الامور وفي شي اسمه مظاهر وفي اسمه اولويات[/align]

الكاتب:	Mohammed [ السبت يوليو 31, 2010 3:02 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
انا بكل صراحة لا مع العرس "المطنطن" ولا مع "شهر" العسل بعد العرس فوراً بفضل تكون الأمور بسيطة وعادية بالبداية وبعدين بتجي السفرات والطلعات ع رواق لأن الجو والتوتر والمصروف وال وال وال كلن بيساهمو أنو يفشل شهر العسل بشكل عام ويتحول لمشاكل وخناقات مو أكتر ؤ خاصة ازا كانت الحالة المادية عادية وكذلك الأمر بالنسبة لحفلة العرس تفاصيل تفاصيل تفاصيل تفاصيل ..بتخلي العريس يختنق والعروس تضل مشدودة ومتلبكة ومهمومة (و رح تقضيها لو ما صار هيك ولو عاملين هيك ).... العرس وشهر العسل هنن ذكرى حلوة وكلشي فيهن لازم نعتبرو حلو بغض النظر عن تكلفته وجزئياته اللي بتمرض قصدي ما يكون (((همنا))) أنو يكون مثالي وكل الناس تحكي عنو .. ونأدي دور عارضة الأزياء في قناة كذا .. أو دور الأمير في فلم كذا .. ما في شي أجمل من البساطة والعفوية

الكاتب:	محمود دياب [ السبت يوليو 31, 2010 3:04 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
هل انت مع شهر العسل ام ليلة الزفاف؟؟ولماذا؟؟ شهر العسل يكاد يكون بعصرنا أحد شروط الزواج لهيك ماعاد في غنى عنو طبعا بتختلف من عادات عائلة لأخرى لكن بتصور مافي غنى عنو بعدين واحدنا ما بصير عمرو 25 الا بكون زار مدري كم بلد على صعيد السياحة يعني مو معقول مع الشريك يبخل برحلة وخصوصا انو هالرحلة رح تدخل بالتاريخ أما ليلة الزفاف فبتصور لا تقل أهمية لكن بتكون على صعيد الأسرة وليس على الصعيد الشخصي عريس + عروس كما شهر العسل أقصد يعني ياريت الأهل يهتمو بهالأمور ويخلو العرسان يرتاحو من هالهموم.... ما رأيك بهذا الموقف؟؟هل هو فرحة العمر كما يقولون!! أم غباء اجتماعي؟ بتصور قد ما ارتفعت نسبة البذخ في هذه الليلة مسموح لإنو هي مرة وحدة بهالعمر هل تعتبرون هذه المصاريف تبزير؟؟ ام مصاريف ضرورية؟؟ والله أعلم بعصرنا ضرورية لكن يبقى للعقلانية دورها الهام فلك مشكورة أختي العزيزة موضوع شيق

الكاتب:	nedalo [ السبت يوليو 31, 2010 3:16 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
برأيي شهر العسل افضل لأنو تكاليف العرس عم يحطها الواحد بليلة و حدة اما شهر العسل فمدتو اطول و كمان حفلة الزفاف هي بمثابة اعلان عن الزواج لا اكتر ولا اقل يعني اكيد حلو جو البسط يلي بيكون موجود بس بحسو عالفاضي و شهر العسل بيتمتع بخصوصية اكبر بين العرسان و بالنسبة للمصاريف صراحة مانها ضرورية بس هي ايام الزواج الاولى و لازم تكون كلها بسط و فرح و وفاق و حجم المصروف ما بيحدد كمية السعادة و السرور بالزواج تحياتي اخت فلك و مشكورة عالموضوع المميز

الكاتب:	ornament-z [ السبت يوليو 31, 2010 3:43 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
أنا بلنسبة إلي بفضل شهر العسل على حفلة الزفاف لأن الواحد بيتكلف المبلغ الفلاني منشان 3 أو 4 ساعات وبلأخير شوووو الناس بتطلع وبتنتقد شي بالحفلة ولو كانت 10 نجوم والأحلا إني العروسين مابيتهنو بلحفلة لأن مابيوصلو عأخر النهار إلا بيكونو استسلمو عكتر الضغط والركض شكرا اخت فلك الموضوع كتير حلو

الكاتب:	فــلـك [ السبت يوليو 31, 2010 3:52 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
Hiba, اقتباس: والله بعرفلك عالم بتيجوز اذا بدهم بشغلة 50 الف لي هيك معقدة الامور وانا بعرفلك عالم تزوجت ب 10الاف... هلأ شيلي القيمة يلي انا ذاكرتها بالموضوع... القيمة يلي ذكرتها انا مبالغة عند بعض الناس..وتافهة عند البعض الأخر... انا عم احكي عالمبدأ بشكل عام...وبتمنى اتجاوبيني على هالأساس.. أهلا وسهلا فيكي هبة.. Mohammed, اقتباس: انا بكل صراحة لا مع العرس "المطنطن" ولا مع "شهر" العسل بعد العرس فوراً انا بتفق معك بالنسبة للقسم الأول...بس أغلب العرسان بتقول لبعدين.. و(بعد العرس مافي قرص).. اقتباس: بفضل تكون الأمور بسيطة وعادية بالبداية وبعدين بتجي السفرات والطلعات ع رواق امممم.. ممكن كتير... اقتباس: قصدي ما يكون (((همنا))) أنو يكون مثالي وكل الناس تحكي عنو .. وبالاخر مارح يعجبهم.. شكرا لمرورك العطر.. محمود دياب, اقتباس: بعدين واحدنا ما بصير عمرو 25 الا بكون زار مدري كم بلد على صعيد السياحة يعني مو معقول مع الشريك يبخل برحلة وخصوصا انو هالرحلة رح تدخل بالتاريخ اشك في هذا الكلام... اذا كنت عم تحكي عالبلدان..اما الأماكن السياحية السورية فأكيد...بس انا عم احكي عشهر عسل خارج سوريا.. النسبة يلي عم تحكي عليها واللي هيي الشباب اللي عمرها 25 ..وزايرة اكتر من بلد بظن انها نسبة قليلة.. اقتباس: والله أعلم بعصرنا ضرورية لكن يبقى للعقلانية دورها الهام اكيد... شكرا لرأيك الكريم.. nedalo, اقتباس: برأيي شهر العسل افضل لأنو تكاليف العرس عم يحطها الواحد بليلة و حدة اما شهر العسل فمدتو اطول رأيك صريح وكتير مقنع بالنسبة ل الي.. اقتباس: و حجم المصروف ما بيحدد كمية السعادة و السرور بالزواج اهلا وسهلا فيك...

الكاتب:	فــلـك [ السبت يوليو 31, 2010 3:59 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
ornament-z, اقتباس: والأحلا إني العروسين مابيتهنو بلحفلة لأن مابيوصلو عأخر النهار إلا بيكونو استسلمو عكتر الضغط والركض هههههههههههههه فعلا والله معك حق... اقتباس: أنا بلنسبة إلي بفضل شهر العسل على حفلة الزفاف والله منيح...اغلب البنات بقولولي...لاء طبعا العرس...هي فرحة العمر.. شكرا لمرورك...واهلا وسهلا بك في عائلتنا..

الكاتب:	siba-m [ السبت يوليو 31, 2010 8:34 am ]
عنوان المشاركة:	هــل انــتَِ مــع شــهر العســل..ام ليلــة الزفـــاف؟؟
أنا مع العرس وهاد مو يعني أنو مافي شهر عسل لاء يروحوا العرسان عمكان بسوريا وهيك بكونو كسبو التنتين ولا ينحرموا من وحدة مقابيل التانية كمان العروس مرة بهالعمر رح تلبس البدلة وترقص مع شريكا ويقطعوا الكاتو إدام كل الناس بس السفر لأوروبا بيجي بعدين والأصل بشهر العسل يكونو العرسان متفاهمين ومبسوطين وأكيد بهيك أوقات حينبسطو بأي مكان سواء بأوروبا أو غيرا حيحسوا حالن بجنة وأنن عايشين أحلى أيامن.. أما بالنسبة للمصاريف مانا تبذير طوال ما الواحد عبحط قدرتو المهم مايزيدا لدرجة أنو يراكم عحالو ديون وبنفس الوقت ماينقص شي بعرسو وهو مقتدر أنو يجيبو

الكاتب:

Portia [ السبت يوليو 31, 2010 8:49 am ]

عنوان المشاركة:

هــل انــتَِ مــع شــهر العســل..ام ليلــة الزفـــاف؟؟

السلام عليكم :

مع التنين

كل شي بالتنظيم يصير

.....................

صفحة 1 من 5	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/