" وقد دلَّت الإحصائيات. كما يذكر الأستاذ يسري شاهين – أنّ معظم رواد هذه المقاهي هم من الشباب؛ ففي إحصائية وزّعتْها مجلة خليجية على عدد من مقاهي الإنترنت؛ تبيَّن أن (80%) منهم تقلُّ أعمارهم عن سنِّ الثلاثين.. في حين ذكرت إحصائية أخرى أن (90%) من رواد مقاهي الإنترنت هم في سنٍّ خطرة وحرجة جدّاً.
ولابدّ من بحث هذه الظاهرة بحثاً جدِّياً؛ لأن معظم من يرتاد هذه المقاهي كما ذكرنا يستخدمها للدردشة فقط، أو للإطلاع على المواقع الجنسية.. ممّا يجعل من هذه الظاهرة أمراً خطيراً على مستقبل الشباب الذين يرتادون تلك المقاهي.
ففي دراسة حديثة نشرتها إحدى المجلات السعودية عن نوعية المواقع التي يدخلها الشباب في مقاهي الإنترنت، كانت النتيجة أن (60%) منهم يقضون أوقاتهم في مواقع الدردشة..! و(20%) من المستخدمين للمواقع الثقافية.. و(12%) للمواقع الطبّية والحاسوبية والتجارية.. و(8%) للمواقع السياسية.
وقد أجمع أصحاب تلك المقاهي أن أكثر ما يبحث عنه الشباب هو الدردشة (تشات) والجنس..!"

سهوان السهوان,

EVANESCENCE,

أندلسية,
شكرآ على الاضافة وبالتأكيد ناطر رأيك التحليلي

باسل العمروش,
بانتظار تعليقك

أنس الدالي,
موضوع مميز ومهم جدا للنقاش..
انا بظن انو بعضهم رح يوقف متل ماوقفو مع الموقــع اليهودي(الفيس بوك)===>برامج لكسر الحظر..ببساطة يعني..
والبعض الآخر رح ينبسط كتير بهيك قرار..واكيد هدول مارح يكونو من النوع يلي بيهتموا بهيك مواقــع بس رح يفرحو كرمال هالجيل الجديد الطالع..ابنائهم..بناتهم.. اخواتهم..الخ..
هلأ الصين بالوقت الحالي هيي اقوى دولة اقتصاديا..واكيد هني وصلو لهون بسبب النظام والانضباظ... الشعب الصيني كتير ذكي ومفكر..
والمواقع الاباحية اكتر شي مضر للشعب المفكر والذكي..لانو هي المواقع بتأثر بشكل سلبي كبير على عقول الشباب وبتخلي اهتمامهم ينصرف من التفكير والاختراع للادمان على هالمواقع...الادمان على هيك مواقع بينتج عنه:
1-سهر..
2-الادمان على الكحول..
3-الادمان على المخدرات..
4-ارتفاع معدلات الاغتصاب..

هالنتائج تؤدي الى:
1-تشتيت الفكر باليوم التالي..بسبب قلة النوم والمخدرات والكحول..
2-فوضى دائمة بالبلد بسبب مشاكل اللي بدها تصير نتيجة الاغتصاب..
3-رح تتراجع الصير كتييير بالنسبة للاقتصاد لأنو الشباب هوي اساس التجارة والاقتصاد بالصين..واذا مافي شباب يعني الصين رح تنهار اقتصاديا..

على فكرة:معظم الدول الغير مسلمة..عم اتطبق تعاليم دينا الاسلامي...( الصين -اليابان-الهند....الخ)ونحنا الاسلام الحمد الله نسيانين شي اسمو تعاليم دينية وحلال وحرام...
فعلا الوضــع مؤسف ومحزن..

أخيرا وليس آخراً بحب نوّه لفكرة:انو التربية والرغبة الداخلية على المتناع عن هيك اشياء هيي الأساس...وقد ما منعو..وحظروا...اذا الانسان من قرارة نفسو مامقتنع وبدو يبقى متابع ومنحل ومنغمس بهالأشياء..مافي قوة بالعالم كلو بتقدر تمنعو...

آسفة عالاطالة..
تقبل مروري..

فلك
هلق لاجتمع الطبل والزمر بدوما لأنو كان الطبل بدوما والزمر بحرستا وأنا واقف بالنص
اسمحيلي بالبداية اني اتشكرك على هالمشاركة وهلق منرجع للنقاش

بالتأكيد الصين ما رح تكون غبية لحتى تعمل شي يكون نتيجة كسروا بكل بساطة
أنا اطلعت على الاسلوب والشغلة على ما أذكر بتعتمد على حجب الأجهزة قبل حجب المواقع كيف ما بعرف ؟؟ بس أنا متأكد أنو الشغلة مو ببساطة بتنحل ولا كأنو حصل شي
هاي أولآ أما ثانيآ فأنا بشوف حتى ولو صار هالشي فرح تقل نسبة الي بيدخلوا على هيك مواقع كتير لأنو أكيد مو كل العالم بتعرف تكسر بريكسي صح

بالفعل كلمات وتحليل يستحق التصفيق
أنا معك بأنو الأساس هو التربية والتوعية بس ضدك بفكرة أنو قد ما منعو وحظروا الشغلة ما رح تفرق لا الشغلة بتفرق وكتييير كمان .. وأقل ما يمكن أن تكون النتيجة هي الحرص على مرحلة بداية الشباب من الضياع وهي المرحلة الأكثر خطرآ
لأن الشاب الواعي يعلم السلبيات التي تأتي من وراء هكذا أمور فيبتعد عنها ان كان عاقلآ حقآ ..
مشكورة فلك على هالمشاركة الفعالة