ملخص الإيميلات في آخر 5 سنوات....!!!

Wissam · **مرسل:** الجمعة يونيو 25, 2010 12:03 pm

ملخص لكل الإيميلات التي تقرأها
و التي تدل على عصر الهبل اللي عايشينو هالأيام

أولاً: المقاطعة:

قاطع المنتجات الأمريكية لأنها تدعم اسرائيل.

قاطع المنتجات البريطانية لأنها تدعم أمريكا.

قاطع المنتجات الدينماركية بسبب الكاريكاتير.

قاطع المنتجات الهولندية بسبب الفلم.

قاطع المنتجات الألمانية لأنها جنب الدول السابق ذكرها.

و بالنهاية كل الناس بيرسلو الايميلات لبعض من لاب توب

كل البرامج الي فيه أمريكية

و هني قاعدين ب ستاربكس

بعد ما اتعشوا ب كنتاكي

ثانيا: الصحة:

لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم..

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكل خضار و لا فواكه لأنها تحتوي على هرمونات

لا تشرب ماء من الحنفية لأنه معالج بالكلور

لا تشرب ماء مفلتر لأنه يسبب نقص فيتامين 12

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل هوا؟!!! .....

لأ طبعا لأنه الهوا ملوث بعوادم السيارات و المصانع.

و اذا خالفت النواهي السابقة كلها، دخلنا على العادات:

لا تنام و لا تمشي و لا تقعد بعد الأكل.

أحسن شي .... انك تاكل و تنتحر!!!!!!

بعدا بتجيك ايميلات النصائح الطبية

لا تضع الماء في الثلاجة داخل علب بلاستيك لأنها مسرطنة

و لا تضعها في زجاج لأنه من الممكن أن ينكسر دون أن تعلم و تشربه و تموت.

و لا تضعه خارج الثلاجة لأنه من الممكن أن يتلوث.

و لا تشرب من الحنفية لأنها ليست نظيفة

و لا تشرب مياه صحة لأنها معبئة من الحنفية أو مكررة و تحوي مواد مسرطنة.

بعدا بتجيك ايميلات النصائح الطبية التقنية

لا تتكلم عالموبايل بدون سماعة بسبب موجات تقتل خلايا المخ

و لا تتكلم عن طريق السماعة بسبب الكهرباء الساكنة

و لا تتكلم عن طريق البلوتوث بسبب الموجات التي تقتل خلايا المخ أيضا.

لاتتكلم بأذنك اليمن

ولا تتكلم بأذنك اليسار

(يعني كل العالم الي عايشين هالأيام عايشين بدون مخ)

بعدين بتجيك ايميلات النصائح الطبية الميكانيكية

لا تخلي الهوا يدور بالسيارة لما تشغل التكييف لأنه يتلوث من التنفس.

و لا تخلي الهوا يجي من برا لأنه ملوث.

لا تعبي بنزين الصبح مشان الكثافة العالية

و لا تعبي في الليل مشان الكثافة الواطية

لاتشغل المكيف لأنه مضر

لاتطفي المكيف لأنه حر

بعدا منجي لايميلات النصائح الوقائية

اشرب خل مشان يحرق الدهون

و لا تشرب خل لأنو بسبب قرحة

و اطلع بالشمس مشان فيتامين " د"

و لا تطلع بالشمس مشان الأوزون.

والأحلى بتجيك ايميلات النصائح الدينية .. عاد هي لا تعد

أرسل هذا الإيميل لجميع من عندك وتكسب 258649735 حسنة ....

(لأن اللي باعت الإيميل بسم الله عليه مكشوف عنه الحجاب)

و بتلاقي موكل حالو على جنة رب العالمين وقاعد يوزع أراضي و قصور في الجنة على كيفو لاحول ولاقوة إلا بالله

و بيوصلك إيميل مكتوب بأوله أقسم بالله إنك سترسل الإيميل لكل

الأشخاص اللي بتعرفن أو في قائمة مراسلاتك و بعدين بالأخير بذكرك إنك أقسمت.

(مفكر حالو ماسك عليك ممسك)

و إيميل فيو الجملة الحلوة اللطيفة

(إذا لم تبعث الإيميل فأنت لا تستحق أجره أو ستحل بك 100 مصيبه - والعياذ بالله)

"دعاء من دعاه حققت له 100 أمنية"

يعني أحسن حل ....

إنو الواحد لا يأكل و لا يشرب و لا يتنفس

ولا يحكي على التلفون و لا يطلع من

البيت و بس يقعد يبعت إيميلات ...

فعلا حياتنا صارت بتضحك......وشر البلية ما يضحك

Safwat · **مرسل:** الجمعة يونيو 25, 2010 12:23 pm

Wissamo,
شر البلية ما يضحك
لك في عالم ما بيلبقلا تعيش بلا تخلف
لك في عالم عالة على العرب

عصام · **مرسل:** الجمعة يونيو 25, 2010 3:42 pm

Wissamo,

اقتباس:

إنو الواحد لا يأكل و لا يشرب و لا يتنفس
ولا يحكي على التلفون و لا يطلع من
البيت و بس يقعد يبعت إيميلات ...

فكرة لذيذة

ابراهيم محمد · **مرسل:** الجمعة يونيو 25, 2010 4:46 pm

لك خيو عشنا وشفنا

الله وكيلك غبت شهرين عن الايميل رجعت لقيت 650 رسالة 90% منهن على شاكلة هالرسائل فمليت وضغطت s بعدين a بعدين del لكل صفحة بالايميل مشان يحدد كل رسائل الصفحة وأحذفن فرد مرة

يلا اصبرلك شي 20 أو 30 سنة بتنقرض هالايميلات

على راسي أحلى وسام

فادي · **مرسل:** الجمعة يونيو 25, 2010 6:12 pm

نحن العرب ازا منخلص من هل العالم الي بتبعت هل الايميلات منسبق امريكا
بس اااااااااااااااااااااااااااااااااااااااااااااخ خليها بالقلب

لجين · **مرسل:** السبت يونيو 26, 2010 2:42 am

هههههههههههههههههه
فرطتني ضحك..هيك ايميلات مابفضل اني اقراها من العنوان او من اول كم سطر بالايميل بقرر ياكمل يا لأ...وهيك انواع عالكب فورا

Wissam · **مرسل:** الخميس يوليو 01, 2010 1:11 pm

Safwat,
عالم بدا تتسلى أبو آدم
عصام,
يلا نطبقا

أحلى أبو وسام
ابراهيم محمد,
الله يستر ما تزيد القصة
عراسي أحلى برهوم
Fadi art,
إي عيش لقلك عيش خيو الله كريم

لجين,
أنا ما بفتحن بالمرة عالسريع حذف
مية هلا بمراقبتنا نورتي

Mohammed · **مرسل:** الخميس يوليو 01, 2010 2:25 pm

اقتباس:

يعني أحسن حل ....

إنو الواحد لا يأكل و لا يشرب و لا يتنفس

ولا يحكي على التلفون و لا يطلع من

البيت و بس يقعد يبعت إيميلات ...

وأنا عم نفذ هالحل
مشكور يا غالي

Mnoor · **مرسل:** الخميس يوليو 01, 2010 5:36 pm

عن جد اجتني كل هالإيميلات بس أحسن شي طنش تعش تنتعش

مشكور

LATEST_POSTS

ملخص الإيميلات في آخر 5 سنوات....!!!

الموجودون الآن