زميلاتي و زملائي الأعزاء
بعد السلام والتحية
السؤال .....من هو الرقيب على عملية التصحيح؟
إن وضعنا خيارات:
1. المصحح (الدكتور )
2.الحظ
3.المزاج
4.أمور أخرى!
.............................
هناك أخطاء وتجاوزات كثيرة وليس هناك من رقيب
أرجو الاهتمام بهذا الموضوع والتعليق بشفافية و السعي الجماعي الجاد للابتعاد عن مقولة(حط راسك بين الروس وقول يا قطاع الروس)

هو لازم يكون الضمير هوي الرقيب بس للأسف
الترجمان حسن,
مشكور

شكرا سيلينا
بس بتمنى من كل شخص بيفوت يشوف الموضوع يعلق وأكبر مثال سيلينا مشان ما نكون متل الجاج بس مشان البروستد

فيني اختار الكل

اسع في خيارات كتير بس ............
شكرا سحر
بس لازم نولع هالموضوع جد جد جد

بصراحة لأ

لأنو في تفاوت بهالموضوع من دكتور لدكتور ، ومن طالب لطالب .
يعني في كتيييير دكاترة متل ما بتحسب متل ما بتصصحلك وبتحطلك علامة بتناسب جهدك ..
وفي طلاب بيخبصو تخبيص بالكتابة وبيخطؤو بالقواعد وإملاء الكلمات على الرغم من أنو جوابن صح وبيرسبو ، وبيستاهلو هالشي لأنن طلاب آدااااب .
والدكاترة اللي بتمشّي المزاج فهني ناااااااااااادرين ومعروفين كمان .
وموضوع الحظ غلط بغلط ، هاد شي كتبو رب العالمين ، ولكل نتائج في مقدمات .

لذلك برأيي لا حدا يعممّ تجربتو ويركّز فشلو ع الآخرين .

طب شو مشان الدكاترة اللي بتاخد عندن متل ما بتتوقع بأول فصل وبترسب بتاني فصل وشومشان الدكاترة اللي بقولو عن نموذج بدن يجيبو منو بالفحص وبجيبو من شي تاني بعيد تمام عن النموذج اللي قالو عنو ... هاد مو معناها المزاج هو اللي عبيتحكم فيهم... وبنفس الوقت في دكاترة كلن إخلاص هنن وإعطائن وتصحيحن

أخي الكريم بصراحه الرقيب على التصحيح هو مهاراتك وأسلوبك فأن كانت كتاباتك جيده ستنجح وأحيانا فينا نقول ( الحظ ) فأحيانا تتوقع أنك لن تنجح في ماده وتنجح وذلك خلال فكره تكون كاتا وتعتبرا عادية بس الدكتور بشوفا حلوة وتاخد عليا علامه عالية

السلام عليكم :
رح علق مشان كون متل الجاج للبروستد

اممممم , والله اليوم كنت عم قول لحالي كأن الحظ بيلعب دور

و زعلت و قلت ليه ببلادنا الحظ بيلعب دور بنجاحنا بالامتحانات

يعني بتلائي كتير منا بعد الفحص بخاف لا يعمل شي مشان ما يجيه عقاب انو يرسب

او وقت بيرسب بيقول انو شو عملت ؟؟؟

فلهيك مثلاً ( محسوبتكن) لئيت انو احسن طريقة لانجح بعد ما قدمت موادي هي المتابعة , قبل و بعد الامتحان

ودايماً حط بذهنك انك رح تنجح و ركز انك رح تنجح ....فبتنجح

اما احياناً بيشت تركيزك عن فكرة النجاح بعد ما تقدم المادة , رغم انك يمكن كاتب فيها بشكل يمكن نجحك , و بتنشغل بامور تانية

و بيدخل الشك لقلبك و بتصير بتظن ظن السوء , فللاسف بتجي النتيجة متل ظنك

فلهيك نصيحة , خليك بالجو ومع شلة الدراسة قبل تقديم المادة , و عليك بالمتابعة و التركيز و الثقة بالنجاح فيها بعدها

يعني قبل المادة قول : ناجح بإذن الله

و بعد المادة قول : ناجح بإذن الله

و الله ولي التوفيق



.............

ما حسب مزاج كل واحد