آرتين لتعليم اللغات :: اكبر الحماقات

الكاتب:

يارا العلي [ الأحد يونيو 20, 2010 4:59 am ]

عنوان المشاركة:

اكبر الحماقات

حلوة الفكرة

..أنا بحب كل شي جديد ..وشكرا لصاحب الموضوع

أنا بذكر شغلة صارت معي ومابنساها لما رحت لقدم مادة بالسنة التالتة بعد ماحملتها مرتين ع49وبعدين بالمرة التالتة ماقدمتها ورابع مرة يعني كنت بالرابعة درستها كتير كتير ورحت قدمها وبنص الامتحان لما إجا المراقب ياخد تفقد مالقا اسمي

وبعدين اكتشف إني مطالعة المادة ونجحاني فيها من قبل بدورتين

يعني بتاني مرة ورفقاتي كانوا جايبين العلامة غلط ..

بس وقتها مستحييييييييل شو فرحت لأنو كانت الأسئلة صعبة كتير وماصدقت لحتى رحت عالامتحانات وشفت علامتي بعيني

..وياخ شو حسيت حالي غبية لأني ما اتأكدت من علامتي بنفسي بس وقتها كنت واثقة من الشخص اللي جبلي النتيجة وماتوقعت إنو جايب علامة الدورة اللي قبلها

آرتين لتعليم اللغات https://forum.art-en.com/

اكبر الحماقات https://forum.art-en.com/viewtopic.php?t=21133	صفحة 1 من 1

الكاتب:	l'entrantaumure [ السبت يونيو 19, 2010 12:16 pm ]
عنوان المشاركة:	اكبر الحماقات
شباب خلينا نسترجع ايامنا اللي مرقت بالجامعة اكيد كل واحد صار معو موقف او مواقف محرجة و حس بعدها بالخجل او اتمنى تنشق الأرض و تبلعو و معلومكن بالجامعة ما في شي بيتخبى هلق بلا طول سيرة كلنا لازم نتحلى بالشجاعة اللازمة لنقول شو هيي الشغلة او الموقف اللي اعملناه و حسينا حالنا اغبياء من بعدو او اتمنينا انو ما نكون عملنا لأن حسينا حالنا صرنا مسخرة و رح ابدا بحالي

الكاتب:	الملاك [ الاثنين يونيو 21, 2010 3:23 am ]
عنوان المشاركة:	اكبر الحماقات
يالله شو هالعنوان الغريب ... والله ما توقعت تحت هيك عنوان لاقي هيك موضوع بس بما أني فتت لازم عبر عن حضوري الملائكي بس ممكن يا صاحب الموضوع لو سمحت تلفظلي اسمك الواحد بيحتاج يلفظ اسم اللي عم حكيه لأنو ... طبعاً وإذا بتقلي معناه بكون يسلمو عفكرة هالموقف اللي صار معك مانو تخجيلة.... يعني ما أنك انحطيت بموقف تتمنى لو أنو ما صار............ كمان حلوة الأنجلة بين الرفقة يارا العلي, ما كون محلك بنجلط بدال ما أفرح لكن مطالعة المادة وادرسا وقدما مرة تانية... يعني فرقت لو مكملة هالساعة زمان بقلب القاعة ما هيك هيك درستيا وانكرفتي عالجامعة لتقدميا ولييييييييييي على هالموقف مأغلظو لا بقا تعيديه "مشاني ها ما مشانك " ممممممممم أنا والله تذكرت موقف كمان إلو علاقة بالإمتحانات... بس مع أنو رفيقتي وصتني كتير ما احكيه.... بس من يومتا لهلأ ما سمعت كلاما كان وقتا أول امتحان بقدمو بتاريخ وجودي بهالبلد العظيم ... أول مادة بأول فصل من السنة الأولى كان إلي شي 3 شهور بس مستقرة بسوريا ولسا ما طالعة من جو الصدمة كيف أنو كلشي مانو منظم وكيف بينزل جدول الدوام وحتى جدول الإمتحانات بطريقة همجية المهم ولأني كنت حاطة ببالي أنو هدول "السوريين" ما بينضمنو ومادتي عال11 قررت روح من السبعة وقعدت أقرا شوي لبين ما تصير 11 "وكان آخر شي ممكن اتخيلو أنو بنفس اليوم في كذا مادة لكذا فرع وناس بتطلع من الإمتحان و ناس بتفوت ومن هالحكي" فجأة شفت البواب انفتحت والناس صارت تفوت قلت منيح بدرس جوا أدفى فتت لقيتن راحو عالقاعات قلت أحليين ... أدفى وأدفى... والساعة رح تصر تمانة والدنيا برد وإذا بلشو يقولولنا شيلو الورق من ايديكن والجزادين عالمنصة وبلا حكي لعفى رح يوقف قلبي قمة عدم التنظيم بكلشي بيتأخرو... وهلأ بالإمتحان بدن يقدمو الوقت .. لأ وبنفسية لك وأكتر شي كان رح يجنني "أنو لولا لطف الله وأني اجيت عوقت ما كان راح عليي الإمتحان؟؟" الحمد لله ياربي أي والمهم بلشو يوزعو الورق وأنا حانقة وحاقدة وملتئمة وأفكار تاخدني وأفكار تجيبني وبنفس الوقت أدركت مدى اتساع الجامعة أنو لدرجة بقاعتي ما في أي وجه بعرفو أو من دفعتي والله طالت السيرة معي.... المهم بعدا وزعوا الورق وما رضيت آخد عربي على اعتبار أنو أنا انجليزي وهون بقا ما بدي فصللكن كيف بلشوا يسألوا وين في ورق انجليزي واحتارووا فيي وأنا زاد حنقي أنو لهووووووووووووون وصلت معن لك وراح ربع ساعة من الوقت بالأخير فات واحد سألني عن اسمي وفتش بورقة معو وقلي تعي معي أخدني علوحة إعلانات كبيرة وقلي أنتي شو؟ وأشرلي عالمواد قلتلو انجليزي تابع بأصبعتو بقسم الإنجليزي السنة الأولى المادة الأولى لعند اسمي وقلي موعدك 11.... شو جاي تعملي من هلأ وقت طلعت أجر أذيال الخيبة والتفشيلة والتخجيلة قعدت شوي وبلشو يجو رفقاتي حكيت لأول وحدة فين وكانت أكبر مني بأربع سنين وبتنظرلي عأني مثال البراءة عالأرض قالتلي إياكي تحكي لحدا بفكروكي خوتة واشتهيت لهلأ لو ضل حدا ما حكيتلو

الكاتب:	l'entrantaumure [ الاثنين يونيو 21, 2010 4:02 pm ]
عنوان المشاركة:	اكبر الحماقات
صاحب الموضوع اسف انو اسمي غريب بس هو بيعبر عن حالتي باللغة اللي درستها بالجامعة ل انتران او مير يعني الفايت بالحيط بس للأسف اضطريت اني ازيد (e) بالآخر ليقبل الموقع اسم المستخدم لأن ما مشي الحال بدونها انا اسمي عمار من مؤسسين قسم اللغة الفرنسية بجامعة البعث(من اول دفعة) و من عشر سنوات لهلق مواظب على الامتحانات و باقيلي مادة (تخيلوا) هيي النقد الأدبي و من سوء الحظ اني ما قدرت اجي قدمها بهالفصل بسبب الروتين انا حاليا مقيم بالسعودية و اعمل في مجال المقاولات ويمكن بتعرفو انو الواحد لما بدو يغادر بلد الاقامة لازم يطالعلو كفيلو ورقة بانو بيسمح بخروجو براة البلد (بيتكرم و بيتعطف عليه) بس للأسف ورقة الخروج و عودة لسة لهلق ماوصلتني و بتعرفو الفحص كان اليوم و ما قدرت اجي لقدموا و كتير حاسس بقهر بس يا ريت تخبروني عن فحص النقد شو اخباروا و أصدقائي المستنفذين او متل ما منسمي حالنا(المحاربين القدماء) و دائما منعبي قاعة المطالعة كيف عملوا بالفحص؟ و مشكورين عالمساعدة الدائمة و عالمشاركات الحلوة

الكاتب:	aabed [ الاثنين يونيو 28, 2010 2:07 pm ]
عنوان المشاركة:	اكبر الحماقات

الكاتب:	aabed [ الاثنين يونيو 28, 2010 2:10 pm ]
عنوان المشاركة:	اكبر الحماقات
فكرة كتيييييييييييييييييييييييييييييييييييييييييير حلوة بالنسبة للمواقف المحرجة كتير صارت معي بالجامعة مع انو لسة باعتبر اني جديد بس اكتر مرة حسيت بالخجل لما كنت مضروب عقلبي و جاي سجل بهالجامعة العتيدة في حدا كان يعطينا حوالي 70000000ورقة منشان نعبيهم و انا نا طر عأساس بالدور كلما قربت وصل بتجي و حدة بكل برودة بتوقف قدامي و الموظفة بتاخد وراقها اول وحدة و تاني وحدة و تالت وحدة هون محسوبكن عصب و صار يغلي واذ بتجي وحدة من بعيد : عمتقول (شوي اذا بتريدوا مرقوني) و اجت وقفت قدامي قمت قلتلها يعني و الله في شي اسمو ذوق يعني جاي من الأخير و نحنا النا ساعة واقفين و الله عيب اتطلعت بالموظفة و صاروا يضحكوا و انا انقهرت و قلت للموظفة فعلا شي بيضحك انو يكون في موظفة متلك عم تتحكم بالناس و درت ضهري و مشيت وبعد حوالي الاسبوع بكون نازل عالسوق انا و اختي الكبيرة و بتوقف اللي اجت طاحشت و بتسلم علينا و سلمت عليي و عاختي بحرارة و انا طبعا تناشفت و قلبت خلقتي و اختي كتير استغربت عاد لما مشينا سألتني ليش هيك ؟ قلتلها عاللي صار قالتلي بس هاي مانا طالبة هي بنت سلفها لخالتي و هيي موظفة بالجامعة فاكتشفت انو هيي ما كانت جاي تسجل كانت جاي ع مكتبها و لهلق بحس اني مخجول كتير كلما بشوفها لهالمخلوقة

الكاتب:	l'entrantaumure [ الاثنين يونيو 28, 2010 2:56 pm ]
عنوان المشاركة:	اكبر الحماقات
مابدها كلهالخجل القصة عادية بس عنجد ليش ما عندنا حدا بيلتزم بالدور والله شي بيحير يعني اذا نحنا طلاب الجامعة ما التزمنا معناها ما الحق ع باقي الناس

الكاتب:	l'entrantaumure [ الأحد أكتوبر 03, 2010 2:08 pm ]
عنوان المشاركة:	اكبر الحماقات
وين العالم ووين العلامات شو ما نزلت علامات الاستثنائية؟

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/

الكاتب:	l'entrantaumure [ السبت يونيو 19, 2010 12:26 pm ]
عنوان المشاركة:	اكبر الحماقات
بأيام الامتحانات كنت حامل مقرر مدخل الى اللسانيات بالسنة التانية و درستو و بصراح لأني ماكنت عم داوم (كنت مضطر أشتغل) ما قدرت افهم المقرر مزبوط و رفقاتي ما قدرو يساعدوني بهالقصة فانا من ديقة اخلاقي فقت الصبح حلقت دقني و عملت شعري بالجل و ضلليت ساعة نقي تيابي لأن حاسس روحتي عالفحص متل قلتها فبشكل طبيعي اتأخرت عالامتحان 10 دقايق و okيعني ما كنت كتير زعلان بس ما بحب انو يكون عندي فحص و ماقدمو وصلت عالقاعة بعد 10 دقايق و قلتلها للمراقبة انو اسف اتاخرت بقدر فوت عالامتحان قالتلي اسفة (كانت لطيفة) و الله مابقدر ليش متأخر لهلق؟؟ فقمت انا شو بدي قلها قلتلها زحمة و ما صرلي مواصلات بسرعة و مع هالكلمة كلشي كان بالقاعة من رفقاتي فرطو ضحك لأنن كلياتن بيعرفو انو انا بيتي قريب كتييييييييييير عالجامعة و مابتلزمني مواصلات وقتها اتطلعت فيي المراقبة نظرة استغراب و قالتلي مابقدر دخلك شوف العميد ودارتلي ضهرا و قالت (كل مين بورقتو عندكم امتحان و بلا ضحك و حكي) و انتظرت رفقاتي لطلعوا من الامتحان و صرنا نضحك عالقصة اللي صارت مع اني كتير انزعجت اني ما قدمت المادة و من يومها كل ما اتأخرت ع رفقاتي بيقلولي (شو اكيد ازمة مواصلات)