آرتين لتعليم اللغات
https://forum.art-en.com/

سؤال بخصوص النقل؟
https://forum.art-en.com/viewtopic.php?t=20693		 صفحة 1 من 2
الكاتب:  بروين [ الجمعة مايو 14, 2010 1:36 am ]
عنوان المشاركة:  سؤال بخصوص النقل؟
السلام عليكم ورحمة الله تعالى وبركاته
سؤالي هو انو انا سنة اولى وبدي انقل ع الشام فبدي اعرف شو قانون النقل بالجامعة اذا بدي انقل السنة الجاية مع العلم اني انا لازم كون سنة تانية لاني رسبت هديك السنة فاشو القانون يلي بيمشي بحقي وكيف بدي انقل وشو الشروط
مشكور كتير وبتمنى التوفيق للكل
الكاتب:  Portia [ الجمعة مايو 14, 2010 9:25 am ]
عنوان المشاركة:  سؤال بخصوص النقل؟
السلام عليكم :

بروين :

مابعرف اذا انت بحمص او بالشام

بس حتى تنتقلي لازم تكوني ناجحة بموادك كلها ( ناجحة نجاح بسنتك مو ترفع )

و الشي التاني لازم تنتقلي قبل بداية الدوام للعام القادم

بس اذا كنت بحمص ليه لتنتقلي ؟

بداية السنة الماضية , والله عزمنا عالامر , حتى اننا قابلنا عميد كلية الآداب بالشام , بس رفض نقلي

لأني كنت حاملة مادة , وماعم تطلع معي و سببي نقلتي كانت هية

بس عندي أقرباءي بالشام ,

فانت شو السبب ؟؟

.............
الكاتب:  بروين [ الجمعة مايو 14, 2010 10:35 pm ]
عنوان المشاركة:  سؤال بخصوص النقل؟
انابدي انتقل لاني مقيمة بالشام واهلي كلن بشام يعني انا بنت دمشقية :D وصعب علي الطلعة ع حمص هذا السبب يعني صعب علي اني اقعد بالمدينة الجامعية فانا بس بطلع ع حمص وقت الامتحان وماعجبتني الشغلة لاني كتير بتعب وقت الامتحان خاصة وقت يحكم انو عنديمادتين ورا بعض بعدين انا رفقاتي كلن بشام وما بعرف حدا بحمص
بس تفصيل اكتر شو بتقصدي اني لازم كون ناجحة نجاح بسنتي مو ترفع
انا ناجحة ب8 مواد وباقي 6 مواد لاترفع اذا نجحت فيهن وما حملت ولا مادةبصير فيني انتقل هيك بتقصدي
انا بتشكرك كتير ع ردك السريع وع المعلومات المفيدة :mrgreen: *good *good *good *good *ورود *ورود *ورود
الكاتب:  moayed [ السبت مايو 15, 2010 3:21 am ]
عنوان المشاركة:  سؤال بخصوص النقل؟
مرحبا
الجواب متل ما قالت الأخت Portia
يعني لحتى تنتقلي عالشام لازم تكوني ناجحة بكل مواد السنة الأولى
أو السنة يلي أنت فيها
بما انك سنة اولى لازم تكوني ناجحة بكل المواد بدون استثناء .
و النقل بيبدأ بمنتصف الشهر الثامن...
تاني شي جامعة دمشق كلية الأداب خصوصا السنة الماضية كان في شرط أنو الطلاب يلي بدهم ينقلو عالشام بتقدموا لمفاضلة قبول بالجامعة ( حسب المعدل) يعني بيطلبوا مثلا 100 طالب و بيتقدم 300 مثلا و بيفاضلو كلهن عالمعدل و أعلى 100 معدل هن يلي بينقبلو للنقل ( طبعا المتقدمين للمفاضلة شرط يكونو ناجحين بكل المواد ).
و طبعا الشباب لازم يكونو عاملين معسكر لأنو يعتبر مادة :wink:
و هاي معاناتي كلها....
بتمنالك التوفيق.
الكاتب:  Abo Elnour [ السبت مايو 15, 2010 4:26 am ]
عنوان المشاركة:  سؤال بخصوص النقل؟
السلام عليكم
والله مبين مصعبينا هالايام...............
من زمان كان مافي أسهل منا اللي حامل مادتين وأقل كان بحقلوا ينقل عالشام
الزمن عميتغير والقوانين كمان
مافي شي بيضل عحالوا
انشاء الله بتقدري تنقلي وتحققي اللي ببالك
وسلامتكم
الكاتب:  Portia [ السبت مايو 15, 2010 8:12 am ]
عنوان المشاركة:  سؤال بخصوص النقل؟
السلام عليكم :
اقتباس:
اذا نجحت فيهن وما حملت ولا مادةبصير فيني انتقل هيك بتقصدي
اي بروين , يالله شدي الهمة و طلعي الست مواد و نجحي فيهن كلن

لتقدري تنتقلي بإذن الله

لأن اذا عرفوا ظروفك بينقلوكي فوراً بإذن الله , خاصة انك مقيمة بالشام

و شو بدك مساعدة نحنا حاضرين

و منيح سألتي هلأ , مشان تشدي عحالك

موفقة يا رب *1

و بكل الأحوال ما بعرف اذا في استثناءات

يعني اذا رحتي , بس مو هلأ , و شوما كان وضعك لتنتقلي , بيكفي تقولي انك مقيمة بالشام

ما بتعرفي يمكن يمشي الحال

بس هلأ ادرسي و حاولي تنجحي بكل موادك , مشان عالأكيد

.................................
الكاتب:  بروين [ الأحد مايو 16, 2010 12:03 am ]
عنوان المشاركة:  سؤال بخصوص النقل؟
انا بتشكر كل شخص رد ع الموضوع وخاصة portia لانو عنجد معلوماتك كتير نفعتني و فألتني وانشاالله انا لح اشتغل ع حالي وانجح وانتقل وضل عضو باحلى منتدى ارتين
شكرا مرة تانية ع كلشي
الكاتب:  بروين [ الاثنين أغسطس 02, 2010 6:52 pm ]
عنوان المشاركة:  سؤال بخصوص النقل؟
سؤال مرة تانية بخصوص النقل اني اذا رفعت كل المواد وحملت وحدة ع 47 بحقلي اني انقل يعني بينقلوني *خوف
وسؤال تاني شو الوراق المطلوبة للنقل ع الشام *sla
الكاتب:  Portia [ الاثنين أغسطس 02, 2010 8:54 pm ]
عنوان المشاركة:  سؤال بخصوص النقل؟
السلام عليكم :

بروين :

اول شي بدي زئفلك *good

لأن برافو عليكي طلعت موادك , بس وحدة مو مشكلة

بس مشان النقلة على حمل مادة يا ريت تسألي , و يا ريت يمشي الحال

بس معي بزماناتي ما مشيت

بلكي انت بتزبط و يا رب تزبط

و تبقي بالشام

وهي مني الك *1 *1 *1 *1 *1 *1 *1 *1 *1

وفقك الله و ربي يخترلك الخير

:)
..............................................
الكاتب:  waleed algapry [ الأربعاء أغسطس 11, 2010 2:13 pm ]
عنوان المشاركة:  سؤال بخصوص النقل؟
النفل بهالايام صعب لازم ما تحملي ولا مادة بس المشكلة تمشاية الاولراق :mrgreen: :mrgreen:
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/