بسم الله الرحمن الرحيم
سؤال دائما بيخطر على بالي وعنجد هو كتير مهم بدي اسألو لكل الشباب
ليش الشب بيلطش البنت وبحط حالو احيانا بمواقف باااااااااااااااايخة؟
بتمنى يتجاوب عن السؤال بكل صراحة يعني نفسي اعرف شو بتستفيدو من هاد الشي

لنفس الاسباب يلي ذكرتها بس هون لانو البنت بتكون هيك مع احترامي للجميع

بروين,
هاد انا بقول عنو مراهق , مسكين , غبي

و بالانجليزي بقول Immature

و جدير بالذكر انو بهالمرحلة من العمر حتى لو طالت لفوق سن ال30 ... بيترافق معها طرش بالأذنين عند سماع النصائح أو النقد عن هي التصرفات و كأنو كلامي هلأ غلط مثلا


شكرا ع الموضوع .

انا معك تماما بهي الفكرة يا الهي شو بدايق وقت بشوف هيك شوفة لانو هيك بنت عم تسيء لصورة الاسلام مو بس عم تسيء لحالها لانو وقت حدا اجنبي بشوف هيك منظر بقول هدا هو الدين يلو عم يحكو عنو ويا إلهي شو بدايق من هذا الشي لانو وقت انا عم بلبس هيك لبس وبقول للعالم انا بخاف الله فهذا كذب لاني اذا كنت بحب الله ما بعمل شي يسيء لشي الله قدسوا وامرنا باتباعوا بالشكل الصح انا بحيك على افكارك وبتمنى انها تنتشر بين كل الشباب

صح صفوة كل الكلام الي ذكرتو وبالفعل انت قلت شغله انو في بنات بلطشو وهيدا صار معي
وبالفعل الحجاب صاير موضة يعني الله وكيلك بتشوف لابسه حجاب و بنطلون ضط ومكياج
وبالفعل ليه البنت لما بلطشا شخص بتقول شو قال ? هي بكون عندا عقده نقص
والشب الي بلطش بكون عندو انفصام بشخصيتو وبكون ولد
لا والمصيبه البنات بينبسطو بتشوف كل بنت تفتخر شو لطشا الشب

عنجد مصيبه

أنا مرة وحدة بس بحياتي فرحت إني إتلطشت والسبب بعود للشب اللي لطشني والكلام اللي قالو ....

عمرو بين 3 و 4 سنين بفرتك القلب
أبيض وعيونو سود وشعراتو سود سبلين ووجهو مدور وكربوج ...
قلي دخيل ستك ما أحلاها ..... أنا فقعت الضحك .... أسلوب جديد وفريد من نوعه بالتلطيش


أما بالنسبة للشباب الـ............................ اللي بيلطشوا البنات فالأخ صفوة كفى و وفى بعرض صفات والأسباب اللي بتخلي الشب من هدول يلطش البنت ...