السلام عليكم :

أكيد كتير منا بيقرأ و بيستطلع جريدة الوسيلة الاعلانية اللي بتتوزع كل اسبوع , كل يوم سبت

و في اعلانات بتجذبوا و في اعلانات بيتمنى يستفسر عنا

هاد الموضوع , ومن بعد موافقة الادارة , اذا ما بتلائي فيه اية حرج من مناقشة الاعلانات هون , لأن الهدف أكيد مو دعائي , بس اذا ما بيناسب , بنلغيه

هوي لتحكي شو اللي عجبك او لفت نظرك من اعلانات هل أسبوع , و كل أسبوع

فلح ابدأ من عندي :

..................................

السلام عليكم :

إعلان ص 2

جمعية الأصالة / الدورة التربوية / الشباب و المستقبل /

للمحاضرين : د. راتب نابلسي / د. لينة الحمصي / د. سهيل الدروبي / أ. حسن أحمد

من 6/3 / 2010 الى 16 / 3 / 2010 قاعة ريجنسي - الساعة 7:30 م

التعليق :

هلأ يمكن سمعانين بهالجمعية من حوالي سنتين , و عم تعمل حركة و بذكر مرة انها كانت عاملة حملة مشان التشجيع على القراءة

للصراحة يمكن بتمنى احضر محاضرة د. نابلسي لأن بحترمو وبقدرو و بحب اسمعو

______________--

شي سبقونا فيه اهل حماة , و من فترة هالاعلان عم ينزل و كل ما ابحث 031 ما بلائي غير 033

المجموعة العربية الاماراتية AEG بالتعاون مع لجامعة الأمريكية IUA ( تقيم دورات )

برنامج حقيبة مشروع :BA / MM / HR / RM / PM ( ضع اسم كل من رموز التالية ؟ )

برنامج الجدوى الاقتصادية .....الخ

التعليق :
انو عنجد شغلة جديدة و دورات جديدة , و الواحد بيتشجع

__________

قلكن شغلة بكفي بعدين شفت صديقة عالماسنجر و التهيت

Portia,
هي احلى شي
اوقات بيلتقى شغلات لقظة بهالجريدة ومن فترة نزل دعاية للمركز اللي كنتي بدك تسوي فيه الدورة اتذكرتك دغري بقا شو صار معك سجلتي فيها وامورك ماشية

Portia,
و الله بصراحة حبيت شاركك بهالموضوع لان فكرتو حلوة
بس للاسف الوسيلة عمرها ما وصلت لعنا على البيت .. و يمكن ما بلوم الشركة قال لانوا حارتنا معظمها سكني و ما بيوزعوا للسكني فيها بس للمحلات اوكي ما في مشكلة
بس حتى بالحارة التجارية اللي فيها محلنا ما عادت تتوزع .. ولا حتى بالحاضر عنا
( بحسب ما روى لي عمي )

ما بعرف شو قول بس رح قول عساها لخير انقطاع هالجريدة

أنا كمان عجبني ولفت انتباهي هادا الإعلاان بالذات وخصوصي حضور شخصية رائعة وراقية ومتواضعة وووووووووووووو مابعرف شوبدي إحكي كمان أد ماحكيت عن هالإنسان يلي هو الدكتور محمد راتب النابلسي مابعطيه جزء صغير من قيمته الكبيرة بئا بصراحة يلي لفت نظري مو الإعلان بالذات وإنما الشخصية يلي راح تشارك
أما بشكل عام الوسيلة عندك هلئ كل اذار إعلانات مشان عيد الأم وحفلات عيد الأم ودورات اللغة والكومبيوتر
Portia,
شكرااااا كتير فكرة حلوة بس انشالله كل اسبوع يمر معنا إعلان مميز متل يلي ذكرته

السلام عليكم :

عصام :


شكراً لمرورك , و ما سجلت فيه , و قررت ما اعمل دورة و قدم الامتحانات وحدي , بس بدي شوية دعم , بندبرا ان شاء الله

Obada Arwany :

عساها خير , لأن ببعض الأحيان بتتأمل فيها بشي بس ما بيزبط , وكتير اوقات بقول ما حاتصفحها , مشان ما اشغل تفكيري بشي ممكن ما يطلع عن انو مجرد اعلان

Widad :

شكراً لمرورك , و فاجأني متلك حضور الدكتور نابلسي مع انو هي مو اول مرة بيجي , قبل بمرة كمان ذات الجمعية دعته للمشاركة و كان بصالة زنوبيا

.............

ما بعرف اذا حكفي هالموضوع , لأن شوي بياخد وقت و بهالوقت بتمنى استغلو بشي مفيد اكتر .

شكراً لمروركم و لتعقيباتكم
...................

Portia,
من ناحية الدعم فروحي والقلب داعيلك
وفي حال كملتي الموضوع او لا فيعطيكي عافية يارب

السلام عليكم :

عصام
فلك

شكراً لمروركما


...............

السلام عليكم :

يقيم المكتب الإداري للاتحاد العام النسائي - مكتب الأنشطة و الملتقيات
الساعة الرابعة النصف مساء

9- 10 - 11 / 3 / 2010 في الصالة الملكية في الانشاءات

الدعوة عامة

التعليق :

_____________________-

سيرياتل و ال جي اجتمعوا على شي :

عروض على ثلاثة لابتوب ( 25 , 34 , 37 الف ل. س ) ال جي

و الهدايا : شنتة اوريجنال و ماوس و بفلتين زغار و خط 3G من سيرياتل حسم 50% لمدة 3 اشهر

التعليق :

عجبني ابو 25 اكيد لأنو ارخص شي , و الشي اللي شدني انو ال جي , بصراحة هي الماركة بحبا .

.............