| آرتين لتعليم اللغات https://forum.art-en.com/ |
|
| ابتسم هناااا.... https://forum.art-en.com/viewtopic.php?t=20121 |
صفحة 1 من 1 |
| الكاتب: | RUA [ الثلاثاء مارس 09, 2010 10:02 am ] |
| عنوان المشاركة: | ابتسم هناااا.... |
الفرق بين البنت والشب بالسرفيس المواقف اللي ممكن تتعرض إلها وانت بداخل السيرفيس وانت طالع ممكن يخبط راسك بالباب لأنو .. ارتفاعو غلط فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات واذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر اذا كنت بنت … دخيل الله شو هالأنوثة ليك وحتى عالباب مالها نفس تخبطو اذا شب …. ليك التشتوش ليك مالو حيل يسكر الباب تفه عهالجيل وقت بتسكرو بقوة اذا كنت بنت … يا حرام اكيد معصبة من شي شغلة الله يعينها اذا شب …. هشششش فهمنا انك قبضاي خلعت الباب وانت قاعد ممكن يجيك اتصال اذا كنت بنت ….. ياخ مأحلا صوتها نيالو المحظوظ .. ومعها اريكسون يا اخي مزوقة اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل وقت بيوقفلك الشوفير وما بيكون في معو محلات أصلاً اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير اذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي وقت بيكون معك اغراض اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض واذا كنت انت اخوها وجبنت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل وقت بتطلع غنية بشعة والصوت قوي اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها) اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!! وقت بدك تعطي الاجار ما بتفرق بدك تحط ال 7 ازا بتكون جاي من جزر القمر وهاي الشغلة الوحيدة اللي ما فيها تفرقة عنصرية وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي اذا كنت شب بيتطلع فيك اللي حدك وبيقلك بنظرة فوقية : ما سمع صوتك وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟ واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟ …. عاليمين … نزلاااااااااااااااااااااا |
|
| الكاتب: | ابراهيم محمد [ الثلاثاء مارس 09, 2010 10:21 am ] |
| عنوان المشاركة: | ابتسم هناااا.... |
ولا تزال التفرقة العنصرية
ال وشو بيطالبو بالمساواة اي يبلاهن بأتلون الهي كل هاد وبدن مساواة  يسلمو ع الموضوع الحلو مع انو مكرر بس ظريف كتير |
|
| الكاتب: | يارا العلي [ الثلاثاء مارس 09, 2010 12:12 pm ] |
| عنوان المشاركة: | ابتسم هناااا.... |
RUA, هههههههههههههههههههههههههههههههه كتيييييييييييييير حلوووووووووووو..عن جد ذكرتيني بهديك الأيام ياالله شو حلوة طلعة السرافيس عن جد ممتعة..شكرا عالموضوع الممتع حبيبتي 
|
|
| الكاتب: | Mohammed [ الثلاثاء مارس 09, 2010 2:38 pm ] |
| عنوان المشاركة: | ابتسم هناااا.... |
 يا جماعة والله هاد أنا لي كاتبو بالحرف وبالكلمة  شو مشان حقوق النشر  viewtopic.php?f=12&t=19046
|
|
| الكاتب: | يارا العلي [ الثلاثاء مارس 09, 2010 5:55 pm ] |
| عنوان المشاركة: | ابتسم هناااا.... |
Mohammed, اي مزبوط لازم تاخد حقك فعلا موضوع يمثل الواقع بحذافيره وأنا كل المواقف صارت معي بس هالنقل من حسن حظنا نحن الآرتينيين الجدد رجعت لموضوعك الأساسي أخي محمد وفعلا معك حق تطالب بحقوق النشر شكرا إلك
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|