| آرتين لتعليم اللغات https://forum.art-en.com/ |
|
| في اول يوم دوام https://forum.art-en.com/viewtopic.php?t=20095 |
صفحة 1 من 2 |
| الكاتب: | Portia [ الأحد مارس 07, 2010 10:30 am ] |
| عنوان المشاركة: | في اول يوم دوام |
بسم الله الرحمن الرحيم
السلام عليكم : يمكن اليوم , اول يوم دوام رسمي لطلاب الأدب الانكليزي فكيف كان  بتمنى تقضوا ايام حلوة , الفصل التاني بلائيه احلى lن الفصل الاول يمكن لأن الدنيا بتكون ربيع و الجو حلو و كأن بندرس فيه أكتر , و بالرغم انو اقصر من الفصل الاول الا انكم حتلائو اطول , يمكن لأن فيه اكشن و حركة أكثر So, enjoy every second, enjoy your time .................. |
|
| الكاتب: | عصام [ الأحد مارس 07, 2010 8:25 pm ] |
| عنوان المشاركة: | في اول يوم دوام |
ايـــــــــــــــــــــــــــــــــــــه عالاكشن
 لسا مابلشنا دوام وكفتو هالعطل  بكرا عطلة والخميس عطلة عيد المعلم ولسا الحبل عالجرار  |
|
| الكاتب: | the sweet [ الأحد مارس 07, 2010 9:01 pm ] |
| عنوان المشاركة: | في اول يوم دوام |
يااااااااااااااا ريتني أدوام معكن كل يوم  يلا انتوا بتداومو عني وبتخبروني شو عم بصير  بس لا تنسوا ها بدي الأخبار أول بأول
|
|
| الكاتب: | أندلسية [ الأحد مارس 07, 2010 9:26 pm ] |
| عنوان المشاركة: | في اول يوم دوام |
اقتباس:
يمكن اليوم , اول يوم دوام رسمي لطلاب الأدب الانكليزي
فكيف كان بتمنى تقضوا ايام حلوة , الفصل التاني بلائيه احلى lن الفصل الاول يمكن لأن الدنيا بتكون ربيع و الجو حلو و كأن بندرس فيه أكتر , و بالرغم انو اقصر من الفصل الاول الا انكم حتلائو اطول , يمكن لأن فيه اكشن و حركة أكثر فعلاً الاكشن بجامعتنا غيــــــــر شكل ..أحيانا بنسى حالي و بصدق إني بجامعة و دراسة و دوام ...قال متل ما بطالعو بالتلفزيون المهم خليني اسردلك وقائع هاليوم التاريخي... أما شو يوم بجنن!!! لأول مرة بحياتي الجامعية بحضر 3 محاضرات ورا بعضن بدون و لا بريك ، ما عدا ربع ساعة بعد محاضرة ال8 ... احضرنا ع الريق محاضرة ترجمة كتيــــــــــــــتر جديدة ,يعني الدكتور و الأسلوب جدد رغم أنه المحتوى مارق معنا قبل مدري بأنو مادة خصوصي علم اللغة ...شفتي ...دخلو الاثنتين ببعضهم الترجمة و علم اللغة ع الريق ...بس الصراحة أبشع شي بالمحاضرة كانت بعض المشاركات يلي نعستني و وجّعتلي راسي ...ما بعرف شو عملت كمان بالدكتور !!! المهم شعرت بالنهاية أنه مافي شي مختلف بالنسبة للترجمة هي السنة... و نفس الشي حصل بعدين بالأمريكي ...من أول محاضرة راح مكتبنا ساعتين بعد أول نصف ساعة تعليق ع فشلنا الذريع بالقواعد الانكليزية بالفحص !!و لاحظو نفس البداية التاريخية من أربع سنين... بالأخير طلعنا مباشرة مندون ما حتى ناخد نفس ع طرائق التدريس و لنقعد 3 ساعات..و هي بدي افردلا رد لحالو ...
|
|
| الكاتب: | عبد السلام الجاسم [ الأحد مارس 07, 2010 9:37 pm ] |
| عنوان المشاركة: | في اول يوم دوام |
أكيد لأنو فصل الربيع فصل العطاء فلازم ننجح كل المواد اذا صارو الدكاترة معطائين متل فصل العطاء |
|
| الكاتب: | starmoonsky [ الاثنين مارس 08, 2010 2:09 am ] |
| عنوان المشاركة: | في اول يوم دوام |
كتير مليح انو مبين في حماس من اولها  ممكن الي حضروا اليوم اذا بعرفوا شي جدول يوم الثلاثاء شكرااا |
|
| الكاتب: | يارا العلي [ الاثنين مارس 08, 2010 3:08 am ] |
| عنوان المشاركة: | في اول يوم دوام |
آآآآآآآآآآآآآآآآآآآآآآآآآآآآآآه نيالكن..ياريت بقدر ارجع سنة اولى بس منشان داوم كل يوم..عن جد كانت احلى أيام حياتي..وبتمنى التوفيق للجميع بهالفصل الجديد
|
|
| الكاتب: | أندلسية [ الاثنين مارس 08, 2010 12:07 pm ] |
| عنوان المشاركة: | في اول يوم دوام |
لإرجع كفيلك ع طرائق التدريس .... و بطرائق التدريس كانت المحاضرة حلوة بس انا كنت كتير هلكانة طالعة مباشرة من الاميركي ...بقا دفشنا حالنا دفش..المهم أن الدكتور كان كتير عم يحاول يفهمنا و حسيتو كتير محترم بطريقة تعاملو معنا ...يعني بتعرفوا ...فرق كتيير عن غيرو... المهم بلأخير طلب من 3 طلاب يحضرو للأسبوع القادم ليقومو يعطو الدرس بربع ساعة ..فأنا فعلا عجبتني هي الشغلة بس المشكلة انو بكرة بعد اسبوعين بيبدا ضغط المواد و ما بيبقا عنا روح لا نشارك و لا نسمع مشاركات ...يعني بعتقد رح نضيع كتير وقت بهالأسلوب مع مرور الوقت. شكراً ع اهتمامك Portia, بس نسيت قولك شغلة:فقدنالك بالجامعة .  starmoonsky, جدول الثلاتا عالمي من 8-12و من 2-4 ...فقط ماعندنا غيرو بهاليوم لأنن العباقرة يلي حاطين الجدول حاطين مادة مادة كل يوم تقريبا ..لأنو احنا مدرسة 
|
|
| الكاتب: | starmoonsky [ الاثنين مارس 08, 2010 12:45 pm ] |
| عنوان المشاركة: | في اول يوم دوام |
شكرا أندلسية
|
|
| الكاتب: | العز بالإسلام [ الاثنين مارس 08, 2010 2:19 pm ] |
| عنوان المشاركة: | في اول يوم دوام |
السلام عليكم ايييييييه رجعتوني لايام الصبا اي نعم بعد في مشوار للتخرج ن لكن هي اول سنة ما بداوم بسبب السفر يبدو يا portia وضعك متلي تمام تعي نعمل مجموعة المغتربين عن الجامعة اتوقع نلاقي كتار متلنا  لكني اشتقت للجامعة و ليومياتها ويوميات السكن بحمص و الفصول و المقالب الي كنا ناكلها كل يوم !!!! والدوام و الشوب و الدكاترة و حلقات البحث و احلا احلا شي الرفقااااااااااااات و القعدة بالحديقة غير قاعة التعليم الذاتي الي كنت اعمل عليها طله كل فترة والاقيها خاوية عم تصفر و الوقفة عند كوة التصوير لحالها ذكرى مميزة عند كل طالب آداب  صدقوني هي ايام من احلا ايام العمر ولو ان الواحد بكون شايل هم الدراسة لكن دائما الانسان عندو هم بكل مرحلة فمنشان هيك لازم نعيش حلاوة اللحظة باي وضع نحن فيه و نعمل الي علينا و ندرس لما يكون الهم كبير ......... عن جد يا رب تتوفقوا كلكن و تنبسطو بايام الجامعة و تكونوا من الناجحين دائما شكرا لصاحبة الموضوع للموضوع الجميل لكن اظن ان محله مش شؤون الطلاب ( شغل مشرفين انا ما دخلني ) هههههه
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|