مدين,
تقريباً في جملتين عرفتن أو كانو بديهيات ، الباقي أخدولي عقلي وصرت فكر جد
يسلمو
| آرتين لتعليم اللغات https://forum.art-en.com/ |
|
| أجب إن استطعت ؟؟؟؟؟ https://forum.art-en.com/viewtopic.php?t=20060 |
صفحة 1 من 2 |
| الكاتب: | مدين [ الجمعة مارس 05, 2010 1:08 am ] |
| عنوان المشاركة: | أجب إن استطعت ؟؟؟؟؟ |
· هل الطيارة فيها زمور؟ · لماذا المرأة تفتح فمها وهي تتكحل ؟ · لو كان هناك طيور يطيرون داخل طائرة فه ل لهم وزن يؤثر على الطائرة ؟ < · هل الأصلع يغسل رأسه بشامبو ولا صابون ؟ · بحكم أنهما خلقا ولم يولدا: هل أبونا آدم وأمنا حواء لهما سرة في بطنهما كبقية الخلق ؟ · لماذا البيتزا مع أنها دائرية توضع في كرتون مربع ؟ · لماذا هناك لمبة في الثلاجة والفريزر ما فيه ؟ إذا كان الأعمى أعمى منذ الولادة فهل يحلم ؟ و إن كان يحلم فكيف يجسد الأشياء و هو لم يراها من قبل ؟ · هل الرجل الأصلع يصاب بالقشرة ؟ · هل تستيقظ أولاً؟ أم تفتح عيونك أولاً ؟ · هل الحمار الوحشي أسود بخطوط بيضاء, أم أبيض بخطوط سوداء؟ · إذا طائرة تطير بسرعة الصوت، وهناك مسافر يمشي داخل الطائرة باتجاة مؤخرتها، هل هذا يعني أنه يمشي اسرع من الصوت؟ · هل الإنسان توقف عن الضحك لأنه كبر, أم أنه كبر لأنه توقف عن الضحك ؟ · هل باص المساجين له مخرج طوارىء ؟ · هل يمكن أن يصاب الإنسان بحساسية تجاه ا لماء ؟ · هل الإنسان يتثاوب وهو نائم ؟ · أيهما أكثر الأعداد الفردية أم الزوجية ؟ · هل الحيوان يقدم على الإنتحار ؟ · هل تستطيع أن تحفر نصف حفرة ؟ |
|
| الكاتب: | عاشقة العربية [ الجمعة مارس 05, 2010 2:04 am ] |
| عنوان المشاركة: | أجب إن استطعت ؟؟؟؟؟ |
مدين, تقريباً في جملتين عرفتن أو كانو بديهيات ، الباقي أخدولي عقلي وصرت فكر جد يسلمو
|
|
| الكاتب: | ابراهيم محمد [ الجمعة مارس 05, 2010 2:25 am ] |
| عنوان المشاركة: | أجب إن استطعت ؟؟؟؟؟ |
شو هالتساؤلات الغريبة هي ؟؟
فوتوني بالحيط والله يسلمو مدين |
|
| الكاتب: | مدين [ الجمعة مارس 05, 2010 2:08 pm ] |
| عنوان المشاركة: | أجب إن استطعت ؟؟؟؟؟ |
آسف وجعتلكم رأسكم فعلا لأنها أسئلة تدعو إلى التفكير و_ الصفن العميق_, هدى أظن أنك عرفتي إجابة · لماذا المرأة تفتح فمها وهي تتكحل ؟ / أظن , لكن جد إذا عندك إجابات بتمنى نتطلع عليها إاذا أردت. ؟؟ شكرا i  
|
|
| الكاتب: | أوركيدا [ الجمعة مارس 05, 2010 3:12 pm ] |
| عنوان المشاركة: | أجب إن استطعت ؟؟؟؟؟ |
في كزا سؤال من هدول كان إلن عندي جواب ..  فكرو معي وصححولي إجاباتي 
اقتباس:
· هل تستطيع أن تحفر نصف حفرة ؟
لاء.. لإنو الحفرة هي عبارة عن منخفض منعملو بوسط من مادة ما بأخذ القليل منها ( أو الكثير) .. المهم انو لما ناخد من هالمادة كمية معينة .. منكون عملنا حفرة .. حفرة كاملة لإنو ما في حجم معين للحفر حتى نقول عملت نص الحجم المعين
اقتباس:
هل الحيوان يقدم على الإنتحار ؟
اي هي سمعتا عن حوت انتحر لما ماتت مرتو .. مدري حوتة انتحرت لما مات زوجها بإنها رمت حالا ع الشاطئ لحتى ماتت 
اقتباس:
أيهما أكثر الأعداد الفردية أم الزوجية ؟
في شي بالرياضيات اسمو اللانهاية يعني انو الأعداد الحقيقية لانهائية ولا يمكن حصرها .. ونحنا منعرف انو الأعداد بتتناوب واحد فردي وواحد زوجي 1 2 3 .... لذلك ما منقدر نقول أيهما أكثر لإنو اللانهاية عدد كبير جداً غير محدد..
اقتباس:
هل يمكن أن يصاب الإنسان بحساسية تجاه ا لماء ؟
اي .... قريتها بمقالة بآرتين عن أغرب الأمراض بالعالم.. اقتباس: · هل باص المساجين له مخرج طوارىء ؟ لو كان تصميم الباص صحيح ... لازم يكون في مخرج طوارئ..ليش؟ لإنو ممكن يكون في بين هالمساجين ناس مدة محكوميتن سنة أو سنتين .. نحنا ما بدنا نموت المساجين نحنا بدنا نعاقبن بس.. يعني لو صار حريق بهالباص لازم يقدرو يطلعو .. لإنهن بيستاهلو الحياة .. بس وين النقطة ؟ انو لازم يكون المفتاح لهالباب مع شي شرطي حباب
اقتباس:
هل الإنسان توقف عن الضحك لأنه كبر, أم أنه كبر لأنه توقف عن الضحك ؟
التنتين فيهن وجهة نظر ... لما بيكبر الإنسان بيقل ضحكو لإنو بيكتشف همومو الكبيرة ومسؤولياتو العظيمة .. ولما بيوقف عن الضحك بيكبر بمعنى انو بيختير ( بيصير عجوز) لإنو معروف انو الضحك بينشط عضلات القلب .. بقا الوجهان صحيحان
اقتباس:
إذا طائرة تطير بسرعة الصوت، وهناك مسافر يمشي داخل الطائرة باتجاة مؤخرتها، هل هذا يعني أنه يمشي اسرع من الصوت؟
ازا بدنا ندرس سرعة جسم .. دايماً مندرسها بشكل نسبي .. يعني هالشخص يلي داخل الطائرة بالنسبة لشخص معو داخل الطائرة سرعتو شي .. وبالنسبة لشخص خارج الطائرة سرعتو شي تاني .. ازا اعتبرنا انو عم يمشي ( مو يركض) يعني سرعتو بسيطة .. وعم يمشي بعكس جهة حركة الطائرة ( باتجاه مؤخرتها) فمستحيل مستحيل يكون أسرع من الصوت بالنسبة لأي مراقب يحدد سرعته 
اقتباس:
هل الحمار الوحشي أسود بخطوط بيضاء, أم أبيض بخطوط سوداء؟
الحمار الوحشي كائن مخطط بالأبيض والأسود بنسب متساوية ..هالسؤال كإنو عم نسأل الماء سائل ؟ أم شفاف؟ .. طبعاً الجواب التنين سوا
اقتباس:
هل تستيقظ أولاً؟ أم تفتح عيونك أولاً ؟
ممكن الإنسان يفتح عيونو وهوي نائم ويبقى نائم .. ففتح العيون برأيي عملية ليست ذات صلة بحالة النوم أو الاستيقاظ .. اقتباس:
هل الرجل الأصلع يصاب بالقشرة ؟
اي لإنو القشرة ظاهرة ذات علاقة بالجلد .. وليست بالشعر
اقتباس:
لماذا البيتزا مع أنها دائرية توضع في كرتون مربع ؟
نحنا بعصر السرعة والسهولة ... أكيد صنع كرتون دائري أصعب بكتير من صنع كرتون مكعب ( اسمو الصحيح مكعب وليس مربع ) لإنو المربع له بعدان والمكعب له ثلاثة أبعاد
اقتباس:
هل الأصلع يغسل رأسه بشامبو ولا صابون ؟
ع كيفو
اقتباس:
· لو كان هناك طيور يطيرون داخل طائرة فه ل لهم وزن يؤثر على الطائرة ؟ <
عم يطيرو  لاء وزنهن ما بيأثر ع الطائرة بشكل مباشر .. بس لو حكينا بشكل دقيق اي بيأثرو .. لإنو في قانون بهالدنيا انو أي جسمين ( كتلتين ) بيأثرو على بعضهن بقوة جذب..في أسئلة ما عرفت جاوب عليها أبداً ... وفي أسئلة إلها عندي نصف إجابة  بتمنى تكونو استمتعتو بقراءة الأجوبة .. أو يعني انو اقتنعتو .. ويا ريت نفتح نقاش علمي  مدين, شكراً ع الموضوع الجميل ... اللي بيحرك الخيال والأفكار 
|
|
| الكاتب: | مدين [ الجمعة مارس 05, 2010 5:55 pm ] |
| عنوان المشاركة: | أجب إن استطعت ؟؟؟؟؟ |
ماشاء الله أوركيدا على الرغم من صغر سنك -عذراً-فإن البداهة ظاهرة عليك وبما أنك تدرسين الفيزياء فإن دراستك هذا الفرع افادتك كثيراً. · هل تستطيع أن تحفر نصف حفرة ؟ انا اتفق معك في الاجابة وبرأيي لا نستطيع ان نحفر نصف حفرة لأننا عندما نحفر ولو كما قلت قدر بسيط نستطيع ان نطلق على الذي حفرناه اسم -حفرة- وليس نصف حفرة. لماذا المرأة تفتح فمها وهي تتكحل ؟ كي تتحكم بعملية -المكياج- ولتغير وضعية الوجه والبشرة لتنساب أدوات المكياج على الوجه انسياباً . إذا كان الأعمى أعمى منذ الولادة فهل يحلم ؟ و إن كان يحلم فكيف يجسد الأشياء و هو لم يراها من قبل ؟ أعتقد أنه يحلم لكنه يحلم ويجسد الأشياء كما يتخيلها هو وأحياناً تكون الأحلام عن أمور خفية أو مشاعر وليست عن أشياء أو أشخاص معينة. هل الحيوان يقدم على الإنتحار ؟ أعتقد انه لايقدم على الانتحار بالمعنى الحرفي للكلمة وهو عندما يفعل ذلك لايدرك ما يقوم به لذلك لا نسميه انتحار فمثلا قرأت ان النسر عندما يحس أنه قد كبر في العمر وأنه هرم وشاخ يحلق عالياً وبسرعة كبيرة جداً إلى أن يصل القلب إلى مرحلة لايستطيع تحمل هذه الطاقة فينفجر - إن جاز التعبير- ويموت النسر . وكذلك اللقلق أو مالك الحزين عندما يشتد جوع صغاره ولا يجد الطعام ينقر بطنه بمنقاره ويطعم فراخه من لحمه ويموت وهذا -برأيي ليس انتحارا لكن الغريزة دفعته إلى هكذا فعل . فسبحان الله العظيم!!!!!! هل الحمار الوحشي أسود بخطوط بيضاء, أم أبيض بخطوط سوداء؟ هذا السؤال فيه التباس لكن أظن أنه أبيض بخطوط سوداء لأن ...... اي ما بعرف ليش هههههه هل تستيقظ أولاً؟ أم تفتح عيونك أولاً ؟ يقال في النوم هو الموت الأصغر فالروح في حالة النوم تكون في رعاية الباري -عز وجلّ- لكن عند الاستيقاظ هل الروح هي التي تتنبه أولا أم الجسد ؟ الله أعلم أما الأسئلة التي تتطلب معرفة بالفيزياء والقوانين فإجاباتك مقنعة أخت أوركيدا لكن قد يكون لها وجه آخر . أيهما أكثر الأعداد الفردية أم الزوجية ؟ هل الرجل الأصلع يصاب بالقشرة ؟ لماذا البيتزا مع أنها دائرية توضع في كرتون مربع ؟ هل الأصلع يغسل رأسه بشامبو ولا صابون ؟ هل الإنسان توقف عن الضحك لأنه كبر, أم أنه كبر لأنه توقف عن الضحك ؟ اتفق معك في الاجابة في هذه الأسئلة وقد تكون وجهة نظرنا في بعض الحالات ليست صحيحة. أحسست وأنا أجيب كأني في امتحان في النحو -الإعراب - لأبيات معقدة ولها أوجه كثيرة . شكراً لك. |
|
| الكاتب: | ضيا & زين [ الجمعة مارس 05, 2010 11:32 pm ] |
| عنوان المشاركة: | أجب إن استطعت ؟؟؟؟؟ |
اسئلة عجيبة بس ممكن اعرف امتى الاجوبة |
|
| الكاتب: | Lina [ السبت مارس 06, 2010 1:53 am ] |
| عنوان المشاركة: | أجب إن استطعت ؟؟؟؟؟ |
| بعتقد اجاباتون مو لهدرجة صعبين بس رح جاوبكن على واحد
اقتباس:
· هل الحمار الوحشي أسود بخطوط بيضاء, أم أبيض بخطوط سوداء؟
لأ أبيض بخطوط سوداء لأن الخطوط السودا عليه الها نهايات حادة بتدل على انو لون الخلفية أبيض والخطوط اللي عليها هيي اللي لونا أسود...هو انتو لو راسمين حمار وحشي قبل هالمرة رح تفهمو كلامي تبقو بس تتفرجو عالنات جيو تذكرو الكلام وتاكدو اقتباس:
· أيهما أكثر الأعداد الفردية أم الزوجية ؟
طبعا وبرغم وجود اللانهاية هنن متساويين لأنن أعداد متعاقبة ولكل عدد زوجي بقابلو أو بيجي وراه فورا عدد فردي لللانهاية
اقتباس:
· إذا طائرة تطير بسرعة الصوت، وهناك مسافر يمشي داخل الطائرة باتجاة مؤخرتها، هل هذا يعني أنه يمشي اسرع من الصوت؟
هادا السؤال كلو لا يحمل أي معنى...أول شي منقيس السرعات بالنسبة لسرعة الضوء مو الصوت...وتاني شي وتبعا للنظرية النسبية ما رح تضل كتلة الجسم على حالا بعد ما توصل سرعة الطائرة لسرعة الضوء ورح تتغير الكتلة والزمن ومتل ما قالت اوركيدا السرعة صارت بشكلين..بالنسبة لشخص داخل الطائرة واللي عندو الزمن تقريبا رح يكون واقف ...وبالنسبة لشخص برا الطائرة وهادا الشخص ما بضمنلك يلحق يشوف السرعة
|
|
| الكاتب: | سحر [ السبت مارس 06, 2010 2:25 am ] |
| عنوان المشاركة: | أجب إن استطعت ؟؟؟؟؟ |
الله أسئلة حلوة اول مرة بتمر علي بعتقد انون اعطوك الإجابات
|
|
| الكاتب: | يارا العلي [ السبت مارس 06, 2010 3:30 pm ] |
| عنوان المشاركة: | أجب إن استطعت ؟؟؟؟؟ |
أهم شي بأسئلتك أخ مدين إنها بتخلينا نفكر..ونفكر..ونفكر..وبغض النظر شو طلع معنا إجابات المهم إنو فكرنا ..لاء عن جد الأسئلة حلوة كتير ومثيرة للتفكير والبحث عن أجوبة ..وأنا من جهتي مارح ادخل بالتفاصيل بس حبيت اشكرك أخي مدين على مواضيعك المميزة وبالتوفيق يارب.... |
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|