أنا فعلا متفاجئة إنو ماحدا علق على هالذكريات الحلوة
يعني انا مبارح أول ماوصلتني عايميلي من رفيقتي جنيت عليها وعجبتني كتير واتوقعت تعجبكن كمان وبعتها فورا
أنا بحسها بتنطبق عواقع طفولتي تماما 
ويمكن هاد السبب خلاني حبها
| آرتين لتعليم اللغات https://forum.art-en.com/ |
|
| بتتذكروااااااااااااااااااااا؟؟؟؟ https://forum.art-en.com/viewtopic.php?t=20012 |
صفحة 1 من 2 |
| الكاتب: | يارا العلي [ الثلاثاء مارس 02, 2010 5:13 pm ] |
| عنوان المشاركة: | بتتذكروااااااااااااااااااااا؟؟؟؟ |
بتتذكروا ،،،، بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر.. بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك. بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله وبعدين نحطو بطاسة مي أو بالمغسلة وناكلو عم يشرشر. بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل. بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك. بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة. بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة.. بتتذكروا..لما كنا نستقبل الحجاج بكامل الفرحة واللهفة على الهدية والعيدية وآخر شي: مسواك ومسبحتين والكاميرا الحمراء وسجادة وللبنات قطعة قماش مبرقعة وساعة. بتتذكروا.. عزايم قبل والسفرة ومفرش الطاولة اللي عليه صورة (فواكه) وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات. بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!! بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ولازم طبعاً يمر على أولاد الحارة ويطلعوا معو شي خمسين واحد بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا... يقول لك: مو رصيفكن هادا رصيف الحكومة كلام منطقي, ويتم يمرق قدام البيت ويقول لك مادخلك. بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله. بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن. بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت. واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير.. أول ما يفتح التلفزيون بتلاقيه يتفرج ع هيفا ونانسي وروبي وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس وأم عمار ببرنامج ما يطلبه الجمهور وعصمت رشيد يغني بين الشوطين ويوم الجمعة سيران والله أيام للأسف صار الجيل الجديد بلا هوية |
|
| الكاتب: | يارا العلي [ الثلاثاء مارس 02, 2010 11:25 pm ] |
| عنوان المشاركة: | بتتذكروااااااااااااااااااااا؟؟؟؟ |
آآآآآآآآآآآآه لو ترجع أيام زمان.... |
|
| الكاتب: | يارا العلي [ الأربعاء مارس 03, 2010 10:11 am ] |
| عنوان المشاركة: | بتتذكروااااااااااااااااااااا؟؟؟؟ |
أنا فعلا متفاجئة إنو ماحدا علق على هالذكريات الحلوة يعني انا مبارح أول ماوصلتني عايميلي من رفيقتي جنيت عليها وعجبتني كتير واتوقعت تعجبكن كمان وبعتها فورا أنا بحسها بتنطبق عواقع طفولتي تماما ويمكن هاد السبب خلاني حبها
|
|
| الكاتب: | Mnoor [ الأربعاء مارس 03, 2010 12:30 pm ] |
| عنوان المشاركة: | بتتذكروااااااااااااااااااااا؟؟؟؟ |
أي والله بتنتذكر اقتباس:
بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!
 أنا من جهتي ما زالت هي موجودة فما في داعي أتذكرها
|
|
| الكاتب: | Golden RoSe [ الأربعاء مارس 03, 2010 8:40 pm ] |
| عنوان المشاركة: | بتتذكروااااااااااااااااااااا؟؟؟؟ |
أنا اللي بتذكر, 3 ارباعهم بتذكرهم وياريت ما فارقتهم وضلينا بهديك الأيام لا هم ولا مسؤولية دنيا 
|
|
| الكاتب: | ضيا & زين [ الأربعاء مارس 03, 2010 11:04 pm ] |
| عنوان المشاركة: | بتتذكروااااااااااااااااااااا؟؟؟؟ |
في شغلات كتير كانت ع وقتي وبتذكرا منيح
|
|
| الكاتب: | ابراهيم محمد [ الخميس مارس 04, 2010 2:07 am ] |
| عنوان المشاركة: | بتتذكروااااااااااااااااااااا؟؟؟؟ |
اييييييييييييييييييه على ايام الصبا
يا جماعة أنا جدي وصل عمرو للـ 114 حتى مات وقبل يتوفى كان يقد مع رفقاتو اللي من جيلو يصيرو يحكو عن ايام الصبا يعني مو أقل من 80 سنة وبعد ما يخلصو القصة يقولوا اييييييييييه سئلا مبارح هالحكي كأنو اي يحرء اخت مبارح شو بدو يتحمل ليتحمل هو بدو يتحمل السنين تبع جدي ولا تبعنا احنا الجاية يسلمو ع الذكريات يارا تحياتي  |
|
| الكاتب: | يارا العلي [ الخميس مارس 04, 2010 2:09 am ] |
| عنوان المشاركة: | بتتذكروااااااااااااااااااااا؟؟؟؟ |
Mnoor, هلق كتيير حلو إنو نظلل على الشي المهم بس الأهم إنو ندرسو ونقدر نتذكرو بالامتحان ...شكرا لمرورك أخي
|
|
| الكاتب: | يارا العلي [ الخميس مارس 04, 2010 2:12 am ] |
| عنوان المشاركة: | بتتذكروااااااااااااااااااااا؟؟؟؟ |
ضيا & زين, Golden RoSe, شكرا عالمرور أخواتي وموفقين يارب 
|
|
| الكاتب: | يارا العلي [ الخميس مارس 04, 2010 2:14 am ] |
| عنوان المشاركة: | بتتذكروااااااااااااااااااااا؟؟؟؟ |
ابراهيم محمد, الله يرحم جدك وعقبال ماتصير جد وتحكي لأحفادك عن ذكرياتك معنا ومع آرتيين شكرا لمرورك الزاهي(عن جد)
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|