السلام عليكم و رحمة الله و بركاته ..

هالمرة الكرسي غير كل مرة و السبب أنو الشخص يلي قاعد هالأسبوع هو شخص من اختياركم انتو

هالأسبوع عنا عالكرسي عضو معروف بحواراتو المقنعة و أفكارو الخاصة و نقاشاتو الجدية بأمور الحياة و المجتمع ....

و لأنك بتعشق السيارات كتير اخترتلك كرسي مرتب كتير رح تحبو



[rainbow=150,360,255,50,18]أنـــــس الــــدالـــــي[/rainbow]

هـــــمــــــــســـــات الــــحــــــب


1- الاسم الكامل ؟
2- الدراسة ؟
3- مجال العمل ؟
4- صفة تصف بها نفسك ؟
5- صفة لا تحبها في نفسك ؟

احم احم
بعد السلام وقبل أي كلام بقلكن منتواجه وكلشي بحسابو يا ظلام
عمـــــــــــيد كليــــــة الحــــــــــــــب
يا رجل شو مشان هالكرسي هاد بس بيبقى أفضل من شي تاني فيو رعب ومريح الحمد لله وأحلى شي أنو على جنبو في طاولة للضيافة بئا شباب الله يرضى عليكن الي بدو يشرف لهون لا يفوت وايدو فاضية يجيب شي معو عشان رد على أسئلتو
بس والله محتار شغل عداد الكذب ولا جاوب بصراحة شو بدكن يا ترى
بسم الله والصدق والصراحة أبدأ
1- أنس الدالي واسم الأب عثمان لا تقلي كمان بدك تعرف اسم أمي
2- بدرس أدب عربي سنة تانية لازم كون متخرج بس
3- مجال العمل تجارة السيارات وحاليآ جاري التغير
4- الصراحة التي أعشقها
5- سرعة الغضب
في متل بقول أول الرقص حنجلة سمعان في عميد
بانتظار عودتك وأهلا وسهلا فيك

لجين,
أهلا وسهلا فيكي وبتنوري ايمتى ما رجعتي

ابراهيم محمد,
ولك أهلين برهوم كان بودي شوفك اليوم بس حصل خير وخيرها بغيرها يا غالي
وأهلا وسهلا فيك بأي وقت

Wissamo,
يا رجل انت شو مشانك لا وكمان نازل شماته اي شو علاااي
على كل حال الله يبارك فيك وأهلا وسهلا فيك وبعودتك

أنس الدالي, الحمد الله نحنا بنات...
مبروك الكرسي اول شي...وانشاء الله تكون مرتاح..
رح ابدا بأسئلة خفيفة ونظيفة...
1-مطربك المفضل؟
2-مطربتك المفضلة بالنسبة للجمال..وللصوت..
3-اكتر اكلة مفضلة
4-اكتر اكلة مابتحبها
5-بتدخن؟؟بتأركل؟؟
6-شو اكتر سيارة بتحب تركبها..
7-اكتر موقف بخليك تعصب
8-اكتر كلمة بتعصبك
9-انت قلت انك سنة تانية ولازم تكون متخرج؟؟ليش عم ترسب؟ظلم ولا قلة دراسة؟
10-مين بتخاف يسألك عالكرسي..ولا تقلي ثائر..لانو الأغلب لما بينسأل هالسؤال بقول ثائر..
11-شو رأيك بأرتين..
12-شو مفهوم الغيرة عندك...
13-شأد بتصرف باليوم..
14-قبل ماتنام بمين بتفكر..
15-اكتر مكان بتحبو بجامعة البعث..

اسئلة كتيرة...اسفة عالاطالة..
بس لي عودة..

أنس الدالي,
عدنا يا أنس ^^...حاليا عندي كم سؤال

1- بدايتك مع آرتين كيف كانت ومين يلي عرفك عليه؟
2- أكتر موقف أحرجك لما كنت بالمدرسة الثانوية؟
3- دراستك للأدب العربي عن قناعة ولا ماكان عندك خيار تاني؟

هاد لعند هلأ بركي بكون في كمان وبرجع بسألك

فـلـك
يكتر خيرك والله نبهتيني اعتبارآ من هاد الرد على كل بنت بتدخل لازم تجيب معها شي طبخة من صنع ايدها حصرآ
والله يبارك بعمرك والحمد لله مرتاح مو مقصر العميد أبدآ
المطرب المفضل صابر الرباعي طبعآ بسمع لكتير غيرو بس هاد بعتبروا التوب عندي
والمطربة المفضلة من حيث الجمال والصوت دينا حايك
الأكلة المفضلة الكبة المشوية
ومن جهة الأكلة الي ما بحبها ما في شي بجزم علي بعدم محبتي لألو
وطبعآ بدخن وبأركل بس الأركيلة على الخفيف كتير بعد ما صرت دخن ..
أكتر سيارة بحب اركبها أو السيارة المفضلة عندي هي السكودا أوكتافيا والميكان
أما الي بحلم اركبها فهي ال bmw
أكتر موقف بعصبني وقت بكون قدام واحد قليل فهم
وأكتر كلمة بتعصبني كلمة ما بعرف ..
السببين معآ لأنو مافيني اعتبر حالي من الطلاب المجدين .. والظلم موجود وما في طالب جامعة ينكر وجوده وربما يكون مختلف من كلية لأخرى أو من مادة لأخرى
بس بشكل عام طلاب الأداب مظلومين يا حراام
ما بخاف من حدا حتى ثائر ما بخوفني .. أنا بخوفو
أرتين اذا بدي ابدا بالحكي عنو ما بخلص لبكرا لأنو بعتبروا بيتي الوهمي بالنت
وبالنسبة لمفهوم الغيرة بعتبرها جزء من الحب الحقيقي ولكن يجب أن تكون ضمن حدود يرسمها كلآ من الطرفين
مافي شي محدد يومي للمصروف بس اذا بدنا نحسب كمعدل وسطي 1000 ليرة بس طبعآ مو الكل مصروف شخصي
وقبل ما نام بفكر ببكرا بس بكرا البعيد عن الغد ومافي شخصية محددة فكر فيها كل يوم قبل النومبس معظم الأيام بفكر بأقرب الناس لألي
لا تسأليني ليش الوردة لأنو اذا ما حطيتها باكل قتلة
جنينة الآداب أكتر شي وفي مناطق محددة فيها
ولا يهمك وأهلا وسهلا فيكي بأي وقت بس لا تنسي الطبخة المرة الجاي