آرتين لتعليم اللغات
https://forum.art-en.com/

الرسم والعلاج النفسي
https://forum.art-en.com/viewtopic.php?t=19881		 صفحة 1 من 1
الكاتب:  Lina [ الأربعاء فبراير 24, 2010 3:06 am ]
عنوان المشاركة:  الرسم والعلاج النفسي
الدكتور حسان المالح
استشاري الطب النفسي - دمشق - العيادة النفسية الاستشارية


يعتبر الرسم أحد الأساليب التعبيرية التي يملكها الإنسان ، وهو يمثل قدرة ثقافية يترفع بها عن عالم الحيوان ، مثلها في ذلك استعمال اللغة ومختلف أنواع الفنون .
ومن خلال الرسم يمكن للإنسان أن يسيطر على الموضوعات والأشياء التي يرسمها والتي تشكل له قلقاً وتوتراً . والإنسان القديم مثلاً رسم الحيوانات المفترسة مما ساعده في السيطرة عليها ومكنه من تخفيف خطرها وبالتالي أعطاه ذلك إحساساً خاصاً بالأمان والقوة .
ويعتبر التعبير والتنفيس الانفعالي من خلال التعبير عن النفس وانفعالاتها ورغباتها وتصوراتها وخيالاتها وكل مايدور في العقل والنفس .. أسلوباً مفيداً من الناحية النفسية ، وتشترك الفنون بأشكالها المتنوعة إضافة إلى التعبير اللغوي الكلامي في هذه الوظيفة التعبيرية التنفيسية .
وقد تم استخدام الأساليب الفنية المتنوعة في ميدان الطب النفسي منذ زمن طويل لما فيه من الوظائف التعبيرية والترويحية والداعمة للمريض النفسي ، وقد ارتبط ذلك بما يسمى بالتأهيل النفسي أو " إعادة التأهيل " والعلاج بالعمل والنشاطات المختلفة . وفي الوقت الحالي لدينا مجموعة من الأساليب التي تطورت وأصبحت أكثر تخصصاً مثل العلاج بالفن والعلاج بالتمثيل والعلاج بالموسيقا وغيرها ..
و يتميز التعبير عن طريق الرسم بأنه يبدع أشكالاً وصوراً يمكن النظر إليها والاحتفاظ بها ، وأيضاً تبادلها وعرضها على الآخرين . وهكذا يكون العمل الفني المنتهي تشجيعاً للذات وتقوية لها ودعماً .
والآثار المفيدة الناتجة عن الرسم وغيره من الفنون ليست آثاراً عابرة ومؤقتة وتنفيسية لاسيما إذا جرى استعمالها بشكل منظم وضمن علاقة علاجية محددة .. وهذا مايعرف بالعلاج بالفن وهو يعتمد على استخدام الرسم وغيره بشكل منهجي ولعدة جلسات مما يساعد المريض على التعرف على ذاته وصراعاتها ومشكلاتها ويهيئ مادة علاجية للحوار والتبصر وتعديل الأساليب وتنمية المهارات التكيفية والصحية المتنوعة .
وهذا العلاج يمكن أن يفيد مجموعة كبيرة من المرضى في مختلف الاضطرابات النفسية البسيطة والشديدة .
وللتعمق في فهم الرسم يمكننا أن نطرح النقاط التالية :
1- يمكننا أن نقول أن الرسم هو استعمال " منظم للخيال والحلم " وفيه " حرية وتلقائية تعبيرية " عن مكونات النفس وعن آلامها ومعاناتها وخيالاتها من خلال الصور واللون والتشكيل والرموز .
2- وفيه يمكن " إعطاء شكل وصورة " لأشياء لايمكن الحديث عنها في كلمات بسبب الانفعالات الشدية المرتبطة بها أو بسبب التناقضات العديدة والفوضى التي تتفاعل في داخلنا .
3- وفيه " حوار مستمر " شعوري ولاشعوري بين اللوحة والفنان الذي يرسمها ، وهو يضيف لوناً أو يعدل شكلاً إلى أن يرضى عن عمله ويعتبره منتهياً . وهنا تتوضح الجوانب الاجتماعية وقضية " التواصل مع الآخر " وتوجيه الرسائل إليه والحوار معه ومشاركته .
4- إن أي عمل فني هو " صياغة إبداعية وجديدة " تهدف إلى التعبير عن الذات بشكل توضيحي يمكن للآخر أن يستفيد منه وأن يفهمه ، وفي الوقت نفسه يمارس الفنان " تعديلاً وتجديداً " لما يتفاعل في داخله من رؤى وصور وأفكار وذكريات ومشاعر مما يمكن له أن يساهم في " إيجاد حلول فنية وعملية " لمشكلاته الخاصة والعامة .
5- الرسم هم " نوع من اللعب " بالمعنى النفسي العميق ، وفيه الترويح والتسلية واستعمال الأدوات بمهارة وفي الوقت نفسه يمكن لهذا اللعب أن يكشف معلومات هامة عن الشخصية.
6- بعضهم يرسم وهو في حالة انشراح وصفاء ويزيد الرسم من انشراحه وبهجته ، وبعضهم يرسم في حالة إكتئابية كي يسيطر على حزنه ويأسه ، وبعضهم يرسم في حالات القلق والخطر والتوتر مما يساعده على التخفيف من توتره ويعطيه استرخاءً وانتصاراً وإحساسأ بالروعة والإنجاز .
وبعضهم يرسم كي يؤكد ذاته ويثبتها وهو في حالة مشاكسة وغضب وإحباط .. وبعضهم غير ذلك .
7- إن حالات التوتر الإبداعي المرتبطة بأي عمل فني أو تعبيري لاتزال غير مفهومة تماماً .. والحساسية العصبية الفنية الخاصة مكون أساسي ولها جوانبها الوراثية والتكوينية ويمكن تدريبها وصقلها وتنميتها .. والإحباطات الكثيرة التي يتعرض لها الإنسان في طفولته الطويلة " تؤكد على الحاجة إلى الإشباع عن الطريق التخيلي والفني " إضافة إلى الإحباطات الحالية التي يتعرض لها الإنسان في مختلف مراحل حياته والتي تغذي ضرورة التعبير عنها بمختلف الأشكال العادية والفنية .
8- الفن " عمل ذو هدف " وهناك درجات من السيطرة عليه وهو بذلك يختلف عن الحلم أو الخيال ولاسيما في حال الفنانين المحترفين .ويتميز الفنان بقدرته على الدخول إلى مناطق داخلية ولاشعورية تمتلئ بالمكبوتات والرغبات والمخاوف ، وبدرجة من اليسر والمرونة لم يتعود عليها الإنسان العادي . وهو يستطيع أن يحول أشياء ثقيلة ومتناقضة وغامضة وصعبة التحمل إلى أشكال وصور يمكن فهمها واحتمالها . كما أنه يستطيع أن يتراجع إلى مراحل الطفولة وذكرياتها المتنوعة وأن يعبر عنها بدرجة من الضبط والسيطرة تخدم ذاته وشخصيته ويحافظ من خلال ذلك على توازنه وصحته النفسية بشكل أفضل من الإنسان العادي الذي تعود ان يكون واقعياً عملياً يطرد من وعيه وشعوره كل مايمكن أن يعكر صفوه ويسيئ إلى مظاهر شخصيته الاجتماعية العادية .
9- الفنان يعيد إنتاج واقعه الذاتي وواقع ماحوله برؤية جمالية وفنية جديدة . ويمكن له أن يحاكي الطبيعة ومافيها ، ويمكن له أن يخلق أعمالاً وإبداعات تجعله يقارب السحرة والمشعوذين في الخيال العام.وهو يحقق " أمنيات نرجسية " في خلق الأشياء والصور مما يجعله يتبوأ منزلة خاصة تتضارب حولها الآراء بين مشجع ومؤيد وبين ناقد ومسفه .
10- والفن له جوانب اجتماعية وفكرية ودينية وهناك ضوابط عامة تتعلق بالمجتمع والثقافة وهي تتغير وفقاً للظروف والمراحل .. ويبقى الجمال والبحث عنه قيمة إنسانية هامة مثلها مثل الخير والحق والعدل تحلق فوق الظروف بعد أن ترتبط بها .
11- والرغبات الفنية يمكن اعتبارها جزءاً من الدوافع الفطرية والغريزية لدى الإنسان ويمكن تدريبها وتطويرها ، وهي ترتبط بقدرات ومهارات غريزية وحساسية عصبية عضلية خاصة تشارك فيها الحواس البصرية واللمسية والسمعية وغيرها إضافة للموكونات العقلية مثل الانتباه والذاكرة والتخيل . وتحتاج العملية الإبداعية إلى " انتباه عائم ومشتت " يناقض التفكير المنطقي المعتاد ، وإلى " أن ترى مالا يرى " .
12- وبعض الأشخاص يبدون ميولاً فنية خاصة ، وبعضهم الآخر يتذوق الفن ولايمارسه . وفي العلاج بالفن لايشترط وجود مهارات خاصة أبداً ، لأن المقصود ليس احتراف الفن بل التعبير عن الذات والشخصية . ويمكن لعدد من الأشخاص في مختلف الاضطرابات النفسية الاستفادة من الرسم والفن . وفي حالات الأطفال المتنوعة يشكل الرسم أداة مثيرة ومفيدة بسبب نقص قدرات الأطفال على التعبير اللغوي اللفظي . وفي حالات الكبار التي يتعذر فيها التعبير اللفظي والاجتماعي لأي سبب كان ، يبرز التعبير من خلال الرسم كوسيلة علاجية ناجحة تعزز الثقة بالنفس وتفتح باب الحوار مع الآخرين ، كما تساهم في فهم الإنسان لمكوناته وأحاسيسه وصراعاته وتمهد الطريق لاكتشاف حياته في جوانبها المتعددة ، مما يعطيه القدرة والقوة في النظر إليها والتكيف معها وتعديلها وإصلاح مايمكن إصلاحه فيها .
" مأخوذ بتصرف من كتاب الطب النفسي والحياة ، الجزء الثالث 1999 للمؤلف ، بتصرف "
الكاتب:  Safa alaasi [ الأربعاء فبراير 24, 2010 3:40 am ]
عنوان المشاركة:  الرسم والعلاج النفسي
Lina,
يسلمو كتير عالموضوع الرائع *1 *1 *1 *1 *1

هلئ انا برسم كتير... مين يا هل ترى ممكن يحلل شخصيتي من خلال رسوماتي
*ممم
و شغلة تانية اني دايما بحط فكرة ببدأ فيها و لما بصير باللوحة بتروح الفكرة الاساسية و بتنتهي اللوحة بشي مختلف تماما عن الشي الي حاطتو ببالي *sla
اقتباس:
وتحتاج العملية الإبداعية إلى " انتباه عائم ومشتت " يناقض التفكير المنطقي المعتاد ، وإلى " أن ترى مالا يرى
كيف ممكن يحصل الشخص على انتباه عائم و مشتت *ممم صعبة ... يعني يا انتباه يا تشتت ... بس الفكرة انو فعلا الانتباه العام و المشتت بيحافظ على المبدأ أو الفكرة الي حابين نطرحا وبنفس الوقت بيسمح لمساحة أكبر من الاحساس و المشاعر في اللوحة 8)
الكاتب:  Lina [ الجمعة فبراير 26, 2010 1:03 am ]
عنوان المشاركة:  الرسم والعلاج النفسي
Safa alaasi,
شكرا لمرورك *ورود
اقتباس:
هلئ انا برسم كتير... مين يا هل ترى ممكن يحلل شخصيتي من خلال رسوماتي
الأطباء النفسيين طبعا مو أي انسان...وخاصة اذا كنت من الناس المحترفين بالرسم فهالشي رح يصعب المهمة لأنو احتمال تعبري عن مكنونات صدرك بالرموز ...وهادا الشي تفسيرو مانو سهل...أما بالنسبة للأطفال فهنن الأسهل تشخيصا على اعتبار انو بيرسمو بتجرد كل شي بشوفو أو بفكرو فيه..
اقتباس:
و شغلة تانية اني دايما بحط فكرة ببدأ فيها و لما بصير باللوحة بتروح الفكرة الاساسية و بتنتهي اللوحة بشي مختلف تماما عن الشي الي حاطتو ببالي
هادا أمر طبيعي تماما متلو متل الكتابة...أو اللي منسميه نحنا brainstorming يعني منبلش بفكرة ومنخلص بفكرة مختلفة تماما عن الشي اللي فكرنا فيه...هادا نوع من التفريغ للشي اللي جواتنا وهادا اكتر شي بفيد الأطبا بتشخيص المرض لأنو بهيك حالة المريض بكون عم يوصل لمنطقة اللا وعي عندو وعم يقدر يعبر عنا..ويمكن يكتشف أفكار وأمور موجودة جواتو يمكن ما فكر للحظة انو ممكن تكون وجودة عندو..
اقتباس:
" انتباه عائم ومشتت " يناقض التفكير المنطقي المعتاد ، وإلى " أن ترى مالا يرى " .
اقتباس:
كيف ممكن يحصل الشخص على انتباه عائم و مشتت صعبة
بأنك تتجاهلي العالم وتنسيه وتركزي بالنقطة الوحيدة اللي عم ترسميا...
*ورود *1 *ورود *1 *ورود *1 *ورود
اقتباس:
2- وفيه يمكن " إعطاء شكل وصورة " لأشياء لايمكن الحديث عنها في كلمات بسبب الانفعالات الشدية المرتبطة بها أو بسبب التناقضات العديدة والفوضى التي تتفاعل في داخلنا .
وهادا الشي واضح جدا عند الأطفال اللي لسه ما عندن القدرة التعبيرية متل الكبار...وعندي أنا كمان :mrgreen: لأني بالرسم بقدر عبر عن نفسي أكتر من الكلام...
الكاتب:  الملاك [ الجمعة فبراير 26, 2010 11:06 pm ]
عنوان المشاركة:  الرسم والعلاج النفسي

Lina,
الحقيقة... وبعد قراءة تفصفصية للموضوع لقيت فيه جوانب أكتر من اللي كنت متوقعتا. لأني وقت كنت أقرا عن الرسم والطب النفسي كنت أقراه كتحليل لا كعلاج..وأغلب قراءاتي كانت عن الأطفال وليس الكبار

:arrow:

طبعاً الأفكار المطروحة بالموضوع في غاية الأهمية... وتحديداً وقت ركز الدكتور حسان على إنو في أشيا ببعض اللوحات نحنا ممكن ما نفهما وما نستوعب المساحات والأشكال اللي باللوحة..وتكون هي تشخيص وتجسيد شكلي

لأفكار ومشاعر ومكبوتات صعب نعبر عنها لفظاً وكتابةً :idea:

كنت أقرا من زمان عن طريقة استشفاف مشاعر الطفل وطريقة تفكيرو من خلال رسوماتو... وكلنا منعرف أنو المعالجين أو حتى المححلين النفسيين بيأخضعوا الشخص لتجربة ليحكمو من ردة فعلوا على شخصيتو وفكروا

ومشاعروا.

فكان مثلاً رسم إشارة إكس بنص لوحة كبيرة وحولها مجموعة ومن الدوائر بقلب بعضا...يعني دائرة بقلب دائرة بقلب دائرة وبالمركز إشارة الإكس...ومنقول للطفل "الصغير واللي لسا ما بيحكي" هادا أنت ومنأشر عإشارة إكس
ومنطلب منو يرسم ماما...وبابا...وأخوه أو أوختو أو أو أو....
الطفل رح يرسم بشكل هلامي " دائرة أو شكل غير محدد" ويقول هاي ماما وهادا بابا...بس حسب قرب موقع الرسمة من إشارة إكس منعرف مدى تعلق الطفل بأبوه أو أمو...ومدى اهتمامن فيه
والحقيقة أنو بعض الأطفال اللي أهالين مطلقين رسموا إما الأب أو الأم خارج نطاق الدوائر حتى...وهادا كان دليل أنو التجربة ناجحة وحقيقية :arrow:

وكمان وقت منطلب من طفل يرسم غرفة نومو...أو مكان النوم...منحاول بشكل غير مباشر نطلب منو يرسم نفسو بالسرير وبعض الإيحاءات ليرسم شخص تاني
فلو رسم أمو...فهالشي بيعكس قربا منو
وبعض الأطفال رسمو خالاتن...وفي أطفال رسمو أختن الكبيرة...وهكذا.

وبعمر أكبر.... الطفل بعبر عن شخصيتو الحقيقية وأفكارو بالرسومات...والأكبر بعبر عن مبادئو

يمكن فتت بتفاصيل كتيرة... بس رح اترك التفصيل عند الأطفال وركز عأهم نقطة عند الكبار
اقتباس:
.ويتميز الفنان بقدرته على الدخول إلى مناطق داخلية ولاشعورية تمتلئ بالمكبوتات والرغبات والمخاوف ، وبدرجة من اليسر والمرونة لم يتعود عليها الإنسان العادي . وهو يستطيع أن يحول أشياء ثقيلة ومتناقضة وغامضة

وصعبة التحمل إلى أشكال وصور يمكن فهمها واحتمالها . كما أنه يستطيع أن يتراجع إلى مراحل الطفولة وذكرياتها المتنوعة وأن يعبر عنها بدرجة من الضبط والسيطرة تخدم ذاته وشخصيته ويحافظ من خلال ذلك على توازنه

وصحته النفسية بشكل أفضل من الإنسان العادي الذي تعود ان يكون واقعياً عملياً يطرد من وعيه وشعوره كل مايمكن أن يعكر صفوه ويسيئ إلى مظاهر شخصيته الاجتماعية العادية .

وهون رح اتفق مع الكاتب بنقطتين:
1- الفنان "والرسام تحديداً" شخص مانو عادي
2- بيقدر يسيطر على واقعو العملي المكبوت...بحرية تشخيصو للأفكار بالرسم.

بس خلينا نوضح نقطة أنو أي إنسان بحاجة أنو يعبر عن اللي جواتو.. وناس بتكتب شعر..وناس بتكتب قصة..وناس بترسم رسمة... وناس بتختنق *1

Lina,
أنا بس كنت حابة حط ملاحظة صغيرة إلك لمعرفتي الشخصية فيكي وبرسوماتك
الحقيقة لينا أغلب الكلام اللي انحكى هون ما بينطبق عليكي
لأنو رسومات الأنميشن والرسم الواقعي ورسم الشخصيات لا يستخدم لا بالعلاج النفسي ولا حتى ممكن نحلل شخص من متل هيك رسومات
لأنو عم يرسم شي واقعي بس بلمسات جمالية خاصة بالأيد اللي عم ترسم + القدرات+ الموهبة.

الرسم المقصود هون هو الرسم التشكيلي...والمدرسة التعبيرية... ورسم الأشكال بالخط" متل الدوائر والمثلثات المتداخلة والأشكال الأشبة بالوهم"

Safa alaasi,
مع إنك اقتبستي أجمل جملة "أن ترى ما لا يرى"...بس ركزتي عاللي قبلا :mrgreen:

الحقيقة جملة انتباه عائم ومشتت...أنتي ما قريتيا صح
هي مانا 3 صفاة للشخص وهو عم يرسم :arrow: يعني ما أنو لازم يكون منتبه ومشتت وعائم :arrow:
وانما :idea: هني صفتين للإنتباه :arrow: بمعنى أنو نوعية الإنتباه اللي موليه الرسام لفكرتو هو عائم ومشتت
"يعني درجة إنتباه أقل بإتجاه الواقعية وأكثر باتجاه الخيال :arrow: "
بتمنى كون وضحتلك الجملة *ورود

وبالنسبة لرسوماتك فما بكفي تقولي إنك بترسمي...ما أي رسم بيتحلل وما أي رسام بيعكس نفسو وشخصيتو وأفكارو بالرسم
بعض الناس المسألة عندن مسألة قدرة عالتحكم بالقلم وموهبة بتجميل الموضوعات والأشكال... وما بعبرو عن شي جواتن بالرسم وإن رسمو شخصيات بتهمن :wink:

Lina,
شكراً جزيلاً عالموضوع الرائع وبتمنى نتناقش فيه وما نكتفي بالقراءة *1
الكاتب:  Lina [ السبت فبراير 27, 2010 1:58 am ]
عنوان المشاركة:  الرسم والعلاج النفسي
الملاك,
شكرا لوجودك المهم الي بالموضوع...لي عودة بس في شغلة رح علق عليا هلا *1
اقتباس:
أنا بس كنت حابة حط ملاحظة صغيرة إلك لمعرفتي الشخصية فيكي وبرسوماتك
الحقيقة لينا أغلب الكلام اللي انحكى هون ما بينطبق عليكي
لأنو رسومات الأنميشن والرسم الواقعي ورسم الشخصيات لا يستخدم لا بالعلاج النفسي ولا حتى ممكن نحلل شخص من متل هيك رسومات
ومين قلك اني قصدت هي الرسومات(السخيفة) اللي برسما عادة وبفرجيا للناس وانو هيي اللي بتعبر عني ويمكن تحليل شخصيتي من خلالا...لأ قصدت هون الرسم التعبيري والرمزي اللي برسمو وما بفرجيه لحدا لأنو بكل بساطة ما في انسان يمكن يفهمون أو يقدر يفسرون بدون ما احكي شو قصدي فيون...وهادا الجزء من الرسم هو اللي بيشغل المساحة الاكبر بالوقت اللي برسم فيه..

باقي الكلام كتير مهم ورح ارجعلو
*1
الكاتب:  Safa alaasi [ السبت فبراير 27, 2010 1:30 pm ]
عنوان المشاركة:  الرسم والعلاج النفسي
الملاك,
اقتباس:
مع إنك اقتبستي أجمل جملة "أن ترى ما لا يرى"...بس ركزتي عاللي قبلا
أكيد اقتبستا لأنو عجبتني :wink: و حتى خطر ببالي مثال عن هالشي انو دايما الفنان او الرسام بينظر للأشيا التي تعبتر عابرة للناس العاديين بعين مختلفة عن الآخرين فمثلا بيوقف الرسام قبال وردة أو جبل أو طفل و ممكن يتأمل فيهن ساعات و بيتشوفي بعيونو نظرات التعجب و التعمق و الانبهار :!:
اقتباس:
الحقيقة جملة انتباه عائم ومشتت...أنتي ما قريتيا صح
و انا ما بعرف كيف افهمتي اني ما قريتا صح *ممم
أنا قلت
اقتباس:
كيف ممكن يحصل الشخص على انتباه عائم و مشتت صعبة ... يعني يا انتباه يا تشتت ...
يعني ببساطة انا حسيت انو الانتباه صعب يصير عائم و مشتت في نفس الوقت :arrow:
اقتباس:
بمعنى أنو نوعية الإنتباه اللي موليه الرسام لفكرتو هو عائم ومشتت
"يعني درجة إنتباه أقل بإتجاه الواقعية وأكثر باتجاه الخيال
لاحظي انو هون نحنا منتفق على نقطة وحدة على اعتبار الافكار الي حابين نطرحا بتمثل الواقعية و الخيال بيدخل فيه درجة أكبر من الاحساس و المشاعر ..
اقتباس:
انو فعلا الانتباه العام و المشتت بيحافظ على المبدأ أو الفكرة الي حابين نطرحا وبنفس الوقت بيسمح لمساحة أكبر من الاحساس و المشاعر في اللوحة
اقتباس:
وبالنسبة لرسوماتك فما بكفي تقولي إنك بترسمي...ما أي رسم بيتحلل وما أي رسام بيعكس نفسو وشخصيتو وأفكارو بالرسم
بعض الناس المسألة عندن مسألة قدرة عالتحكم بالقلم وموهبة بتجميل الموضوعات والأشكال... وما بعبرو عن شي جواتن بالرسم وإن رسمو شخصيات بتهمن
و يمكن انتي هون عدتي نفس الملاحظة الي توجهتي فيها للينا و انا رح عيد نفس الرد تقريبا ... اني لما كنت عم احكي عن رسوماتي فبالتأكيد أنا ما بيعني رسومات الكاريكاتور و الشخصيات الكرتونية (مع اني بآمن انو ممكن تعكس شي بشخصيتنا بطريقة ما ) ... أنا أكيد عم احكي على الرسم الي بيتمثل بالرموز و الألوان .. ( يعني الرسمات الي بدها صفنة طويلة و احساس عميق متبادل بين المتذوق و الرسام من خلال اللوحة و فضول لفك رموز الاشكال و الالوان من قبل المتذوق لحتى ينفهم مغزاها )...
الكاتب:  Lina [ الأحد فبراير 28, 2010 12:39 am ]
عنوان المشاركة:  الرسم والعلاج النفسي
الملاك,
*1
اقتباس:
كنت أقرا من زمان عن طريقة استشفاف مشاعر الطفل وطريقة تفكيرو من خلال رسوماتو
وطبعا الرجوع لرسومات الاطفال هو اكثر طرق التحليل والعلاج النفسي المستخدمة عند الاطفال..
اقتباس:
فكان مثلاً رسم إشارة إكس بنص لوحة كبيرة وحولها مجموعة ومن الدوائر بقلب بعضا...يعني دائرة بقلب دائرة بقلب دائرة وبالمركز إشارة الإكس...ومنقول للطفل "الصغير واللي لسا ما بيحكي" هادا أنت ومنأشر عإشارة إكس
ومنطلب منو يرسم ماما...وبابا...وأخوه أو أوختو أو أو أو....
الطفل رح يرسم بشكل هلامي " دائرة أو شكل غير محدد" ويقول هاي ماما وهادا بابا...بس حسب قرب موقع الرسمة من إشارة إكس منعرف مدى تعلق الطفل بأبوه أو أمو...ومدى اهتمامن فيه
والحقيقة أنو بعض الأطفال اللي أهالين مطلقين رسموا إما الأب أو الأم خارج نطاق الدوائر حتى...وهادا كان دليل أنو التجربة ناجحة وحقيقية
بالضبط والشي الزيادة اللي رح قولو هو بالنسبة للأطفال اللي عندون قدرة شوي أكتر من تصوير الأشكال بشكل هلامي..يعني الاطفال اللي بيقدرو يرسمو وش ورجلين والخ...أي..الأطفال اللي بيقدرو يرسمو... هدول الأطفال يمكن تحليل نفسيتون وايجاد العلاج لمشاكلون من خلال تحديد عدد الدوائر الموجودة برسمتون واللي الها تفسير غير تفسير المربع وغير تفسير المثلث ...وهيك..يعني كل شكل هندسي أو غير هندسي الو تفسير مختلف عن باقي الأشكال
اقتباس:
1- الفنان "والرسام تحديداً" شخص مانو عادي
2- بيقدر يسيطر على واقعو العملي المكبوت...بحرية تشخيصو للأفكار بالرسم.
الرسامين بشكل خاص هنن ناس الهون نظرة خاصة للجمال بتختلف عن باقي الناس لذلك منشوف كتير منن بيلبسو بطريقة غريبة والهون عادات غريبة ما منقدر نفسر ليش موجودة عندن..بس هي موجودة عندن لأنن بيشوفو مناطق جمالية أكتر مما بشوفا الانسان العادي..وياريت ابقى شوف متلون
بس هادا مانو موضوعنا...
النقطة اللي بدي اذكرا هون هيي انو الانسان بالرسم ما بعبر بس عن مكنونات صدره أو الأمور اللي ما بيقدر يحكيا...لأ..قسم كبير من الرسم بيستخدم للتخلص من المخاوف والاوهام اللي بترافق كتير من الناس ومن ضمن هي الأمور والأكثر أهمية بينا هيي الأحلام..بمعنى..اني اذا حلمت بكابوس مريع جدا وضليت خايفة اني شوفو..وسائت حالتي بسبب هالشي فأنا بجيب ورقة وقلم وبرسم الشي اللي شفتو والشي اللي مخوفني..بعد ما انتهي من الرسم بلاحظ انو الخوف اختفى تدريجيا عندي..وهي الشغلة نافعة جدا وعن تجربة شخصية بقلكون انو بتساعد الشخص الخائف على التخلص من خوفو سريعا..وكمان شغلة..لما منحلم بأمور مستقبلية...ممكن نرسما...لما منرسما...تصورو انو نشاطنا رح يزيد وفرصة تحقيقنا للهدف رح تزيد...ليش؟؟
هون بقى ما بعرف :mrgreen: بس بظن لأنو هالشي بزيد تعلقنا بالحلم وبالتالي رح يزيد شغلنا وتعبنا لتحقيقو..
اقتباس:
الرسم المقصود هون هو الرسم التشكيلي
شو يعني الرسم التشكيلي؟؟

Safa alaasi,
اقتباس:
فمثلا بيوقف الرسام قبال وردة أو جبل أو طفل و ممكن يتأمل فيهن ساعات و بيتشوفي بعيونو نظرات التعجب و التعمق و
هادا اللي قصدتو بانو ألهون نظرة مختلفة للجمال :wink:
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/