ابراهيم محمد,
أنا بطلت اشتري كردت كارد إذا هيك
خلينا عالكاش أظبط خيو
لك عراسي برهوم........مشكور عالموضوع الظريف
| آرتين لتعليم اللغات https://forum.art-en.com/ |
|
| مستقبل خدمة العملاء في سوريا https://forum.art-en.com/viewtopic.php?t=19748 |
صفحة 1 من 1 |
| الكاتب: | ابراهيم محمد [ السبت فبراير 13, 2010 2:19 pm ] |
| عنوان المشاركة: | مستقبل خدمة العملاء في سوريا |
مستقبل خدمة العملاء في سوريا عام 2060 ذات مرة أراد رجل أن يتصل بمحل بيتزا ليطلب خدمة التوصيل للمنازل فرد عليه وظف استقبال الطلبات ودار الحوار كالتالي : الموظف : نشكركم على اتصالكم , ببيتزا هَت، تحت أمرك أستاذ الزبون: فيني أطلب؟ الموظف : ممكن تعطيني رقم الكردت كارد تبعك لو سمحت؟ الزبون: ماشي.... لحظة وحدة .. 6984554610 الموظف :حضرتك الأستاذ خالد و عم تتصل من العنوان شارع الراحلة نانسي عجرم بمنطقة المالكي بالشام ورقم تليفون بيتك 0119632147 الزبون : والله شي ظريف !.. كيف عرفت كل هل المعلومات؟ الموظف : هاد النظام الجديد يللي إعتمدناه عنا بالشركة الزبون: أيوووااه ...أوكي .. بدي أطلب بيتزا سي فوود من فضلك الموظف : ما بنصحك أستاذي فكرة غير جيدة الزبون: أوف ليش؟ الموظف : من بطاقتك الصحية قدامي بيتضح أنو معك ارتفاع في ضغط الدم وارتفاع في معدل الكوليسترول الزبون: شو!!!.. ممم.. طيب شو بتنصحنا؟ الموظف : بنصحك ببيتزا المشروم خفيفة الدسم و رح تعجبك جدا الزبون: وليش بقى واثق إنها رح تعجبني !!! الموظف : لأنك اشتريت كتاب من معرض الكتاب مؤخرا اسمه: ألذ المأكولات المشروم.. من مكتبة الأسد بالأسبوع الماضي الزبون: ايوه ايوه.. أوكي .. رح أطلب منها وحدة .... حجم عائلي، الموظف : بعتقد إنك لازم تطلب وحدة تانية ... وحدة غير كافية لعائلتكم المكونة من 6 أفراد، فالمجموع بيطلع عليك 700 ليرة بس أستاذ عندك مشكلة للأسف الشديد مارح تقدر السداد بالائتمان ولابد أنك تسدد المبلغ نقداً لأنك مديون للبنك بمبلغ 37220.55 ليرة من تشرين الماضي فواتير بطاقتك الإتمانية و سكروا عليك حسابها غير القرض الأخير يللي عليك من البنك للشقة الجديدة الزبون: طيب رح بسحب من الماكينة القريبة من بيتي لبين ما توصل البيتزا الموظف : كمان بعتذر من حضرتك إستاذ ...ما رح تقدر ..لأنه وفقاً للبيانات قدامي فإنك اليوم سحبت الحد الأقصى المسموح فيه من رصيدك كاش ..و ما حا تقدر تسحب اليوم أي مبلغ نقدا من ماكينة الصراف الزبون: ايييييه أي والله، أخي بعات الولد وانا رح بعطيه كاش وأديش بتاخدو وقت مشان نعرف الموظف : حوالي 45 دقيقة أستاذ ، بس إذا ما بتحب تنتظر كل هالوقت ممكن تتفضل حضرتك بسيارتك الكيا البيضا الجديدة الزبون: شووو؟؟؟؟؟ الموظف : وفقاً للبيانات الموجودة قدامي فإنك اشتريت سيارة كيا جيب بيضا ، رقم اللوحة : دمشق 125496 الزبون: انت موظف سا.. و وقـ.. و رح أشتكي عليك يا.. الـ الموظف : عفوا أستاذ ...انتبه لكلامك منيح ....لا تنسى أنو عندك قضية بسبب أنك شتمت ضابط مرور بألفاظ نابية بتاريخ 15 آب الماضي متل مو واضح قدامي من بيانات حضرتك الزبون: ...........العمى؟ الموظف : بتحب أخدمك بشي تاني أستاذ ؟ الزبون: لا لا سلامتك ولاشي بس البيتزا بالمشروم بالحجم العائلي مع البيبسي كولا المجانية يللي مع كل وجبة بيتزا ...، العمى ..شو هادا خدمة زبائن ولا فرع مخابرات.... الموظف : الحق معك .. بعتذر ما بقدر أبعت لحضرتك البيبسي المجانية ...نحن عادة منقدمها للزبائن يللي ما بعانوا من مرض السكر ... ولكن متل مو واضح قدامي بيانات حضرتك بتظهر إنك مريض بالسكر الزبون: أخي ألغي هالطلب كلووووووو ... ما عاد بدنا نتزهرم ضراب السخن ... قومي يامرة انقبري واطبخي . ****************** |
|
| الكاتب: | Wissam [ السبت فبراير 13, 2010 5:05 pm ] |
| عنوان المشاركة: | مستقبل خدمة العملاء في سوريا |
ابراهيم محمد, أنا بطلت اشتري كردت كارد إذا هيك خلينا عالكاش أظبط خيو لك عراسي برهوم........مشكور عالموضوع الظريف
|
|
| الكاتب: | Mohammed [ السبت فبراير 13, 2010 6:17 pm ] |
| عنوان المشاركة: | مستقبل خدمة العملاء في سوريا |
حلووووووووو .... يعني ممكن نستفيد من المخابرات لأغراض سلمية بالأضافة للمهمات الأمنية حلوة كتير الفكرة بكرا بفوت سجل عضوية بشي منتدى بطلعلي ملاحظة : يرجى منك يا استاذ Mohammed انك تتهعد ماتعلق ولا تحكي ولا تفكر تنزل لا مواضيع ولا ردود الها علاقة بالسياسة متل اللي عم تنزلها بمنتدى أرتين كل كم يوم والتاني ما ناقصنا مشاكل هه أوافق على الشروط لا أوافق على الشروط |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|