رااااا ئع موضوع يستحق كل المناقشة فعلا . ..و لي عودة للمناقشة إنشاء الله

(لا فضل لعربي على أعجمي إلا بالتقوى)
(لا يسخر قوم من قوم عسى أن يكونوا خيرا منهم و لا نساء من نساء عسى أن يكن خيرا منهن )
باختصار!!!! إن الحكم الوحيد على أي شخص هو سلوكه و أخلاقه, ربما سيحكم البعض علي الآن بأني أقول مثاليات لا وجود لها, لكن صدقا لا أستطيع أن أحكم على أحد إلا بعد مرور فترة من التعامل معه و أختبار صدقه في كثير من المواقف.
لذا فالمدينة ليست أفضل من الريف ..و كذلك الريف ليس أفضل من المدينة فكلاهما يحتوي الصالح و الطالح
أما بالنسبة لنظرة المجتمع ككل فلا يمكن تجاهلها بسبب إنتشارها الواسع و المسيطر على عقول الكثيرين, و هذا يعود غالبا كما قلت يا أنس يعود بالدرجة الأولى للمنزل و وسائل الإعلام أيضا ساهمت بشكل فعال بنشر هذه الأفكار المغلوطة عن التفرقة بين الريف و المدينة.
بالنسبة لي فأنا أرى أن بعض أهل الريف لاتزال تحكمهم الطبيعة أي أنهم متمسكون بتقاليدهم المرتبطة بطريقة العيش و البعض الآخر قد تطور بشكل متزامن مع تطور أهل المدينة و الدليل أجده مثلا في المجال الدراسي فهناك العديد من المتفوقين في دراستهم بشكل مميز وهم من الريف....
لكن هذا لا يعني أن أهل المدينة جميعهم يحملون أفكارا منفتحة, بل هناك من هو متخلف بأفكاره أيضا وهو من المدينة نفسها و كذلك عندما يحكم هذا الشخص على ابن الريف بالتخلف قبل أن يتعرف على شخصيته الحقيقية فهذه من علامات التخلف أيضا.
التمييز بين أبن المدينة و أبن الريف(و بين المحافظات و حتى البلاد عموما ) هو حالة مرض إجتماعي و السبب يعود لاهتمام (الشعب العربي بشكل عام) بالمظاهر الخادعة و التباهي بالأصول و الأجداد. لا أدرى لماذا يصر البعض على إطلاق الأحكام على أهل منطقة ما.
و في النهاية الناس كلهم سواسية و الحكم الوحيد بينهم هو الأخلاق و الضمير و ليس من أين جاء و من هي عائلته.... ;كلام صحيح للأسف

أنس اشكر طرحك لهذا الموضوع الهام و تقبل مروري ..

أنس الدالي,
مممم ليش ما قلت مثلا :
مما لا شك فيه أن هناك العديد من العيوب والسلبيات في سلوك أبناء المدن وفي مظهرهم أحيانا، وهذا لا يعني نفي العديد من تلك الصفات عن ابناء الريف
ولكن الا ينبغي الامعان في نعتهم بالتخلف والجهل؟؟

طبعا هون وهون ما بتفرق...الطرفين في الهون ايجابيات وسلبيات
وبالنسبة للتخلف فأنا بأكدلك من خلال عيشتي بالريف انو أكثر الناس ثقافة قابلتون هون بالريف مو بالمدن وحتى أشد انسان أناقة بنظري كمان ريفي
الحديث هون ما لازم يكون عن ضيعة وللا بلدة وللا مدينة...هون الحديث(المتعلق بالتعلم والجهل والمظاهر) بظن لازم ننزل درجة ونصير نحكي بمستوى العائلة ونظرة كل عيلة للعلم والمظهر وهيك أمور يعني مكان الإقامة أو البيئة اللي عاش فيا كل شخص ما كتير الها هالتأثير بهيك أمور لا تستخدم كلمة كبرياء للدلالة عال(كِبْر) لأنو الكبرياء صفة ايجابية بظن موجودة بكل انسان...وبالنسبة لأهل المدن اللي بيعتبرو حالون هاي كلاس قدام أهل الريف فهدول بشكلو أكبر مصدر للسخرية والضحك بنظري
يعني هلا شو فرقت معك لأيمتى
احتمال اني باكل بيتزا ب3 أصابع أما المدني بياكل البيتزا بالشوكة
هاد فرق بس ما بعرف اذا في فروق تانية

ما فهمت هالجملة كتير بس حسيتك فهمت جملتي غلط
ما علينا رح عيد الصياغة
برأيك معاملة شخص عايش بمدينة كبيرة لشخص ريفي بفوقية تامة وغرور بس لأنو هاد قاعد بالمدينة وعم يغتر فقط بمكان إقامتو...هادا الشي مانو مثير للضحك؟؟
اي أنا بفرط الضحك ...

موضوعك حلو أنوس ويعطيك ألف عافية "بحب المواضيع الي بتخص المجتمع"
بظن انو وضحتو الفكرة انته ورنا ولينا
بس في مسألة انو التعليقات على فلان وعلتان والتدئيئ عليهن يمكن ما عادت تتعلئ بئنو والله هاد ابن مدينة ولا هاد ابن ريف لك دخيلك في ناس عايشة بنص المدينة ومامعها تاكل حتى

المسألة صارت تشمل محافظات بحد ذاتا
يعني بتسمع مثلاً:
اعذروني على هالكم جملة بس حابب الي ما بيعرف يعرف-شوف هاد حلبي يئطع عمرو هو وحلب
-شعب الرقة ما يترقى
-وليييي هاد شامي بندوء وسلبة ومنعنع يئبش بعضو ومدري شو
-إدلبي "طوووووووووووووووووووووووووووووووووووووووووووووووووووووووووط"
-ولي هاد لادقاني هربو هلأ بقوصنا
-ديري (دغري بيلقي عليه تسمية شاوي يلي لهلأ ما عرفنا لشو بترمز وعلى فكرة أعز صديق عندي ألز شاوي بعرفو هههههههه شب مميز بكل معنى الكلمة وشاعر من الدرجة الأولى)

أكيد تحياتي لكل المحافظات السورية من الشمال للجنوب والكلام هاد حطيتو لبين الي عم ينحكى والي أغلبكن سامعينو لأنو بيتردد على طول والواحد صار يعطي حكم عام مباشرة على مجموعة من البشر بئنهن ما بيسوو أو شي من هاد من دون ما يعاشرهن ولا يعرف شي عنهن غير الكلام الي سمعو من إنبع وزنبع

والأضرب من هاد كلو انو صار الحكي هاد يتمادى ليمس الدين ببعض الأحيان
كلو أكيد بسبب التربية التعبانة والبيئة المحيطة والمصابة بنفس المرض وعم توجه سلوك هالمسيئين

عندي أصدقاء الحمد لله تقريباً من كل المحافظات السورية -ريف ومدينة- ومن مختلف الطوائف واكيد كل الناس خير وبركة ولكن البركة للأسف بالتفكير عم تخس وتكش وتنكمش وتتقلص وتنمعس

بالنهاية تحياتي لإلكن بتمنى يكون كلامي بمكانو الصحيح وما كون أسئت لحدا

أنس الدالي,
موضوع مثير للجدل .. يطرح فكرة اجتماعية تحتاج للنقاش





لي عودة طبعا