لاحظت شغلي
ليش جميع الاديبات العربيات من دون استثناء
لديهم نقمة على الرجل
ابدونا ب ارائكم النيرة
| آرتين لتعليم اللغات https://forum.art-en.com/ |
|
| معضلة الاديبة و الروائية العربية الشرقية https://forum.art-en.com/viewtopic.php?t=19593 |
صفحة 1 من 1 |
| الكاتب: | قاسم عيسى [ الأربعاء يناير 27, 2010 11:45 pm ] |
| عنوان المشاركة: | معضلة الاديبة و الروائية العربية الشرقية |
لاحظت شغلي ليش جميع الاديبات العربيات من دون استثناء لديهم نقمة على الرجل ابدونا ب ارائكم النيرة |
|
| الكاتب: | سحر [ الخميس يناير 28, 2010 1:59 am ] |
| عنوان المشاركة: | معضلة الاديبة و الروائية العربية الشرقية |
معون حق مية بالمية 
|
|
| الكاتب: | قاسم عيسى [ الخميس يناير 28, 2010 11:32 pm ] |
| عنوان المشاركة: | معضلة الاديبة و الروائية العربية الشرقية |
اوكي بس ليش؟ 
|
|
| الكاتب: | Safa alaasi [ الجمعة يناير 29, 2010 3:12 am ] |
| عنوان المشاركة: | معضلة الاديبة و الروائية العربية الشرقية |
طب أنا رح قول ليش من وجهة نظري و قد تكون صحيحة و قد لا تكون لأنني ماني مرتكزة على حقائق أو مقولات حية من أديبات شرقيات...  أنا برايي انو في كتير اديبات بيدافعو عن الظلم بشكل عام متل ظلم الفقر و ظلم التفريق العنصري و ظلم السياسة .. و ظلم التعسف الديني ... و من ضمن هالظلم ظلم الرجل للمرأة بحكم أن الرجل بمعظم الأحيان عندو قوة دينية أو مادية أو جسدية أكبر من المرأة و بالتالي في بعض الرجال بيستخدمو هالقوة لتكون سلطة متعصبة اتجاه المرأة .... و ما فينا ننكر انو نسبة الرجال الطغاة في العالم أكبر من نسبة النساء ( فرعون ...هتلر ... راسبوتين ...الخ ) و في دعاء مسنون بيقول ( .. اللهم إني أعوذ بك من الهم والحزن والعجز والكسل والجبن والبخل وغلبة الدين وقهر الرجال ) إذا الأديبة عندها ذريعة قوية أولريدي ضد الرجل  إذا بعض الأديبات و أكيد مع شوية استثناءات الي بيتحاملو بشكل هائل على الرجال ما عم يتحاملو على الظالمين منهم فقط و انما على الذكور بشكل عام ليييييش ؟؟  لأنن ببساطة عم يبحثو عن الحرية المطلقة و أكبر عائق للحرية بوجهن هوي الرجل لأنو مجتمعنا كلو ذكوري فهنن عم يحاولو يكسرو قاعدة الذكورة السائدة .... و فينا نقول كمان انو هيي طريقة ناجحة أو نجحت كتير للفت النظر ... يعني الكاتبة لما بتطرح أفكارها بكتاباتا ضد الرجل فهيي عم تلفت نظر المرأة المقهورة من قبل رجل أو المرأة العادية بإنها تعشعشلا بمخها انها هيي مقهورة بمجرد انها عايشة تحت ظل الرجل أو في كنفه ... و عم تلفت نظر الرجل الي راح يحس انو في هجوم و تحامل على رجولته و الي هوي بيعرف كتير منيح اشقد هوي عندو صلاحيات من خلال رجولته فقط ... و هيك بتنجح الكاتبة من خلال هالمقياس بجذب المجتمع كلو ....  و فيني اذكر هون كتاب نسيان لأحلام مستغانمي ... كانت كاتبة عليه انو ممنوع للرجال ... بس الحقيقة إنو القراء كانو مناصفة مع النساء للكتاب ... و الشي الي اشهدتو شخصيا لما كنت بالبحر الصيفية الماضية بالشاليه الي جنبنا رجل ستيني جايب الكتاب أول ما طلع و عم يقراه و بعد شوي ابنو مسك الكتاب ... و الملفت انو ما شفت حدا من بناتو مسك الكتاب  يعني بالمختصر المفيد نقمة الأديبات على الرجال هي وسيلة لإنجاح الكاتبة ... بس عفكرة أنا بعتقد انو هيك وسيلة راح تضمحل يوما ما 
|
|
| الكاتب: | قاسم عيسى [ الجمعة يناير 29, 2010 1:59 pm ] |
| عنوان المشاركة: | معضلة الاديبة و الروائية العربية الشرقية |
انتي ذكرتي سبب رئيسي من الاسباب الكتيري من احد الاسباب وما رح ازكرا كللا هلء ضيق افق الكتاب العربي و الكاتبة العربية بشكل خاص شو اصدك انو رح تزول هل ظاهرة يعني انو الرجال رح يتفهمو الانثى و يعطوا حريتا؟ |
|
| الكاتب: | قاسم عيسى [ الثلاثاء فبراير 02, 2010 11:52 pm ] |
| عنوان المشاركة: | معضلة الاديبة و الروائية العربية الشرقية |
في شي مهم ب نفسية المرأة الكاتبة و الغير كاتبة حياة الانثى لها 3 مراحل ة المرحلة النهائية هي التي تجعل من الاديبة بل نسبة للشرقيات ناقمة عل الرجل المرحلة الاولى هي: الجنون بكل معانيه الجميلة و المغامرة المرحلة الثانية هي : القيام ب امور سيئة من كل النواحي المرحلة الاخيرة : الحزن حزن المرأة الشرقية بل عموم و الاديبة بل خصوص - ينقلب نقمة عل الرجل شكرا |
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|