آرتين لتعليم اللغات
https://forum.art-en.com/

دورة ICDL English صباحية
https://forum.art-en.com/viewtopic.php?t=19540		 صفحة 1 من 5
الكاتب:  Portia [ الأربعاء يناير 20, 2010 12:11 pm ]
عنوان المشاركة:  دورة ICDL English صباحية
بسم الله الرحمن الرحيم
السلام عليكم :

منذ فترة ابحث عن معهد اجد فيه دورة ICDL تُعطى بالانكليزية , لكن جميع من مررت بهم كانوا يجيبوني ب :

انو كتير قلال الناس اللي بيطلبو الدورة بالانكليزي , فمشان هيك صعب و ما بنظن حتلائي الا اذا جمعت شي ستة او تماني على الاقل

لكن من عدة ايام قرأت عن دورة ICDL و بالانكليزي بمعهد كتير لئيتو ظريف , مواصفاتو و الكادر , شي بيشجع

لكن مشكلتي كانت مع الوقت , معظم اوقات الدورة تبدأ تقريباً قريب المسا , لكن سألت انو اذا بلائي بكير فمافي الا كمان اذا بلائي عدد هنن بيريدو الدورة تكون الصبح .

ففي حدا عندو رغبة يعمل دورة ICDL English صباحية *, يبعت رسالة خاصة , و بنعطي تفاصيل عن المعهد .

الدورة بتكلف 7000 ليرة مع الكتاب , على دفعتين اول الدورة , و التاني بعد مضي منتصف الوقت

مدة الدورة تقريباً شهرين , تبدأ آخر هذا الشهر .

و طبعاً بالنسبة الي : الأفضلية للإناث *sla

.................

ملاحظة : يعني يا جماعة الانكليزي , معقولة نحنا انكليزي و بتقبل تعمل الدورة بالعربي , هي ملاحظة كتير غريبة لاحظتا بطلابنا اللي عم يعملو الدورة .


ــــــــــــــــــــــــــــــــ

* صباحية : يعني شي تماني الصبح , واذا كان سبعة سبعة ونص بكون أحسن .....بس طبعاً مو شرط هي بترجع الى رأي الجماعة .

....................................
الكاتب:  فارس [ الأربعاء يناير 20, 2010 8:21 pm ]
عنوان المشاركة:  دورة ICDL English صباحية
Portia,
وعليكم السلام .

أشجع الجميع أيضاً على تقديم امتحانات شهادة الـ ICDL باللغة الانجليزية , حيث أنه يكتب على الشهادة ما هي اللغة التي تم تقديم الفحص بها , بالإضافة إلى ان المنهاج المعرب للدورة فاشل جدا كتعريب و يجعل فهم البرامج اصعببكثير .


مررت هنا لأنصح بعدم القيام بالدورة الا إذا كان من يود القيام بها هو أمّي أساساً بالكمبيوتر . بينما أرى أنكِ تستخدمين الكمبيوتر و الانترنت بسهولة , فهذا يعني أنك قطعت نصف الطريق .
قد قمت بتقديم الامتحانات بدون أي دورة , معتمداً على الكتاب فقط في مادتين أو ثلاثة . ليس لأنني أستخدم الكثير من البرامج و لدي علم بها مسبقاً , بل لأن المطلوب في الامتحانات هو رؤوس أقلام و سطحي جداً .

ليحصل أحدا على الشهادة , يحتاج إلى النجاح بالامتحانات السبعة بمعدل أكثر من 75% :
و الامتحانات تكون في مدى معرفة الشخص لبعض البرامج , و هي :
1 - مايكروسوفت وورد
2 - = اكسل
3 - = بور بوينت
4 - = أكسس
5 - = أوت لوك و الانترنت
6 - IT : information tichnology
7 - الويندوز

أسئلة الامتحانات معدودة و لم تتغير منذ سنوات
لدي عدة نماذج امتحانات لكل مادة يمكنني تزويدكم بها , كما أنني مستعد إلى الإجابة على أي أسئلة عند دراستكم للكتاب الخاص بالشهادة , يمكنكم الحصول عليه بدون إجراء دورة

المهم , مافي داعي للدورة :mrgreen:

تمنياتي بالتوفيق
الكاتب:  ضيا & زين [ الأربعاء يناير 20, 2010 11:44 pm ]
عنوان المشاركة:  دورة ICDL English صباحية
لازم الواحد يعمل دورة الكمبيوتر للبرامج المهمة متل اوفيس وفوتو شوب ....الخ

شكرا لالك
الكاتب:  Portia [ الخميس يناير 21, 2010 11:06 am ]
عنوان المشاركة:  دورة ICDL English صباحية
السلام عليكم :

فارس :

بصراحة سبق لي ان حضرت درس في احدى المعاهد , و بصراحة وكما ذكر , ما لئيت في شي جديد عليي بنوب

بس قالوا انو مادة " IT " شوي صعبة , مع انو حسب الوصف حسيت انها سرد معلومات و مواصفات عن جهاز الحاسوب , يعني كأنها مادة حفظية .

بس بئى اذا قررنا انو مانعمل دورة , بيمشي الحال نجيب الكتاب من المعهد و سجل انو بدي اعمل امتحان , لأنو المعهد نفسو مركز لامتحان ال ICDL

شكلو بدي اسأل :?:

و شكراً جزيلاً عالنصيحة , واذا اعتمدنا ومشي الحال , حتساعدنا أكيد بالأسئلة .

.............

ضيا & زين :

بالنسبة لي من زماااان عاملة دورة اوفيس , بس ما عملت فوتوشوب للاسف

وشكراً لمرورك و تعقيبك *1

...........................................
الكاتب:  عصام [ الخميس يناير 21, 2010 2:57 pm ]
عنوان المشاركة:  دورة ICDL English صباحية
Portia,
ايــــــــــــــــــــــــــــــــــــــــــــــــــــــه
ترا انا سالت كتير رفقاتي اذا حدا بيعملها انكليزي وكلو يقلي بعدين وبس نفضا :roll:
قمت قلتا رح اعملها لحالي
وكنت ناوي اعملها من اسبوع مضى
بس فارس واكتر من شخص قلولي انو مافي داعي الها وانو بس اقرالها بالبيت وخلصنا *ممم
اقتباس:
و طبعاً بالنسبة الي : الأفضلية للإناث
خلص خلص بطلت اعملها :?
بس انو اذا مافيها سئلة تبعتيلي اسم المعهد وشو عندك معلومات بركي قلبت عقلي :mrgreen:
الكاتب:  Portia [ الخميس يناير 21, 2010 5:06 pm ]
عنوان المشاركة:  دورة ICDL English صباحية
السلام عليكم :

و الله كان عندي و مازال رغبة بعمل دورة , للتغيير , واهم شي الواحد بيطلع بغير جو .

الشغلة التانية هي انو الدورة بالانكليزي بدها الواحد يتفاعل و يتعلم المصطلحات الجديدة

بس حد هلأ ما بعرف .....بصراحة مبارح سافرت و طول الطريق عم فكر تزبط فكرة الصبح

من كل قلبي متمناية اعلق بشي صباحي و صباحي كتير حتى يتثنى النا نطلع و نستغل اليوم من اولو بشي مفيد

و الصبح غير حياة ..

بالله يا جماعة , اللي بحب يسجل بهي الدورة و تكون الصبح , يحكي .....بالله بلكي بنجمع شي تمانية حابين يسجلو الصبح

فارس :

يا ريت كنت اقدر طبق نصيحتك , بس الشي اللي ذكرتو , اعلاه , غالبني و الله ......و كتييييييييير دايئ خلئي .

....................
الكاتب:  Portia [ الاثنين يناير 25, 2010 12:16 pm ]
عنوان المشاركة:  دورة ICDL English صباحية
السلام عليكم :

من يرغب تسجيل دورة ICDL English صباحية , علماً انها قد تبدأ نهاية هذا الشهر و مدتها حوالي شهران ان لم يكن اقل .

عالساعة 8:00 صباحاً او بعد شوي , حسب ما تتفقوا .

1- Portia

2- ؟

3-

4-

5-

6-

7-

8-

اللي بيرغب التسجيل صباحاً يا ريت يسجل اسمه .

........................
الكاتب:  Mazen Aloush [ الثلاثاء يناير 26, 2010 4:01 am ]
عنوان المشاركة:  دورة ICDL English صباحية
[align=center]Portia
فكرة كتير حلوة والله
أنا كنت بدي قدمها بالإنكليزي والله بس كمان ما لقيت حدا يقدمها معي غير الأستاذ اللي كان عمبدرسنا بالمعهد
بس ما طولت كتير بالمعهد لأنو الدورة كانت طويلة كتير
قدمت الويندز والوورد والأكسل ونجحت فيهم كلهم فوق التسعين بالعربي :arrow:
بس بالصراحة ما كملت لأنو حسيتها بايخة وما زادتلي معلوماتي شي
لذلك شلت عيني عنها لفترة وهالحكي من شي سنتين
بس انشالله بس افضالي شوي بدي كملهم وآخد الشهادة لأنو ما بتضر :!:
وانشاالله اذا صحلي عالم يقدموها بالأنكليزي راح قدمها معهم
واذا بتحتاجي شي فيها أنا جاهز
عندي كتير أسئلة عنها وأغلبيتهم عميتكرروا
وعندي الكتاب بنسختو العربي والإنكليزي بكتاب إلكتروني
بالتوفيق
وانشالله بتلاقي اللي يعمل هالدورة معك *1 *1 *1 *1 *1 *1[/align]
الكاتب:  ابراهيم محمد [ الثلاثاء يناير 26, 2010 4:12 am ]
عنوان المشاركة:  دورة ICDL English صباحية
Portia,

بالتوفيق يا رب وان شاء الله بتلاقي حدا يسجل معك

تحياتي *1
الكاتب:  Portia [ الثلاثاء يناير 26, 2010 12:37 pm ]
عنوان المشاركة:  دورة ICDL English صباحية
السلام عليكم :

Mazen Aloush :

شكراً لك , ممكن نطلع على الكتاب الالكتروني , النسخة الانكليزية .

ابراهيم محمد :

الله يختار الخير , شكراً لمرورك

......................
صفحة 1 من 5 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/