هذه الصورة التقطت للطفل أثناء المجاعة في السودان عام 1994 أكيد كتير منكن شافوا من قبل...
ورا الطفل في صورة النسر اللي بيتغذى عاللحوم الميتة والطفل كان عم يزحف للمخيم اللي بيبعد
كيلو متر عنو والمصور اللي التقط الصورة (كيفن كارتر) انتحر بعد 3 شهور من فوز الصورة بجائزة بولترر العالمية...بسبب
الكآبة اللي بتضما الصور واللي هزت العالم ....
شو رأيكن فيا؟؟؟

........ والله منيح اللي تحمل عقلو هيك مشهد

المشكلة .. انو رغم هالصور ما في اي تحرك فعلي ..
الحروب مستمرة ، السيطرة من جهات أعلى كمان مستمرة
المساعدات يا بتوصل لهنيك مناطق يا لأ
بمعنى تاني .. المجاعات :: مستمرة

Lina,
شكرا كتير عزيزتي ، لازم نشوف هيك شي لنحمد ربنا ع النعم اللي نحن فيا

لا حول ولا قوة إلا بالله..

هدى,
كلامك مزبوط هدى مية بالمية ...يمكن بهيك صورة منتذكر انو ما نشكي لما منلاقي أكلة ما منحبا عالغدا أو لما أهلنا بيشترولنا قطعة من ماركة ما بتعجبنا...
استغفر الله
أحمد الدالي,


وهي صورة تانية لنفس المصور يللي هلا بنظري بعتبرو مجرم

لينا والله يعني مجرد شوفة النسر جنبو ما بعرف شو عملت فيني


وكيف زبطتت معو وعم ينتظرو يموت معناها هو انتظر قبل واكل اطفال كمان

بحياتي ما كنت صدق انو حدا مات من الجوع وانو هاد مجرد مصطلح بس

الحمد الله نحنا عايش ب ألف نعمة من رب العالمين بس مو حاسيين
يعني ناس ميتة لتنحف حالها وناس ميتة من كتر النحف
بس المصور ماكان معو حق ينتحر كان لازم يضل عم ياخد هيك صور
ويفرجي الناس المأسي والظلم بالسودان

سحر,
تقريبا النسر ضل شي 20 دقيقة ناطر الطفل يللي هو عالأغلب بنت ...وواقف ناطر لحتى تموت...

Mazen Aloush,

Mohammed,
هادا السؤال هو نفس السؤال اللي سألتو لحالي...والجواب هو كالآتي
لأ ما ساوا شي وضل واقف وعم يتفرج عالطفل والنسر ليشوف شو رح يصير...
والأنكى من هيك انو بعد ما صور الصورة ولا حتى ساعدو للطفل...وهون صار في عنا سؤال انو معقول انسان بهالقسوة ممكن بعدين يحس بالفقر المآسي اللي بالكون وينتحر لأنو عقلو ما تحمل......ما بظن كمان...معناها سبب انتحارو بعتقد كان أكبر من هيك ...لنفكر بشكل أعمق...
ممكن الطفل يكون طلب منو المساعدة وهو ما رد...مشان ياخد (لقطة العمر) وطبعا طلب المساعدة مالو لغة...الانسان اللي بحاجتنا ببين عليه حتى لو حكا بلغة البارسيلتنغ...
شغلة تانية انو ممكن يكون هو شاف الطفل عم يمشي مثلا فقام اصطنع وضعية الطفل لحتى ياخد أشد أنواع المأساة والبؤس بصورتو...الموقف كلو من صنعو (طبعا ماعدا النسر).......................ويمكن ويمكن ويمكن...هادا كلو خطر ببالي وقت عرفت انو المصور ما ساعد الطفل وضل واقف عم يتفرج عليه...ولهيك قلت اني بعتبرو مجرم ...
لا حول ولا قوة إلا بالله

يمكن المصور ما ساعد الطفل بس لفت نظر كل مين شاف هالصورة وعطى درس صغير بأهمية النعمه اللي بين ايدي وايدكم
وبظن انو حول لأنو وصل الفكره
شو بدو يساوي غير هيك هي بلد مجاعه
يسلمو ايدين المصور عطاني درس صغير
وعلمني ساعد اذا شفت هيك شي