آرتين لتعليم اللغات https://forum.art-en.com/
سؤال صغير كتير.... https://forum.art-en.com/viewtopic.php?t=19495	صفحة 1 من 1

---

الكاتب:	madlin [ الجمعة يناير 15, 2010 9:25 pm ]
عنوان المشاركة:	سؤال صغير كتير....
انا عندي سؤال صغير من بعد اذنكم وبتمنى تجاوبوني عليه.... نحنا ادمنا مادة شعر عصر النهضة للدكتور جانسيز بحماه مأتمتة... و سؤالي هو: بصير بالاتمتة تلاعب بالعلامات؟؟؟ لأن انا حسبت علاماتي يا جماعة حتى في اسئلة ما كنت متاكدة صح ولا لاء ما حسبتون بالمرة مع العلم انو في منون صح مو كلون خطأ ومع هيك ما حسبتون طلع معي بنجح المادة وبجيب عالقليلة 70 ولا بتفاجأ انو بتطلع العلامات و راسبة بعيد العنكون عال48 انئهرت كتير وزعلت كتير لاني متاكدة من كتابتي مليون بالمية وكنت ناوية اعترض بس رفقاتي الولي شو بدك بوجعة هالراس ما بستفيد شي.. انتو شو رأيكون بستفيد اذا اعترضت؟؟؟ وممكن يصير تلاعب بالأتمتة؟؟

---

الكاتب:	Suzanna [ السبت يناير 16, 2010 12:44 am ]
عنوان المشاركة:	سؤال صغير كتير....
مادلين عنجد قصتك مزعجة و الله يعوض عليك بس يمكن انو ما تستفادي من الاعتراض أنا قدمت مادة مو مأتمتة , بس طلعت متأكدة مليونين بالمية من كتابتي و حملتها و قت حسبت العلامة طلع بعلم الله انو سؤال كامل مو مصحح و قدمت اعتراض مع العلم انو الاداريين يلي بالكلية قالولي أنو ما رح استفاد بس قدمت و فعلا ما استفدت بس واحد بيقول قدر الله و ما شاء فعل بالنسبة للتلاعب بالعلامات فالله و أعلم بس يا ترى أنت بتعرفي اذا كان توزيع العلامات متساوي و لا لأ ؟؟؟؟ بعتذر عالاطالة بتمنى كون فدتك ولا تنسي تخبرينا اذا صار معك شي وانشا الله حقك بيرجعلك

---

الكاتب:	Wissam [ السبت يناير 16, 2010 11:24 am ]
عنوان المشاركة:	سؤال صغير كتير....
madlin, والله حسب معرفتنا إنو الأتمتة بالذات ما بصير فيها هيك شي.....بس بصراحة ما بعرف شو بدي قلك.....والله صعبة الله يعينك ومشان الاعتراض عالأغلب ما تستفيدي شي بس المحاولة ما بتضر والواحد ما بيعرف شو بصير معو بالتوفيق

---

الكاتب:	Portia [ الأحد يناير 17, 2010 12:20 pm ]
عنوان المشاركة:	سؤال صغير كتير....
السلام عليكم : ليه مصرع* ما طعلت عندكم النتائج ؟؟؟؟؟ هلأ فيه شغلة انتبهنا الها العام الماضي بالاتمتة وهي : انو مو كل سؤال عليه علامتين حصراً , و الدليل انو كتير من علاماتنا كانت فردية ( 57 ) ( 53 ) فما بتعرفي يمكن في اسئلة حاطط عليها الدكتور تلاتة و غيرا علامة و بعضا علامتين و حسب كلامك يمكن يكون في شي اسئلة عليها شي سبعة و ستة و على هالمنوال , و الله اعلم بس بكل الاحوال , قدمي اعتراض , و عملي اللي عليك ..... و الله يختار الخير . ............................ *مصرع = ( ما + اسرع )

---

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/