آرتين لتعليم اللغات
https://forum.art-en.com/

طلب مساعدة
https://forum.art-en.com/viewtopic.php?t=19486		 صفحة 1 من 2
الكاتب:  wael-144 [ الخميس يناير 14, 2010 11:39 am ]
عنوان المشاركة:  طلب مساعدة
ياشباب نحنا طلاب حمص نقلنا ع حماة
بس الوضع بحماة غيييير عم احكي عالموظفين
المراقبين
وقت الفحص مقدس
بس لا بيراعو ولا طالب
الغانم بدو يفرض شخصيتو
خصوصي الانسات

تصورو هديك المرة سلمت الاسئلة وعم اسال المراقبة ليش بعض المواد بتعطو الاسئلة
وبعضها لا
تعرفو شو جاوبتني


"" اي وانا ما بدي ا عطي وصاحت رئيس القاعة علي وبدا تخانقني
انا فكرت انو الكلية ملك ابوها
غير الصرخات اللي بتصرخا المراقبات عالطلاب " سكتوووووووووو " مييين عم يطالع صوت
والضجة كلها من برة الله وكيلكم
وماحدا قادر يتنفس ويحطلهن حد


ياشباب بدنا حدا يساعدنا ويوصل صوتنا للقيادة بحمص زمشكورين
الكاتب:  فارس [ الجمعة يناير 15, 2010 3:39 am ]
عنوان المشاركة:  طلب مساعدة
wael-144,
أهلين أخي وائل .
بالنسبة للمشكلة اللي عندكم هي موجودة كمان بحمص ببعض المرقبين ولو انو نسبتهم قليلة .
الحل مو انو نقول لرئاسة الجامعة بحمص لأنو هيك بتكون انت عم تكب الشكوى بالبحر . بمعنى آخر مو شغلتهم هي .
بهيك حالة أول شي بتروح على "رئيس الدائرة " عندك بالكلية لأو هو المسؤول عن تصرف الموفين بشكل عام . ازا ما استجبلك او ما اخدها بعين الاعتبار , بتروح على النائب الإداري للعمي , كمان ازا ما استجاب بترو وقتها على عميد الكلية , و ازا ما استجاب وقتها منقدر نروح ع رئيس الجامعة .
الفكرة انو ازا رحت ع واحد قبل واحد حسب ما كتبتلك , فورا رح يبعتك عاللي قبلو و يقلك مو شغلتي , اما وقت بتقلو اي رحت ع اللي قبلك و قلي كزا كزا , وقتها بياخد الشكوى بعين الإعتبار .

بالآخر بدي قلك انو القادم أعظم مع الأسف , و انت ما تحط ببالك غير انو تخلص من الجامعة .
بالتوفيق *1
الكاتب:  Mazen Aloush [ السبت يناير 16, 2010 1:30 am ]
عنوان المشاركة:  طلب مساعدة
[align=center][quote]
بالآخر بدي قلك انو القادم أعظم مع الأسف , و انت ما تحط ببالك غير انو تخلص من الجامعة [/quote]
هالحكي أحسن شي
الله يخلصنا منها على أهون سبب *1 *1 *1 *1[/align]
الكاتب:  wael-144 [ الخميس يناير 21, 2010 8:47 pm ]
عنوان المشاركة:  طلب مساعدة
شكرا اخي فارس
ومازن
شكرا لكل الشباب
الكاتب:  abduldayem [ السبت يناير 23, 2010 4:20 pm ]
عنوان المشاركة:  طلب مساعدة
أخي الكريم معك حق

بس نحنا كمان لازم نعذر المراقبين شوي

يعني الله يساعدن

أنا جربت المراقبة و الله شغلة متعبة ومن أول النهار لآخرو عضيقة الخلاق الواحد ما بيعرف شو بيطلع معو

وكمان الطلاب بزيدوها شوي عالمراقب

وشكرا
الكاتب:  Mokhlef [ الجمعة يناير 29, 2010 9:50 pm ]
عنوان المشاركة:  طلب مساعدة
ياشباب الفرق كبير بين حمص وحلب انا كنت طالب من 1990- 1994 في كلية الاقتصاد بحلب والله العظيم كان المستخدم يحرم الطالب دورتين لابسط الاسباب
اما في حمص وخصوصا امتحانات الترجمة من 2004 وحتى 2009 والله الفرق كبير وخصوصا على دور الاستاذ مروان الحجي كان الطالب يفوت على الامتحان معزز مكرم ولايخلو الامر من بعض الموظفين اللي يحبوا يفرضوا شخيتهم لانهم ضعاف الشخيصية
احمدوا الله واتمنوا انو تخلصوا
بالتوفيق للجمميع
الكاتب:  حلواني [ السبت يناير 30, 2010 2:36 am ]
عنوان المشاركة:  طلب مساعدة
والله بجامعه الفرات المراقبين قمه في الرواق يعني أنا قدمت امتحان مسرح شكسبير وكان دكتور معلي صوتو ليشرح للطلاب الاساله المراقب قلو لو سمحت في طلاب عم بقدمو- يعني الشغله معامله وبقلك عنا بكلية الادب في جقرين بس قليله جدا
الكاتب:  manoo [ الأحد أغسطس 29, 2010 5:22 am ]
عنوان المشاركة:  طلب مساعدة
طيب منشان المراقبين امرنا لالله سلمناه وتعودنا على العياط و الضجة و طئطئة الكعب المعدن :cry:
بس اكتر شي محيرني وما عم اقدر افهمو انو ليش بطلو يعطو اوراق الاسئلة؟؟؟؟
انو كانو بس ما يعطو اسئلة الاتمتة هلئ صارو كل المواد ليش؟؟؟ شو يلي تغير؟؟؟
*ممم *ممم
الكاتب:  فارس [ الأحد أغسطس 29, 2010 11:04 pm ]
عنوان المشاركة:  طلب مساعدة
manoo,
اقتباس:
بس اكتر شي محيرني وما عم اقدر افهمو انو ليش بطلو يعطو اوراق الاسئلة؟؟؟؟
انو كانو بس ما يعطو اسئلة الاتمتة هلئ صارو كل المواد ليش؟؟؟ شو يلي تغير؟؟؟
المفروض عند آخر ربع ساعة او عشر دقايق من وقت الفحص ازا بدك تطلعي و تاخدي الاسئلة معك ما حدا بيحكي .... اما المادة اللي ما عم يعطوكم فيها ورقة الاسئلة بنوب بكون بأمر من الدكتور و بالتالي هاد بيعني انو الدكتور خايف الطلاب ما تحفظ الاسئلة و يقوم يتعزب بحطط اسئلة بالكامل للفصل اللي بعدو ...
الكاتب:  Golden RoSe [ الأحد أغسطس 29, 2010 11:10 pm ]
عنوان المشاركة:  طلب مساعدة
اقتباس:
اما المادة اللي ما عم يعطوكم فيها ورقة الاسئلة بنوب بكون بأمر من الدكتور و بالتالي هاد بيعني انو الدكتور خايف الطلاب ما تحفظ الاسئلة و يقوم يتعزب بحطط اسئلة بالكامل للفصل اللي بعدو ...
الله يبشرك بالخير
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/