| آرتين لتعليم اللغات https://forum.art-en.com/ |
|
| هل أنا على حق https://forum.art-en.com/viewtopic.php?t=19484 |
صفحة 1 من 2 |
| الكاتب: | محمد الاسمر [ الخميس يناير 14, 2010 7:46 am ] |
| عنوان المشاركة: | هل أنا على حق |
رحم الله من قال: إنما الأمم الأخلاق ما بقيت فإن هم ذهبت أخلاقهم ذهبوا كثيرا مايمرهذا البيت بخاطري فأقف حائرا متسائلا هل نحن حقا أمة تسير نحو الزوال. والله لو أردنا الإجابة بموضوعية لقلنا: نعم العرب قديما إذا ارادو إن يرسلوا رسولا لقوم ما إختاروه من أجودهم حديثا وأفصحهم لسانا لان هذا الرسول هو إعلام القوم من جهة وواجهتهم من جهة ثانية. أما نحن والحمد لله إعلامنا وصل إلى مراتب من الإبتذال لاينافسه عليها أحد. فما إن خرجنا من مستنقع الفن العاري المبتذل حتى وقعنا في مطب المسلسلات التركية واليوم الإعلام يحاول إن يدخل الفرح إلى بيوت الشعب بطريقة مبتذلة رخيصة حيث يظهر على الشاشات مجموعة من الممثلين الذين يحاولون إضحاك الناس بالكلام لبذئ والألفاظ النابية التي تأنف الأذن من سماعها هل نحن حمقى إلى هذا الحد حتى يستخفوا بنا ويخرجوا أمامنا بهذه الصور والله هزلت لكن يبقى السؤال :هل يعكس الاعلام العربي صورة الامة العربية كما يجب؟ |
|
| الكاتب: | seamo [ الخميس يناير 14, 2010 9:10 am ] |
| عنوان المشاركة: | هل أنا على حق |
فما إن خرجنا من مستنقع الفن العاري المبتذل حتى وقعنا في مطب المسلسلات التركية والله يا محمد هو الواقع بذاتو وييل بيزيد الجرح والالم انوالعرب عم يتقبلو كل هالشي وخصوصا انو الشباب منهن صارو يختارو هيك طرق تمثيل وغناء طبعا هو فن بحد ضاتو بس ما عيعرفو كيف يستغلو بالوجه الصحيح ومتل ما قلت الفن العاري يللي صار مهنة وابداع بحد ذاتو يمكن لحنا مبقينا عرب متل ايام زمان يللي كانو اسياد للعالم اماب النسبة للاعلام فاعتقد انو فعلا عم ينقل الصورة غلط عن اصل العرب وحقيقتهن مشكور الموضوع كتير مهم تقبل مروري |
|
| الكاتب: | محمد الاسمر [ الجمعة يناير 15, 2010 9:05 am ] |
| عنوان المشاركة: | هل أنا على حق |
ا seamo, مشكورة كتير اسعدني مرورك |
|
| الكاتب: | سليمان الحسن [ الجمعة يناير 15, 2010 2:22 pm ] |
| عنوان المشاركة: | هل أنا على حق |
إعلام وأي إعلام إعلامنا فاشل مضمحل غارق في الحضيض وفي براثن التسيير من أعداء الأمة ممن لا يخافون الله أسسه هدامة وغير قوامة يدخل عقول الشباب فيفسدها وقد أحال مجتمعنا المريض إلى أرض بور تتلقى أي شيئ سيئ إلا من رحم ربي من قنوات عفيفة تنشر مبادئ الإسلام والأخلاق وتنطق بالحق وتنقله ولو على قطع اللسان رغم أنها قليلة جدا جدا سلمت يداك أخي |
|
| الكاتب: | محمد الاسمر [ السبت يناير 16, 2010 1:13 am ] |
| عنوان المشاركة: | هل أنا على حق |
سليمان الحسن, اقتباس:
يدخل عقول الشباب فيفسدها
والله يااخي في شباب واعين لهيك مواضيع وبيعرفوا شو الصح من الغلط ما فينا نعمم على الكل اقتباس:
إلا من رحم ربي
وما اقلهم لكن ماذا نقول وما باليد حيلةاخي الكريم اشكر تفهمك |
|
| الكاتب: | Mohammed [ الجمعة فبراير 12, 2010 4:56 am ] |
| عنوان المشاركة: | هل أنا على حق |
اقتباس:
هل نحن حمقى إلى هذا الحد حتى يستخفوا بنا ويخرجوا أمامنا بهذه الصو
نعم وبكل ثقة ... حمقى لدرجة أننا لا نريد أن ندرك ذلك اقتباس:
هل يعكس الاعلام العربي صورة الامة العربية كما يجب؟
لا ... وذلك ليس فقط بسبب تفضيل وسائل الاعلام نقل صورة مختلفة لنا وعنا وفي اعلامنا فقط بل لأننا نحنا لا نريد أن نرى ولا نري واقعنا الذي صرنا نهرب منه بحفرنا في قمامات ثقافة الغير علنا نجد ما نحشو به رؤوسنا التي تبرات من عروبتها وتبرئت من تراثها واتهمته بالبلاء والهمجية والتخلف محمد الاسمر, 
|
|
| الكاتب: | فــلـك [ الجمعة فبراير 12, 2010 5:47 am ] |
| عنوان المشاركة: | هل أنا على حق |
محمد الاسمر,
اقتباس:
هل نحن حمقى إلى هذا الحد حتى يستخفوا بنا ويخرجوا أمامنا بهذه الصور
مو نحنا الحمقى...بس في اناس...مرتشين...مهمتهم يوصلوا عنا هي الصورة... ويخلو كل اهتمام الشباب موجه لهالشي..بس بظن انو اغلب الشعب رافض لهالصورة.. اقتباس:
:هل يعكس الاعلام العربي صورة الامة العربية كما يجب؟
اكيد لاء..الاعلام العربي عم يحاول يوصل صورة معاكسة لمبادئنا وعاداتنا مدعيين التحرر وحرية الرأي.. انا بظن انو هالشي كلو مخطط الو... لك اذا بتلاحظو عم يضعفوا اللغة العربية...والله كتيييير اعلانات ودعيات ومقابلات عم يظهر فيها اخطاء قواعدية ونحوية بتجلط... وبالنسبة للمسلسلات التركية فأنا ضدها تماما..وضد انو يشاهدها الاطفال والمراهقين... بهالمسلسلات عم يخلو كل شي عادي...مافي شي حرام ولا في شي مخالف للأخلاق....اكيد انتو عم تلاحظو هالشي... موضوع ممتع.. تقبل كامل احترامي.. |
|
| الكاتب: | أوركيدا [ الجمعة فبراير 12, 2010 1:48 pm ] |
| عنوان المشاركة: | هل أنا على حق |
اقتباس:
هل يعكس الاعلام العربي صورة الامة العربية كما يجب؟
قبل أن نبحث عن صورتنا المعكوسة في عيون الأمم الأخرى يجب أن نلاحظ أن إعلامنا العربي يريد أن يجعلنا أهلاً لهذه الصورة! لو كنا فعلاً لا نستحق هذه الصورة المشوهة لوجدت الغالبية العظمى من الناس تحتج على ما يقدم لها .. ولكن هذا منافٍ للواقع .. عندنا ( كلو حلو وكلو بيمشي) محمد الاسمر, لك جزيل الشكر .. موضوع هام فالإعلام المرئي أصبح للبعض جلّ ثقافتهم 
|
|
| الكاتب: | Mohammed [ الجمعة فبراير 12, 2010 2:59 pm ] |
| عنوان المشاركة: | هل أنا على حق |
فــلـك, اقتباس:
بس بظن انو اغلب الشعب رافض لهالصورة.
القصة مو بالرفض أو القبول ما كلنا رافضين كتير شغلات .. منرفض الاباحية ومنرفض التفلت بالمجتمع والانحلال الاخلاقي ومنرفض الظلم .. ومنرفض قيود حرية التعبير ومنرفض الواسطات ومنرفض الرشاوي بس لما بيطلع شي فيديو كليب "مرفوض" منشوفو للأخر ومنسجلو ومنبعتو لرفقاتنا مع انو رافضينو ..او منشوف انو شي فيلم معين طالع صورة المسلم او العربي على أنو متخلف وهمجي ومابيعرف طرق للتعامل مع النساء الا الضرب والشهوة .. ويربط أولادنا اللي عم يشوفو الفيلم جنبنا صورة عادل امام وتصرفاته بالشخصية المحبوبة وصورة الرجل الملتحي بالارهابي والمجنون مثلاً ... مين برأيك بيكون الأحمق ؟؟ اللي انتج الفيلم مشان يضحك العالم العربي ع حالو ..ولا اللي عرضو مشان يطلع قرشين من وراه .. ولا الناس اللي عم تحضرو وعم تتجاهل الافكار اللي مزروعة فيه ومبسوطة انها ضحكت هي واولادها وحطو راسن ونامو بدون ما يعلقو ولا كلمة كمان منرفض اللي عم يصير بالحدايق العامة والجامعات ومنضحك لما بيحكينا رفيقنا قصة صارت معو (مع انو منرفض) ... ومنعمل واسطة مشان نمشي قبل العالم بنص ساعة ومندفع رشوة مشان ما يزعل منا الموظف ويبطل يمشينا مع انو منرفض الرشاوي ومنعرف انو غلط للأسف نحنا الغلط ونحنا اللي عملنا كل هالأخطاء بالسكوت عنها ... ما في شي اسمو "الدنيا هيك" وشي اسمو "في شي اكبر منا" ... التفاصيل نحنا عملناها والمصايب سببها ببساطة أنو نحنا أخدين كلشي أنو روتين مسلَم فيه وما فينا نغيره مجرد رأي
|
|
| الكاتب: | فــلـك [ الجمعة فبراير 12, 2010 7:47 pm ] |
| عنوان المشاركة: | هل أنا على حق |
Mohammed,
اقتباس:
بس
مو الكل يا محمد..لما بيطلع شي فيديو كليب "مرفوض" منشوفو للأخر ومنسجلو ومنبعتو لرفقاتنا مع انو رافضينو .. يلي بيعمل هيك...بكون الفيديو كليب عاجبو ومبسوط فيه.. بينما اذا طلع فيديو كليب مرفوض لشخص ما..عندوا مبادئ واخلاق..ولله بغيّر المحطة ومابيقدر يخلي نظروا عليه ولا ثانية.. هي المبادئ لازم تكون مزروعة براس الطفل من هوي وصغير... يعني تخلي هالطفل لاشعوريا يغير المحطة او يوقف الصورة او يطفي التلفزيون.. يعني هالشي يلي عم تحكي عليه موجود عند الناس الغير مقتنعين بمبادئهم و بدهم يعيشو حياتهم... كلامك كلو صح وبمثل فئة كبيرة من شباب هالايام.. اقتباس:
او منشوف انو شي فيلم معين طالع صورة المسلم او العربي على أنو متخلف وهمجي ومابيعرف طرق للتعامل مع النساء الا الضرب والشهوة .. ويربط أولادنا اللي عم يشوفو الفيلم جنبنا صورة عادل امام وتصرفاته بالشخصية المحبوبة وصورة الرجل الملتحي بالارهابي والمجنون مثلاً ...
هون لازم يكون دور الاهل بالتثقيف و توعية ابنائهم...يعني مالازم يبقو ساكتين وعم يتابعوا..لاء...لازم يوضحوا لأبناهم انو الغرب عم يحاول يزرع فكرة يلي هيي او المسلم (ارهابي) وانو الاسلام ضد الارهاب.. وانو هالشي كلو كرمال ياثروا على صورتنا.. صحي الولاد مارح يفهمو ورح يقولوا يييي عاد حاجي تنظير..بس والله رح يتأثروا بالمستقبل.. اقتباس:
مين برأيك بيكون الأحمق ؟؟
الحمد الله كل واحد اغبى من التاني..
اللي انتج الفيلم مشان يضحك العالم العربي ع حالو ..ولا اللي عرضو مشان يطلع قرشين من وراه .. ولا الناس اللي عم تحضرو وعم تتجاهل الافكار اللي مزروعة فيه اقتباس:
ومنعمل واسطة مشان نمشي قبل العالم بنص ساعة ومندفع رشوة مشان ما يزعل منا الموظف ويبطل يمشينا مع انو منرفض الرشاوي ومنعرف انو غلط
المشكلة انو اذا الوحد ماعمل هيك.... بدو يبقى كامل عمرو عم يمشي معاملات..حسبي الله ونعم الوكيل احسن شي.. تقبل مروري واحترامي الكبير.. |
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|