آرتين لتعليم اللغات
https://forum.art-en.com/

خبرية أكيدة ... مسابقة تعيين المدرسين
https://forum.art-en.com/viewtopic.php?t=19473		 صفحة 1 من 2
الكاتب:  Mohammed [ الثلاثاء يناير 12, 2010 2:40 pm ]
عنوان المشاركة:  خبرية أكيدة ... مسابقة تعيين المدرسين
بعد طول انتظار أعلنت اليوم وزارة التربية عن مسابقة انتقاء المدرسين وأمناء السر و....
صحيح أنو التعيين رح يكون بس بالمناطق النائية فقط
بس منيح اللي طلعت المسابقة أصلاً .. من سنة والعالم موعودة
تهانينا للخريجين... كل القرارات سوا !!! الواحد ما عرفان بدو يطلع بعثة ولا بدو يتثبت ولا بدو يسافر ((يا عمي أيامنا ))
يالله خمس سنين زمان وكل واحد بيرجع عبيتو مثبت وعين الله عليه وبيخدم سنتين عسكرية وبعدين بيعيش بسعادة وهناء

بالتوفيق لكل المتقدمين
منشوفكن السنة الجاية بالحسكة ازا الله يسر
:mrgreen:

رابط الأعلان الرسمي

http://syrianeducation.org.sy/nstyle/in ... rt&aid=553
الكاتب:  Portia [ الثلاثاء يناير 12, 2010 3:37 pm ]
عنوان المشاركة:  خبرية أكيدة ... مسابقة تعيين المدرسين
السلام عليكم :

سؤال :

هلأ اللي حالتهم متل حالتي , مو متخرجين عمادة او مادتين , ما بيحئلهم يتقدموا لشي مسابقة او عمل ؟

او اذا حبوا يشتغلوا بوضعهم الحالي لبين ما يتخرجوا , ياهالترى شو الفرص المتاحة الهم للعمل ؟

بصراحة كتير حابة اشتغل او اعمل بمجالي او حتى بشي قريب منو , بس ما نبئى قاعدين

شو بتنصحونا نعمل ؟؟؟؟

...............
الكاتب:  Portia [ الثلاثاء يناير 12, 2010 3:45 pm ]
عنوان المشاركة:  خبرية أكيدة ... مسابقة تعيين المدرسين
السلام عليكم :

سؤال تاني :

ماذا يترتب علينا القيام به من اتباع دورات و غيرو , مشان التوظيف او حتى مشان الدراسات ؟

............
الكاتب:  Mohammed [ الأربعاء يناير 13, 2010 12:06 am ]
عنوان المشاركة:  خبرية أكيدة ... مسابقة تعيين المدرسين
Portia,
بخصوص السؤال الأول بأمكانك أنو تقري جريدة الوسيلة ببساطة وانشالله بتلاقي شي بيناسبك بس طبعا رح يكون الشغل بمؤسسة خاصة مو حكومية على الأغلب
الا از كنت مو مستعجلة عالمصاري ف فيكي تاخدي ساعات بشي مدرسة عن طريق التربية
ولما بتتخرجي بتاخدي الوثيقة بيعدلولك وضعك الى مدرسة جامعية بدل باكالوريا

مشان التوظيف لازمك شهادة كمبيوتر من الجمعية السورية للمعلوماتية (أو ICDL على حسب علمي) لطلاب الانكليزي ورقة اعفاء من فحص اللغة
اما الدراسات ف فيكي تعملي اي دورة تقوية ويفضل أنك تحسني مستواكي مهما كان
قواعد ومفردات وقراءة
أهم شي الscanning و skimming مشان النصوص الطويلة بامتحان القبول التخصصي
proficiency test
انشالله تكون الفكرة صارت واضحة

GOOD LUCK
الكاتب:  Safa alaasi [ الأربعاء يناير 13, 2010 12:48 am ]
عنوان المشاركة:  خبرية أكيدة ... مسابقة تعيين المدرسين
Mohammed,
يااااي ياااااي يا فرحتي و ياهناية و أخيرا رح يصير عندي فرصة أعمل برونزاج بس غير عدير الزور ما برضى ها :mrgreen:
الكاتب:  سحر [ الأربعاء يناير 13, 2010 1:41 am ]
عنوان المشاركة:  خبرية أكيدة ... مسابقة تعيين المدرسين
تعليم مفتوح ترجمة لا تعليق :shock:
الكاتب:  Widad [ الأربعاء يناير 13, 2010 3:29 am ]
عنوان المشاركة:  خبرية أكيدة ... مسابقة تعيين المدرسين
:mrgreen: :mrgreen: :mrgreen: :cry: :cry: :cry:
اقتباس:
أعمل برونزاج بس غير عدير الزور ما برضى ها
على كيفك لأنه إذا بدير الزور كتير منيح الله وماحيالله برونزاج (برونزاج +ه سنوات تحميص )وببلاش 8) الله يستر ما تصيري على حدود تركيا النائية 8) 8) هونيك بتنسي الإنكليزي وبتتعملي التركي 8) لو صارت لجدي هالمسابقة ماماكان مات 8) جخو بهالنعمة *sla
الكاتب:  Portia [ الأربعاء يناير 13, 2010 1:02 pm ]
عنوان المشاركة:  خبرية أكيدة ... مسابقة تعيين المدرسين
السلام عليكم :

Mohammed :

شكراً لك , و ربما سيكون لدي تعقيب لكن في موضوع منفصل .

.................
الكاتب:  greeneyes-87 [ الخميس يناير 14, 2010 1:52 am ]
عنوان المشاركة:  خبرية أكيدة ... مسابقة تعيين المدرسين
والله الخبر حلو و كنا ناطرينو من زمان .. الله ينجح الكل
بس نحنا حراام يعني باقيلنا كم مادة و منتخرج يا ريت وزير التربية يرأف بحالنا و يعدل شوي بالقرارو يعمل المسابقة شرطية .. كنا تعينا و لو حتى بالدير
يعني منعمل سياحة داخلية و منشوف وطننا الحبيب
مع تحياتي للجميع و التوفيق
الكاتب:  لجين [ الجمعة يناير 15, 2010 1:23 am ]
عنوان المشاركة:  خبرية أكيدة ... مسابقة تعيين المدرسين
ياربي ماعملت فحص ICDL
قلبي بارد جدا بس الحق علي
:evil:
شكرا كتير محمد الله يعطيك العافية وموفقين يارب
*Hi
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/