اول شي بدي اعتذر عالحكي اللي بدي قولو هلأ
الصراحة انا كنت منتظر الاطلالة الجديدة للمنتدى بفارغ الصبر بس ما كانت ابدا متل ما كنا متأملين
انا تقصدت انو ما يكون هالموضوع بعد النتهاء التعديل فورا لأني بعرف التعب اللي تعبتوه بالتصميم ... كمان مرة ما حدا يزعل
اول شي : بزمانو تعدل لون المنتدى العام للأورنج وكان كتير حلو وبعدين تعدل للأزرق وصار احلا ... بس هالمرة ضل نفسه مع انو في كتير الوان بتعطي انطباع حلو وبتبين انو المنتدى تطور وراقية متل الأزرق كمان ( رمادي فاتح - فستقي - موف فاتح .... وانتو ادرى ببقية الالوان)... ومع الأسف الشكل الجديد بدائي (خاصة الخطوط المايلة اللي عالجوانب)
يمكن صار في اقسام حلوة متل الأرشيف وما بعد التخرج والكتب المستعملة والتاريخ اللي محدا معبرو و ميزات جديدة بس مانها واضحة متل ما تعودنا
وما عم يتم تفعيلها بالشكل الكافي
تاني شغلة : التقسيمات الغريبة شوي واللي ما عم نقدر نميزها من بعض لهلأ مثلاً :

الشعر العمودي والتفعيلة ___ بوح المشاعر وشعر الخواطر (الصراحة عم اتخيل ازا فرضا كتبتلي كلمتين ما رح اعرف وين نزلن ) خاصة انو التقسيم مانو واضح المعالم والأسم بيخربط
نوافذ وآراء كمان ما فهمت شو الو علاقة بقسم ابداعات ارتينية يا اما القسم مو مناسب او الأسم ... وليكن قسم المقالة على سبيل المثال او مع قسم وجهة نظر
يعني لو فرضنا الواحد عندو "وجهة نظر" بالفصحى كاتب موضوع معين ... لازم يعتبر حالو كاتب مقالة وينزلها ب نوافذ وآراء ؟ أو يعتبرها وجهة نظر وبس ؟
الفكرة أنو بالتقسيم مخلين الخيار للعضو انو هو يقيم حالو وهالشي صعب وبيلبك اللي بدو ينزل موضوع بأي مجال خاصة الجدد خاصة انو معظم الوقت الواحد ما رح يدقق بالتفاصيل المكتوبة تحت كل باب فلازم يكون العنوان كافي


وعذراً من الجميع

Mohammed,
لك هلا بمحمد

اول شي ليش معصب ؟ روق يا زلمة ولو

بخصوص الستايل : بدك تعذبني كتير يا محمد ازا كل سنة بدي أعمل ستايل جديد بالكامل , هاد غير انو لازم يبقى انطباع معين للموقع , مو كل سنة شكل جديد و ما بعرفو الزائر غير من العنوان . بخصوص الاخطوط ع الجوانب , عندي استعداد غيرهم لعيونك ما مشكلة , مع اني قليل لشوفهم و نادرا , قلي شو ببالك ؟ بس غير الزخارف لأنها كانت آخدة حجم من الصفحة بالرغم من انو عندي وايد سكرين

بالنسبة لبوح المشاعر و قسم الشعر الموزون , الهدف منو انو نشجع الأعضاء الموهوبين على تطوير مواهبهم اكاديميا و بالطريق الصح مو يبقى مكانك راوح , ازا شخص كتب قصيدة و ما بيعرف وزنها , ليش لما يتعلم شوي بالأوزان و يجرب ؟ وقتها بصير بسهولة بقرر بأنو قسم انسبلها .
قسم نوافذ و آراء بيختلف عن قسم وجهة نظر بشغلتين مهمها , أولاً انو كللللل الحكي فيه بالفصحى حصراً , تاني شي و الأهم انو ( كونو محطوط ضمن أقسام ابداعات ارتينية ) من كتابة أعضاء آرتين حصراً كمان . و نفس الشي لكل الأقسام الموجودة ضمن " ابداعات آرتينية "
يعني لو بتقرا الوصف الخاص بكل قسم , بيسهل عليك كتير ..
وصف قسم نوافذ و آراء : ساحة نعرض فيها زوايا وصورا تمس حياتنا ومشاكلنا ، لتكون مقالات و مقامات ناقدة أو تحليلية تطرح فكر كل ٍ منا بصياغة أدبية فصيحة .
وصف قسم وجهة نظر : لكل كليّة قضاياها ... هنا نوفّر ساحة لحرية الرأي و التعبير و نتناقش بشكل جدي من خلال آرائنا المختلفة

و بصراحة مشكلة العناوين محيرة جدا جدا , و ممكن نكون ما توافقنا باخيار العنوان المناسب لكل قسم , بسبب انها محيرة .

و اي شي تاني عبّر و خود راحتك

لك هلا بأبو الفوارس...
مين قلك معصب والله مروق آخر رواق
بس القصة ومافيها انو منحب نفوت عآرتين ونلاقي كلشي متكامل ومميز متل ما تعودنا مو أكتر
وبالنسبة للشرح اللي شحتلي ياه كنت قارين اكتر من مرة
بس والله ازا اجو بفحص اتمتة ما بظن تطلع معي المادة كتر مو دقيقين وبيتشابهو
خلص بعد الامتحانات بعملن مراجعة

بصرحة الاخ محمد معو حق بكل شي قالو

والمشكلة انو حتى لو العضو قرر لحالو ونزل اي موضوع بيتفاجئ انو موضوعو انتقل يعني شربيكة ما كان في داعي إلها

ولكم جزيل الشكر...............